The Republic of the union of myanmar
Ministry Of Electricity And Energy
မောက်မြို့နယ်၊ ဟိုနမ့်ကျေးရွာအုပ်စုနှင့် ပန်းတန်ကျေးရွာအုပ်စုမှ ဒေသခံပအိုဝ်းတိုင်းရင်းသားများ (၂၄)နာရီ လျှပ်စစ်ဓာတ်အားအသုံးပြုခွင့်ရရှိရေးအတွက် မည်ကဲ့သို့ကူညီပံ့ပိုးဆောင်ရွက်ပေးမည်ကို သိလိုခြင်းနှင့်စပ်လျဉ်းသည့်မေးခွန်း
ဦးစိုင်းငေါင်းဆိုင်ဟိန်း( မောက်မယ် မဲဆန္ဒနယ်)
မိမိတို့မောက်မယ်မြို့နယ်တွင် မြို့နှင့် ၁၈ မိုင်ကွာဝေးသောဒေသမှာ ဟိုနမ့်ကျေးရွာအုပ်စုနှင့် ပန်းတန်ကျေးရွာ အုပ်စုဆိုပြီး ဒေသခံပအိုဝ်းတိုင်းရင်းသားများ စုပေါင်းနေထိုင်သော ကျေးရွာအုပ်စုကြီး နှစ်အုပ်စုရှိပါကြောင်း၊ ယခင်က ဆက်သွယ်သွားလာရေး အင်မတန်ခက်ခဲသော ဒေသဖြစ်ပါကြောင်း၊ ယခု ၂၀၁၀ ပြည့်နှစ် နောက်ပိုင်းတွင် ဆက်သွယ်သွားလာရေးအတွက် အဓိကအချက်အချာကျသည့် ကျေးရွာအုပ်စုများ ဖြစ်လာပါကြောင်း၊ ယခုလက်ရှိအနေဖြင့် ဟိုနမ့်အုပ်စု၏ အဓိကကျသော နေရာများတွင် EPC မှ လျှပ်စစ်ဓာတ်အားပေးစနစ်ဖြင့် မီးထွန်းထားခြင်းရှိပါကြောင်း၊ လောလောဆယ် ဟိုနမ့်ဒေသ၏ အင်အားမှာ အ.ထ.ကတစ်ကျောင်း၊ ၁၆ ခုတင်ဆံ့ တိုက်နယ်ဆေးရုံတစ်ရုံ၊ ရဲစခန်းတစ်ခုရှိပါကြောင်း၊ မိမိတို့ကျေးရွာများတွင် ပြုလုပ်သည့် လူထုစကားဝိုင်း ပြည်သူ့တွေ့ဆုံ ပွဲများတွင် ဒေသခံတိုင်းရင်းသားများက လျှပ်စစ်မီး ၂၄ နာရီ အသုံးပြုခွင့်ရရှိရေးကို အဓိကတင်ပြ တောင်းဆိုလာကြခြင်း ဖြစ်ပါကြောင်း၊ အမှန်တကယ်ဝေးလံ ခက်ခဲသောဒေသများကို န.တ.လနှင့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ ဆိုလာမီးများကို ဖြန့်ဝေထားသည်မှာ အနည်းအကျဉ်း တွေ့ရှိရပါကြောင်း၊ ထို့ကြောင့် ဒေသခံတိုင်းရင်းသားများ လျှပ်စစ်မီး ၂၄ နာရီ အသုံးပြုခွင့် ရရှိရေးအတွက် လင်းခေးခရိုင်၊ မောက်မယ်မြို့နယ်၊ ဟိုနမ့်ကျေးရွာအုပ်စုနှင့် ပန်းတန်ကျေးရွာအုပ်စုမှ ဒေသခံပအိုဝ်းတိုင်းရင်းသားများ ၂၄ နာရီလျှပ်စစ်ဓာတ်အား အသုံးပြုခွင့် ရရှိရေးအတွက် နိုင်ငံတော် အစိုးရမှ မည်ကဲ့သို့ကူညီ ဆောင်ရွက်ပေးနိုင်မည်ကို သိရှိလိုပါကြောင်း မေးမြန်းပါသည်။
