The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2362K+

ဖာပွန်မြို့ လျှပ်စစ်ဓာတ်အားသွယ်တန်းနိုင်ရေး ဆောင်ရွက်ပေးရန် အစီအစဉ်ရှိ/မရှိနှင့်စပ်လျဉ်း သည့်မေးခွန်း

    ဦးထွန်းမြအောင်(ခ) ဦးစောထွန်းမြအောင်(ဖာပွန် မဲဆန္ဒနယ်) 

      (၁၃)ကြိမ်မြောက် ပြည်သူ့လွှတ်တော် ဒုတိယပုံမှန်အစည်းအဝေးတွင်မိမိအနေဖြင့် ၂၀၁၉ ခုနှစ် အောက်တိုဘာလမတိုင်မီ ကမ္ဘာ့ဘဏ်မှ ပညာရေးနိမ့်ကျသော မြို့နယ်များအား ကူညီ ရန် ဒေါ်လာသန်း ၁၀၀ ချေးငှားသည့်နေရာတွင် အာရှဖွံ့ဖြိုးရေးဘဏ်ကမြို့နယ် ၁၀၀ တွင်ဖာပွန် မြို့နယ်ပါရှိပါကြောင်း၊ ထို့ကြောင့် မိမိကလည်း မြို့ကိုပြန်ရောက်သည့်အခါ ရွာလူကြီးများ၊ မြို့မိ မြို့ဖများခေါ်၍ ဖာပွန်အတွက်ပညာရေးလိုအပ်ချက်များကို အစိုးရကလုပ်ဆောင် ပေးနေသည် ကို ရှင်းလင်းပြသခဲ့ပါကြောင်း၊ ပြသသည့်အချိန်တွင် ငြိမ်းချမ်းရေးဒေသမှ ပညာရေး တာဝန်ခံ ကလည်း လာသည့်အတွက် နားထောင်၍ မိမိတို့လည်း ကူညီရန်ပန်ကြားသွားပါကြောင်း၊ အစည်းအဝေးများလုပ်လျှင်လည်း ၎င်းတို့ဘားအံတွင်ဖိတ်ရန်ပြောပါသေးကြောင်း ၊ ပညာရေးကို မည်သို့ပင်ဖြစ်စေ ထွန်းကားအောင် လုပ်ရန်အတွက် လျှပ်စစ်ဓာတ်အားရှိရန် လိုပါကြောင်း၊ လျှပ်စစ်ဓာတ်အားရှိမှသာ ကွန်ပျူတာ၊ လျှပ်စစ်ပညာ၊ နည်းပညာများ ရှိသလို လုံခြုံရေး အတွက်လည်း တန်ဖိုးရှိမည်ဖြစ်ကြောင်း၊ ထို့ကြောင့် နယ်ပယ်သူ/နယ်ပယ်သားများက ပညာ ရေး တတ်ရန်သည် ပြင်ပမှယခုခေတ်တွင် လကမ္ဘာ ကိုတက်ရန်အတွက် မြန်မာနိုင်ငံကလည်းပဲ ကြိုးစားနေသည့်အချိန်တွင် မိမိတို့ကလျှပ်စစ် ဓာတ်မီးတော့ရောက်ရန်ကောင်းသည် ဟုမိမိ ထင်ပါကြောင်း၊ ရှေ့ခေတ်က အိုင်းစတိုင်း ပညာရှင်ကြီးသည် ပြေးရင်းလွှားရင်းနှင့် သိပ္ပံပညာ ကိုလေ့လာသည့်အတွက်ကြောင့် ကမ္ဘာတွင် နာမည်ကြီးခဲ့ပါကြောင်း၊  ထို့ကြောင့် ဖွံ့ဖြိုးမှု အားလုံး သည် လျှပ်စစ်မီးပေါ်တွင် တည်ရှိသည့်အတွက်ကြောင့် ပညာရေးနောက်ကျနေသည့် ဖာပွန်မြို့နယ်အား မဟာဓာတ်အားလိုင်းသွယ်တန်းပေးရန် အစီအစဉ်ရှိ/မရှိနှင့် မေးမြန်းပါသည်။

