The Republic of the union of myanmar
Ministry Of Electricity And Energy
ဦးနေထက်ဝင်း (ဆင်ပေါင်ဝဲ မဲဆန္ဒနယ်)
(စ)-ဆင်ပေါင်ဝဲမြို့နယ်၊ ဓနုံးမြောင်ကျေးရွာအနီးတွင် (၆၆/၁၁) ကေဗွီ (၅) အမ်ဗွီအေဓာတ်အားခွဲရုံ တည်ဆောက်ခြင်းနှင့် (၆၆)ကေဗွီလိုင်း ၂၀ မိုင် တည်ဆောက်ခြင်းလုပ်ငန်းအား ၂၀၁၈-၂၀၁၉ ဘဏ္ဍာရေးနှစ်တွင် ဆောင်ရွက်ပေး နိုင်ခြင်းရှိ/မရှိတို့နှင့် စပ်လျဉ်းသည့်မေးခွန်း
ဆင်ပေါင်ဝဲမြို့နယ်အတွင်း ကျေးရွာစုစုပေါင်း ၁၄၂ ရွာရှိသည့်အနက် ကျေးရွာပေါင်း ၁၉ ရွာခန့်သည် လျှပ်စစ်မီးရရှိပြီး ဖြစ်ပါကြောင်း၊ လျှပ်စစ်မီးအခြေအနေနှင့်ပတ်သက်ပြီး မိမိမဲဆန္ဒနယ်ကို အုပ်စုသုံးစု ခွဲကြည့်ပါက ဧရာဝတီမြစ်၏အနောက်ဘက်ကမ်းတွင် ကျေးရွာအုပ်စုကိုးအုပ်စု ရှိပါကြောင်း၊ ရန်ကုန်-မန္တလေးကားလမ်းနှင့် ဧရာဝတီမြစ်ကြား အလယ်ခြမ်းတွင် ကျေးရွာအုပ်စု ၁၇ စုနှင့် ရပ်ကွက် သုံးရပ်ကွက်ရှိပါကြောင်း၊ အရှေ့ဘက်ခြမ်းတွင် ကျေးရွာအုပ်စု ၂၀ ခန့်ရှိပါကြောင်း၊ တောင်တွင်းကြီး-အောင်လံမဟာဓာတ်အားလိုင်းနှင့်နီးသော အလယ်ခြမ်းက ကျေးရွာများသာ လျှပ်စစ်မီးရရှိသေး ပါကြောင်း၊ ကိုးပင်ကျေးရွာတွင် ခွဲရုံတစ်ရုံရှိပြီး ၎င်းမှမြို့ပေါ်သုံးရပ်ကွက်ကို လျှပ်စစ်မီးပေးနေရသည့် အနေအထားဖြစ်ပါကြောင်း၊ ယခုဝန်ကြီးဌာနအနေဖြင့် ဆက်လက်ဆောင်ရွက်မည့် NEP စီမံချက်တွင် အလယ်ခြမ်းကကျေးရွာများသာ အတော်များများပါရှိနေသည်ကို လေ့လာတွေ့ရှိရပါကြောင်း၊ တစ်ချိန်က မီးရရှိအရေးကို အိမ်မက်ပမာဖြစ်ခဲ့သော မြစ်အနောက်ဘက်ကမ်းကကျေးရွာများ ယခု တိုင်းဒေသကြီး (၆) လ Mini Budget တွင် မင်းလှမြို့နယ်မှ သွယ်တန်းမည့် ၁၁ ကေဗွီလိုင်း ၂၂ မိုင်ခွဲ၊ ၃၃ ကေဗွီလိုင်း ၁ မိုင်ခွဲနှင့် လိုအပ်သော ထရန်စဖော်မာများ ဝယ်ယူခြင်းအတွက် သိန်း ၇၅၀၀ ကျော် ချပေးခဲ့သည့်အတွက် ကျေးရွာအုပ်စုလေးအုပ်စုခန့် လျှပ်စစ်မီးရရှိတော့မည်ဖြစ်သောကြောင့် ဒေသခံ များ အလွန်ဝမ်းသာကြည်နူးပြီး ပျော်မဆုံးဖြစ်နေခဲ့ရပါကြောင်း၊ ဆင်ပေါင်ဝဲမြို့နယ်၏ အရှေ့ဘက်ခြမ်း တွင် ကျေးရွာအုပ်စုများသကဲ့သို့ လူဦးရေလည်း အလွန်များပြားပါကြောင်း၊ ပင်မ မဟာဓာတ်အားလိုင်း နှင့်လည်း ဝေးကွာလှသည့်အတွက် အရှေ့ဘက်ခြမ်းကကျေးရွာများ မီးရရှိရန်အတွက် အလှမ်း ဝေးနေဆဲ၊ မျှော်လင့်နေဆဲ၊ စိတ်ကူးယဉ်နေဆဲဖြစ်ပါကြောင်း၊ အရှေ့ဘက်ခြမ်းကကျေးရွာများ လျှပ်စစ် မီးရရှိရန် ဓာတ်အားခွဲရုံတစ်ခု လိုအပ်မည်ဖြစ်ပြီး