The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2365K+

(ဃ)-ထီးလင်းမြို့နယ်အတွင်း ကျင်းကျေးရွာဒေသရှိ ကျေးရွာကိုးရွာ လျှပ်စစ်မီးရရှိရေးစီစဉ်ဆောင်ရွက် ပေးရန် အစီအစဉ်ရှိ/မရှိနှင့်စပ်လျဉ်းသည့်မေးခွန်း

ဦးမြတ်လေးဦး (ထီးလင်းမဲဆန္ဒနယ်)

(ဃ)-ထီးလင်းမြို့နယ်အတွင်း ကျင်းကျေးရွာဒေသရှိ ကျေးရွာကိုးရွာ လျှပ်စစ်မီးရရှိရေးစီစဉ်ဆောင်ရွက် ပေးရန် အစီအစဉ်ရှိ/မရှိနှင့်စပ်လျဉ်းသည့်မေးခွန်း

 

ကျေးရွာသုံးရွာသည် ထီးလင်းမြို့မှ ပေါက်-ပခုက္ကူသွားကားလမ်းမကြီးပေါ်တွင် တည်ရှိပြီး ကျေးရွာသုံးရွာတွင် အိမ်ထောင်စု ၃၈၀ ကျော်ရှိပြီးမှ လူဦးရေ ၁၈၀၀ ခန့် တည်ရှိသည့်အပြင် အကြည်ဘန်းကျေးရွာဆိုလျှင် ထီးလင်းမြို့နှင့် ၈ မိုင်ဝေးပြီး အညာဘန်းကျေးရွာသည် ၁၂ မိုင် ခန့်ဝေးပါကြောင်း၊ ကားလမ်းမကြီးအနီး ရှိသည့်အတွက် သွားလာရလွယ်ကူသော ကျေးရွာများလည်း ဖြစ်ပါကြောင်း၊ ထို့ကြောင့် အကြည်ဘန်းကျေးရွာဆိုလျှင် အခြေခံပညာအထက်တန်းကျောင်းနှင့် ကျေးလက်ကျန်းမာရေးဌာန ရှိသည့်အတွက်ကြောင့် အနီးအနားရှိ ကျေးရွာပေါင်း ၁၀ ရွာမှ ကျောင်းသား/သူများနှင့် မိဘပြည်သူများ မှီခိုအားထားနေရသည့် ကျေးရွာတစ်ရွာလည်း ဖြစ်ပါကြောင်း၊ အကယ်၍ အကြည်ဘန်းကျေးရွာတွင် လျှပ်စစ်မီးရရှိမည်ဆိုလျှင် အခြေခံပညာ အထက်တန်းကျောင်းရှိ ပညာသင်ကြားနေသည့် ကျောင်းသား/သူများ၏ ပညာရေးပိုမိုပြီး အထောက်အကူ ဖြစ်လာမည်ဖြစ်သည့်အပြင် ၎င်းဒေသရှိ ပြည်သူလူထုများ၏ ကျန်းမာရေး၊ စီးပွားရေး၊ လူမှုရေးအဆင့်အတန်းလည်း မြင့်မားလာမည် ဖြစ်သည့်အပြင် အနီးအနားရှိ အလယ်ဘန်းကျေးရွာ၊ အညာဘန်းကျေးရွာများကိုလည်း လျှပ်စစ်မီးလွယ်ကူစွာ သွယ်တန်းနိုင်မည် ဖြစ်ပါကြောင်း၊ ထို့အပြင် အနီးအနားရှိ ဘူးတောင်းကျေးရွာ၊ ညောင်ကျေးရွာ၊ တိကျေးရွာ၊ ငါးဆင်းကျေးရွာနှင့် အခြားကျေးရွာများကိုလည်း လျှပ်စစ်မီးရရှိနိုင်ရေးအတွက် တစ်ဆင့်ဆောင်ရွက်နိုင်မည် ဖြစ်ပါကြောင်း၊ ထို့ကြောင့် အကြည်ဘန်းကျေးရွာ၊ အလယ်ဘန်းကျေးရွာနှင့် အညာဘန်းကျေးရွာများကို လျှပ်စစ်မီးသွယ်တန်း ပေးပါရန်တောင်းဆိုရင်း အထက်ပါမေးခွန်းကို မေးမြန်းရခြင်း ဖြစ်ပါသည်။

 

မကွေးတိုင်းဒေသကြီး၊ ဂန့်ဂေါခရိုင်၊ ထီးလင်းမြို့နယ်အတွင်းရှိ အကြည်ဘန်းကျေးရွာနှင့် အလယ်ဘန်းကျေးရွာနှစ်ရွာ ဓာတ်အားရရှိရေးအတွက် ၆၆/၁၁ ကေဗွီ၊ 5 MVA ၊ ထီးလင်း ဓာတ်အားခွဲရုံမှ 11 KV ဓာတ်အားလိုင်း ၇ မိုင်နှင့် 11/0.4 KV၊ ၂၀၀ ကေဗွီအေ ထရန်စဖော်မာသုံးလုံး၊ အညာဘန်းကျေးရွာ ဓာတ်အားရရှိရန်အတွက် အလယ်ဘန်းကျေးရွာကတစ်ဆင့် ၁၁ ကေဗွီ ဓာတ်အားလိုင်း ၅ မိုင်နှင့် 11/0.4 KV ၊ 200 KVA ထရန်စဖော်မာတစ်လုံး တည်ဆောက်ပေးရမည် ဖြစ်သည်ကို စိစစ်တွေ့ရှိရပါကြောင်း၊ ထို့ကြောင့် အကြည်ဘန်းကျေးရွာနှင့် အလယ်ဘန်းကျေးရွာ နှစ်ရွာ ဓာတ်အားရရှိရေးအတွက် လိုအပ်သည့် 11 KV ဓာတ်အားလိုင်း ၇ မိုင်နှင့် 11 to 0.4 KV ၊ 200 KVA ထရန်စဖော်မာသုံးလုံးအား မကွေးတိုင်းဒေသကြီး အစိုးရအဖွဲ့က ၂၀၁၈-၁၉ ဘဏ္ဍာရေးနှစ် (၂၀၁၈ ခုနှစ်၊ အောက်တိုဘာလမှ ၂၀၁၉ ခုနှစ်၊ စက်တင်ဘာလအထိ) တိုင်းဒေသကြီး အစိုးရရန်ပုံငွေတွင် လည်းကောင်း၊ အညာဘန်းကျေးရွာဓာတ်အား ရရှိရေးအတွက် လိုအပ်သော 11 KV ဓာတ်အားလိုင်း ၅ မိုင်နှင့် 11/0.4 KV ၊ 200 KVA ထရန်စဖော်မာတစ်လုံးအား ၂၀၁၉-၂၀ ဘဏ္ဍာရေးနှစ် တိုင်းဒေသကြီးအစိုးရ ရန်ပုံငွေတွင်လည်းကောင်း ဘဏ္ဍာငွေထည့်သွင်း လျာထားပြီး ဘဏ္ဍာငွေရရှိမှုအပေါ် မူတည်ပြီး အကောင်အထည်ဖော် ဆောင်ရွက်ပေးသွားမည် ဖြစ်ပါကြောင်း ပြန်လည် ရှင်းလင်းဖြေကြားပါသည်။

 

လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင်

လျှပ်စစ်နှင့်စွမ်းအင်

httpss://www.pyithuhluttaw.gov.mm/question-3328

27-Feb-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2365K+
© by MOEE. Powered by Next Hop Co.,Ltd.