         နိုင်ငံတော်ဓာတ်အားစနစ်မှ ကရင်ပြည်နယ်၊ ဖာပွန်မြို့နယ်သို့ ဓာတ်အားဖြန့်ဖြူးပေးနိုင်ရန် အတွက် ၆၆ ကေဗွီ သထုံ-ဝါးပိုးတော-ကမမောင်း-ကတိုင်ထိ-ဖာပွန် ဓာတ်အားလိုင်း ၉၂ မိုင် တည်ဆောက်ခြင်း၊ ဖာပွန်မြို့တွင် ၆၆/၁၁ ကေဗွီ ၁၀ အမ်ဗွီအေ ဓာတ်အားခွဲရုံ တစ်ရုံတည် ဆောက်ခြင်းလုပ်ငန်းတို့ကို ဆောင်ရွက်ရမည်ဖြစ်ပါကြောင်း၊ ဖာပွန်မြို့ လျှပ်စစ်ဓာတ်အား သွယ်တန်းနိုင်ရေးစီမံကိန်းကို ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ပဲခူးတိုင်းဒေသကြီး နှင့် ဧရာဝတီတိုင်းဒေသကြီး တို့တွင် ၂၀၁၉ ခုနှစ်မှ ၂၀၂၅ ခုနှစ်အတွင်း အကောင်အထည်ဖော် ဆောင်ရွက်မည့် ADB ချေးငွေ စီမံကိန်း (Loan No.3748-MYA(COL) Power Network Development Project (Distribution)) ဖြင့် ဆောင်ရွက်ပေးသွားရန် ထည့်သွင်းလျာထားပြီး ဖြစ်ပါကြောင်း၊အဆိုပါ ADB ချေးငွေစီမံကိန်းအတွက် International Consultant ရွေးချယ်ရန် တင်ဒါခေါ်ယူစိစစ်ခြင်းများ ဆောင်ရွက်နေပြီဖြစ်ပါကြောင်း၊ လက်ရှိတွင်လည်း Bidding Document တွေ Draft  ပြုစုဆောင်ရွက်နေပြီ ဖြစ်ပါကြောင်း၊ ချေးငွေစီမံကိန်းအတွက် ရေးဆွဲထားသော Project Schedule အရ ပစ္စည်းဝယ်ယူရေး နိုင်ငံတကာတင်ဒါခေါ်ယူခြင်းနှင့် စာချုပ်ချုပ်ဆိုခြင်းများကို ၂၀၂၀ ခုနှစ် ဇန်နဝါရီလမှ စတင်ဆောင်ရွက်သွားမှာဖြစ်ပြီးတော့ ဝယ်ယူမည့် တည်ဆောက်ရေးလုပ်ငန်း သုံးပစ္စည်းများသည် ၂၀၂၀ ခုနှစ် ဇူလိုင်လမှ ၂၀၂၁ ခုနှစ် ဒီဇင်ဘာလအတွင်း ရောက်ရှိလာပြီး တည်ဆောက်ရေးလုပ်ငန်းများကိုတော့ ၂၀၂၁ ခုနှစ် အောက်တိုဘာလမှ ၂၀၂၄ ခုနှစ် ဒီဇင်ဘာလ အတွင်းအပြီး ဆောင်ရွက်ရန် လျာထားစီစဉ် ထားပြီးဖြစ်ပါကြောင်း ပြန်လည်ဖြေကြားခဲ့ပါသည်။

လျှပ်စစ်နှင့်စွမ်းအင်ဝန်ကြီးဌာန ၊ ဒုတိယဝန်ကြီး၊ ဦးခင်မောင်ဝင်း

လျှပ်စစ်နှင့်စွမ်းအင်

https://www.pyithuhluttaw.gov.mm/question-4121

 

06-Dec-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2362K+
© by MOEE. Powered by Next Hop Co.,Ltd.