နယ်မြေတစ်ခုလုံးကိုလွှမ်းခြုံပြီးလျှပ်စစ်မီးပေးနိုင်ရန် ဓနုံးမြောင်ကျေးရွာသည် အချက်အချာကျသည့် နေရာတစ်ခုဖြစ်နေသကဲ့သို့ ခွဲရုံအတွက် လိုအပ်သော မြေနေရာကိုလည်း ကျေးရွာက လှူဒါန်းပေးထားပြီး လွှတ်တော်ကိုယ်စားလှယ်များ ကိုယ်တိုင် ကွင်းဆင်းလေ့လာခဲ့ပြီးဖြစ်ပါကြောင်း၊ ဓနုံးမြောင်ကျေးရွာတွင် ခွဲရုံတည်ဆောက်ပြီးသွားပါက နောက်ပိုင်းတွင် ၁၁ ကေဗွီလိုင်းဆွဲပြီးပါက အရှေ့ဘက်က ကျေးရွာအတော်များများ လျှပ်စစ်မီးရရှိ တော့မည်ဖြစ်ပါကြောင်း၊ ထို့ကြောင့် ဆင်ပေါင်ဝဲမြို့နယ် ဓနုံးမြောင်ကျေးရွာအနီးတွင် ၆၆/၁၁ ကေဗွီ၊ ၅ အမ်ဗွီအေ ဓာတ်အားခွဲရုံတည်ဆောက်ခြင်းနှင့် ၆၆ ကေဗွီလိုင်း ၂၀ မိုင်တည်ဆောက်ခြင်းလုပ်ငန်းအား ၂၀၁၈-၁၉ ဘဏ္ဍာရေးနှစ်တွင် ဆောင်ရွက်ပေးနိုင်ခြင်း ရှိ/မရှိနှင့် အစီအစဉ်မရှိသေးပါက မည်သည့် ဘဏ္ဍာရေးနှစ်တွင် အကောင်အထည်ဖော်ဆောင်ရွက်သွားမည်ကို တိကျစွာသိရှိလိုပါကြောင်း မေးမြန်း ပါသည်။
________________________________________
မကွေးတိုင်းဒေသကြီး၊ ဆင်ပေါင်ဝဲမြို့နယ်၊ ဓနုံးမြောင်ကျေးရွာအနီးတွင် ကျေးရွာပေါင်း ၂၀ ကျော် ရှိပါကြောင်း၊ အိမ်ထောင်စုပေါင်း ၃၂၀၀ ခန့် နေထိုင်ကြပါကြောင်း၊ ၎င်းပြည်သူများကို ဓာတ်အား ဖြန့်ဖြူးပေးနိုင်ရန်အတွက် ၆၆/၁၁ ကေဗွီ၊ ၅ အမ်ဗွီအေ ကိုးပင်ဓာတ်အားခွဲရုံမှ ဓနုံးမြောင်ကျေးရွာအထိ ၆၆ ကေဗွီဓာတ်အားလိုင်း ၂၂ မိုင်တည်ဆောက်ပြီး ဓနုံးမြောင်ကျေးရွာတွင် ၆၆/၁၁ ကေဗွီ၊ ၅ အမ်ဗွီအေဓာတ်အားခွဲရုံအသစ်တစ်ရုံ တည်ဆောက်ရမည် ဖြစ်ပါကြောင်း၊ အဆိုပါ ဓာတ်အားလိုင်းနှင့် ဓာတ်အားခွဲရုံတည်ဆောက်ရေးလုပ်ငန်းများအား ဆောင်ရွက်နိုင်ရန်အတွက် လိုအပ်သောရန်ပုံငွေအား ၂၀၂၀-၂၁ ဘဏ္ဍာရေးနှစ် ပြည်ထောင်စုရန်ပုံငွေတွင် ထည့်သွင်းလျာထားပေးသွားမည်ဖြစ်ပြီး ဘဏ္ဍာ ငွေရရှိမှုအပေါ်မူတည်ပြီး အကောင်အထည်ဖော်ဆောင်ရွက်ပေးသွားမည် ဖြစ်ပါကြောင်း ဖြေကြား ပါသည်။
လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင်
လျှပ်စစ်နှင့်စွမ်းအင်
_Page_28.jpg)
_Page_04.jpg)
_Page_05.jpg)
_Page_06.jpg)
_Page_08.jpg)
_Page_02.jpg)
_Page_03.jpg)
_Page_01.jpg)
_Page_09.jpg)
_Page_10.jpg)
_Page_11.jpg)
_Page_12.jpg)
_Page_16.jpg)
_Page_17.jpg)
_Page_18.jpg)
_Page_19.jpg)
_Page_20.jpg)
_Page_21.jpg)
_Page_22.jpg)
_Page_23.jpg)
_Page_24.jpg)
_Page_25.jpg)
_Page_26.jpg)
_Page_27.jpg)