The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2253K+

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး (စွမ်းအင်) ဒေါက်တာထွန်းနိုင် ရေနံဓာတ်ငွေ့ရည်အရောင်းဆိုင် (တောင်ဥက္ကလာ) အား ကြည့်ရှုစစ်ဆေး

၂၀၁၉ ခုနှစ်၊ ဒီဇင်ဘာလ (၂၈)ရက်

            လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး (စွမ်းအင်) ဒေါက်တာထွန်းနိုင်သည် ရန်ကုန်တိုင်းဒေသကြီး၊ တောင်ဥက္ကလာပမြို့နယ်ရှိ မြန်မာ့ရေနံဓာတုဗေဒလုပ်ငန်းနှင့် ရတနာစု ကုမ္ပဏီလီမိတက်တို့ အကျိုးတူ ပူးပေါင်းဆောင်ရွက်လျက်ရှိသော ရေနံဓာတ်ငွေ့ရည် အရောင်းဆိုင် (တောင်ဥက္ကလာ)သို့ ယနေ့နံနက်ပိုင်းတွင်ရောက်ရှိပြီး၊ ရေနံဓာတ်ငွေ့ရည် ဖြန့်ဖြူး ရောင်းချနေမှု အခြေအနေအား ကြည့်ရှုစစ်ဆေးခဲ့ပါသည်။

            အရောင်းဆိုင်ရှင်းလင်းဆောင်တွင် ဒုတိယဝန်ကြီးအား မြန်မာ့ရေနံဓာတုဗေဒလုပ်ငန်း၊ ဦးဆောင်ညွှန်ကြားရေးမှူး ဦးအောင်မြင့် ၊ ရတနာစုကုမ္ပဏီလီမိတက်၏ MD ဦးရဲဝင်းနှင့် တာဝန်ရှိသူများမှ ရေနံဓာတ်ငွေ့ရည်စက်ရုံ(ညောင်တုန်း) လည်ပတ်မှုအခြေအနေ၊ ရေနံ ဓာတ်ငွေ့ရည်အရောင်းဆိုင် (အင်းစိန်၊ မြောက်ဒဂုံ၊ မှော်ဘီ)တို့၏ လုပ်ငန်းဆောင်ရွက်နေမှု အခြေအနေ၊ အရောင်းဆိုင် (တောင်ဥက္ကလာ) ဖွင့်လှစ်နိုင်ရေး စီမံဆောင်ရွက်မှုအခြေအနေတို့ အား ရှင်းလင်းတင်ပြပါသည်။

            တင်ပြချက်များအပေါ် ဒုတိယဝန်ကြီး ဒေါက်တာထွန်းနိုင်မှ ရေနံဓာတ်ငွေ့ရည် တင်သွင်း ဖြန့်ဖြူးရောင်းချမှု ကဏ္ဍတွင် ပုဂ္ဂလိကကဏ္ဍမှ ယခုကဲ့သို့ ပါဝင်ဆောင်ရွက်လာမှုကို အားပေးပါကြောင်း၊ နောင်တွင် ရေနံဓာတ်ငွေ့ရည်သုံးစွဲမှုအား နေအိမ်မီးဖိုချောင်သုံး ကဏ္ဍ သာမက သယ်ယူပို့ဆောင်ရေးကဏ္ဍအထိပါ ဖွံ့ဖြိုးတိုးတက်လာရေး ရည်မှန်းဆောင်ရွက်ထားရန် လိုအပ်ပါကြောင်း၊ လုပ်ငန်းလုပ်ကိုင်သူများနှင့် LPGဓာတ်ငွေ့ရည်သုံးစွဲသူတို့ ဘေးအန္တရာယ် ကင်းဝေးစေရန် နည်းဥပဒေ ရေးစွဲလျှက်ရှိပါကြောင်း၊ လုပ်ငန်းခွင်ဘေးအန္တရာယ်ကင်းရှင်းရေး၊ ဖြန့်ဖြူးရောင်းချရာတွင် သတ်မှတ်စည်းကမ်းချက်များနှင့်အညီ လိုက်နာဆောင်ရွက်ရန် လိုအပ် ပါကြောင်း၊ သုံးစွဲသူများ ဘေးအန္တရာယ်ကင်းရှင်းစေရန် ရေနံဓာတ်ငွေ့ရည်အိုးများ၏ သက်တမ်း ကြံ့ခိုင်မှုနှင့်ပတ်သက်၍ သတ်မှတ်ချက်များနှင့်အညီ စစ်ဆေးစမ်းသပ်မှုများ ခံယူရန် လိုအပ် ပါကြောင်း၊ ရေနံဓာတ်ငွေ့ရည်သုံးစွဲမှု ပိုမိုကျယ်ပြန့်လာစေရေးအတွက် ပြည်သူလူထုသို့ အသိပညာပေးခြင်းများကို အလေးထားဆောင်ရွက်သွားရန် လိုအပ်ပါကြောင်း၊ အနာဂတ် အစီအမံများအရ ရေနံဓာတ်ငွေ့ရည် တိုးတက်ထုတ်လုပ် ဖြန့်ဖြူးရောင်းချနိုင်ရေးအတွက် ကြိုတင်မျှော်မှန်း စီမံဆောင်ရွက်ထားရန် လိုအပ်ပါကြောင်း၊ ဝန်ထမ်းများ၏ လုပ်ငန်းခွင် ဘေးအန္တရာယ် ကင်းရှင်းစေရန်အတွက် Safety Training များ စဉ်ဆက်မပြတ် ဖွင့်လှစ်လေ့ကျင့် ပေးရန် လိုအပ်ပါကြောင်း၊ မီးဘေးလုံခြုံရေးအတွက် သတ်မှတ်ရေးဆွဲထား သည့် စီမံချက် များအတိုင်း ကြိုတင်ဇာတ်တိုက် လေ့ကျင့်မှုများ ဆောင်ရွက်ရန်လိုအပ်ပါကြောင်း လမ်းညွှန် မှာကြားခဲ့ပါသည်။

            ယခင် ရေနံဓာတ်ငွေ့ရည်အရောင်းဆိုင်(အလုံ)အား  လုပ်ငန်းလိုအပ်ချက်အရ ရေနံ ဓာတ်ငွေ့ရည်အရောင်းဆိုင် (တောင်ဥက္ကလာ)သို့ ပြောင်းရွှေ့တည်ဆောက်ခြင်း ၂၀၁၉ ခုနှစ်၊ ဩဂုတ်လမှစတင်၍ ငွေကျပ်သန်းပေါင်း (၆၀၆.၅) အကုန်ကျခံ ဆောင်ရွက်ခဲ့ခြင်းဖြစ်ပါသည်။  ယခုအခါ အဆိုပါဆိုင်မှ ရေနံဓာတ်ငွေ့ရည် ဖြန့်ဖြူးရောင်းချခြင်းအား (၁၇-၁၂-၂၀၁၉) ရက်နေ့ မှစတင်၍   တနင်္ဂနွေနေ့နှင့် အစိုးရရုံးပိတ်ရက်များမှအပ နေ့စဉ်ရောင်းချပေးလျက်ရှိပါသည်။

Post under by : ဝန်ကြီးရုံး
28-Dec-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2253K+
© by MOEE. Powered by Next Hop Co.,Ltd.