ရှမ်းပြည်နယ်၊ မောက်မယ်မြို့နယ် ဟိုနမ့်ကျေးရွာအုပ်စုတွင် ကျေးရွာပေါင်း ၂၈ ရွာ၊ အိမ်ထောင်စု ပေါင်း ၁၆၁၇ စု၊ ပန်းတန်ကျေးရွာအုပ်စုတွင် ကျေးရွာပေါင်း ၁၀ ရွာ၊ အိမ်ထောင်စုပေါင်း ၁၀၁၉ စုခန့် နေထိုင်လျက်ရှိပါကြောင်း၊ အဆိုပါကျေးရွာအုပ်စု နှစ်ခုတွင်ရှိသည့် ကျေးရွာပေါင်း ၃၈ ရွာ၊ လျှပ်စစ်ဓာတ်အား ရရှိနိုင်ရေးအတွက် မောက်မယ်မြို့၊ ၃၃/၁၁ ကေဗွီဓာတ်အားခွဲရုံမှ ဟိုနမ့်ကျေးရွာသို့ ၃၃ ကေဗွီဓာတ်အားလိုင်း ၂၂.၅ မိုင် နှင့် ဟိုနမ့်ကျေးရွာတွင် ၃၃/၁၁ ကေဗွီ ၅ အမ်ဗီအေ ဓာတ်အားခွဲရုံတစ်ရုံ တည်ဆောက်ပြီး အဆိုပါ ၃၃ ကေဗွီ ဓာတ်အားခွဲရုံမှတစ်ဆင့် ၁၁ ကေဗွီ ဓာတ်အားလိုင်းများဖြင့် ကျေးရွာများထံသို့ လျှပ်စစ်ဓာတ်အား ဆက်လက်ဖြန့်ဖြူး ပေးသွားရမည် ဖြစ်ပါကြောင်း၊ မောက်မယ်မြို့တွင် ၃၃/၁၁ ကေဗွီခွဲရုံမှ ဟိုနမ့်ကျေးရွာ သို့ ၃၃ ကေဗွီဓာတ်အားလိုင်း ၂၂ မိုင်နှင့် ဟိုနမ့်ကျေးရွာတွင် ၃၃ ကေဗွီဓာတ်အားခွဲရုံတစ်ရုံ တည်ဆောက်ခြင်း လုပ်ငန်းများကို ၂၀၂၄-၂၅ ဘဏ္ဍာရေးနှစ် ပြည်ထောင်စု၏ ဘတ်ဂျက်တွင် ထည့်သွင်းလျာထား ဆောင်ရွက်ရန် စီစဉ်ထားပြီး ဖြစ်ပါကြောင်း၊ အဆိုပါကိစ္စအား စီစဉ်ဆောင်ရွက်ပြီးပါက ထပ်မံလိုအပ်လာမည့် ၁၁ ကေဗွီ ဓာတ်အားလိုင်းများနှင့် ၁၁/ဝ.၄ ကေဗွီ ထရန်စဖော်မာများ တပ်ဆင်ခြင်း လုပ်ငန်းများကို ၃၃ ကေဗွီ ဓာတ်အားခွဲရုံ တည်ဆောက်ပြီးစီးသော အနီးစပ်ဆုံး ဘဏ္ဍာရေးနှစ်တွင် ရှမ်းပြည်နယ် အစိုးရအဖွဲ့၏ ပြည်နယ်ဘတ်ဂျက် ရန်ပုံငွေတွင် ထည့်သွင်းလျာထား ဆောင်ရွက်ပေးသွားမည် ဖြစ်ပါကြောင်း ရှင်းလင်းဖြေကြားပါသည်။
လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
လျှပ်စစ်နှင့်စွမ်းအင်
_Page_28.jpg)
_Page_04.jpg)
_Page_05.jpg)
_Page_06.jpg)
_Page_08.jpg)
_Page_02.jpg)
_Page_03.jpg)
_Page_01.jpg)
_Page_09.jpg)
_Page_10.jpg)
_Page_11.jpg)
_Page_12.jpg)
_Page_16.jpg)
_Page_17.jpg)
_Page_18.jpg)
_Page_19.jpg)
_Page_20.jpg)
_Page_21.jpg)
_Page_22.jpg)
_Page_23.jpg)
_Page_24.jpg)
_Page_25.jpg)
_Page_26.jpg)
_Page_27.jpg)