MOEE

မြန်မာနိုင်ငံတောင်ပိုင်းလျှပ်စစ်ဓာတ်အားရရှိရေးအတွက် ရည်မှန်းတည်ဆောက်နေသော LNG ဓာတ်အားပေးစီမံကိန်း(ကံပေါက်)အား မည်ကဲ့သို့ အကောင်အထည်ဖော်ဆောင်ရွက်နေသည်ကို သိရှိခြင်းနှင့်စပ်လျဉ်းသည့် မေးခွန်း

LNG ဓာတ်အားပေးစီမံကိန်း(ကံပေါက်)ကို ပြင်သစ်နိုင်ငံ Total ကုမ္ပဏီနှင့် ဂျာမနီနိုင်ငံ SIEMENS ကုမ္ပဏီ တို့ ပူးပေါင်းပြီး အကောင်အထည်ဖော် လုပ်ဆောင်လျက်ရှိရာ တနင်္သာရီတိုင်းဒေသကြီး၊ ရေဖြူမြို့နယ် ကံပေါက်မှ ပဲခူးတိုင်းဒေသကြီး ဘုရားကြီးအထိ သွယ်တန်းမည့် 500 KV မဟာဓာတ်အားလိုင်းနှင့် ၁၂၃၀ မဂ္ဂါဝပ်ထုတ်လုပ်မည့် ဓာတ်အားပေးစက်ရုံတို့ပါဝင်သည်ဟု သိရှိရပါကြောင်း၊ မြန်မာနိုင်ငံတောင်ပိုင်း လျှပ်စစ်ဓာတ်အားရရှိပြီး မြန်မာနိုင်ငံစီးပွားရေးဖွံ့ဖြိုးမှုကို မြှင့်တင်ရန် Clean Energy ကို အသုံးပြုခြင်းဖြစ်သည့်အတွက် နိုင်ငံတော်အတွက် အရေးပါသော စီမံကိန်းတစ်ခုဖြစ်သည်ဟု သိရှိရပြီး ရှိပြီးသား အခြေခံအဆောက် အဦများနှင့် အနာဂတ်ပြည်တွင်း သဘာဝဓာတ်ငွေ့ထုတ်လုပ်မှုကို သုံးစွဲရန် ရည်မှန်းတည်ဆောက်ခြင်း ဖြစ်သည်ဟု သိရှိရပါကြောင်း၊ သွယ်တန်းမည့် ဓာတ်အားလိုင်းသည်လည်း တိုင်းဒေသကြီး/ပြည်နယ် လေးခုရှိ မြို့နယ် ၁၂ မြို့နယ်၊ ကျေးရွာပေါင်း ၂၅၃ ရွာ၊ တနင်္သာရီတိုင်း ဒေသကြီးတွင် ၁၈ ရွာ၊ မွန်ပြည်နယ်တွင် ၁၃၇ ရွာ၊ ကရင်ပြည်နယ်တွင် ၇၂ ရွာ၊ ပဲခူးတိုင်းဒေသကြီးတွင် ၂၆ ရွာ ဖြတ်သန်းသွားခြင်း ဖြစ်ပါကြောင်း၊ လျှပ်စစ်နှင့်စွမ်းအင်ဝန်ကြီးဌာန၏လုပ်ငန်းစဉ်များတွင် ပုဂ္ဂလိက ရင်းနှီးမှုပ်နှံမှုဖြင့် ဆောင်ရွက်သော ဓာတ်အားပေးစက်ရုံများမှ ထုတ်လုပ်သည့် လျှပ်စစ်ဓာတ်အားကို ဝယ်ယူ၍ နှစ်စဉ်တိုးတက်လျက်ရှိသော ဓာတ်အားလိုအပ်ချက်ကို ဖြည့်ဆည်း ပေးသွားမည်ဟု ပါရှိပြီး ဖြစ်ရာ လျှပ်စစ်မီးရရှိရေးနှင့်ပတ်သက်ပြီး များစွာမျှော်လင့်နေသော မြန်မာနိုင်ငံတောင်ပိုင်းရှိ ပြည်သူများ မှာ စီမံကိန်းလျာထားချက်များအတိုင်း အချိန်မီအောင်မြင်စွာ ဆောင်ရွက်နိုင်ရေးနှင့် စီမံကိန်းလုပ်ငန်းများ အကောင်အထည်ဖော်ရာတွင် ပြည်သူနှင့်ဆက်စပ်လုပ်ဆောင်ရမည့် ကိစ္စရပ်များ အဆင်ပြေချောမွေ့စွာ လုပ်ဆောင်နိုင်ရေးမျှော်လင့် နေကြပါကြောင်း၊ သို့ဖြစ်ပါ၍ LNG ဓာတ်အားပေးစီမံကိန်း(ကံပေါက်)အား မည်ကဲ့သို့ အကောင်အထည်ဖော်ဆောင်ရွက်နေသည်ကို သိရှိလိုပါကြောင်းဖြင့် မေးမြန်းပါသည်။

ဓာတ်အားပေးစက်ရုံစီမံကိန်းကို တည်ဆောက်သည့်အခါ ဓာတ်အားပေးစက်ရုံတစ်ခုတည်းသာမကဘဲ ၅၀၀ ကေဗွီဓာတ်အားလိုင်းကြီး ကို တိုင်းဒေသကြီးနှင့်ပြည်နယ် လေးခုကို ဖြတ်သန်းပြီး ကျေးရွာပေါင်း များစွာနှင့်ဆက်စပ်ဆောင်ရွက် သွားရမည်ဖြစ်ပါကြောင်း၊ ထို့ကြောင့် အဆိုပါဓာတ်အားလိုင်း ဖြတ်သန်းရာ နယ်နိမိတ်တစ်လျှောက်တွင် တည်ရှိသည့် နေထိုင်သူပြည်သူတွေအနေဖြင့် ဆက်လက်ပြီး ဆောင်ရွက်သွားရန်ရှိသည့် ဓာတ်အားလိုင်းစီမံကိန်း နှင့်ပတ်သက်ပြီး ၎င်းတို့ရှင်းလင်းစွာ နားလည် နိုင်ရန်အတွက် သက်ဆိုင်ရာဒေသမှာရှိသည့် အုပ်ချုပ်ရေးအဖွဲ့များ၊ ဌာနဆိုင်ရာအဖွဲ့အစည်းများ၊ ပြည်သူလူထုများကို ကိုယ်စားပြုသည့် အဖွဲ့အစည်းများနှင့်အတူ ဒေသအသီးသီးတွင် တွေ့ဆုံပြီး စီမံကိန်းနှင့်ပတ်သက်သည့် အကြောင်းအရာများကို ရှင်းလင်းဆွေးနွေးသည့် Public Conversation လုပ်ငန်းများကို ဆောင်ရွက်လျက် ရှိပါကြောင်း၊ ထို့အပြင် ဓာတ်အားလိုင်းဖြတ်သန်းမည့် တည်နေရာများနှင့်ပတ်သက်ပြီး သဘာဝပတ်ဝန်းကျင် ထိခိုက်နိုင်မှုများ၊ ဖြတ်သန်း တည်ဆောက်ရမည့် နေရာတွင်ရှိသည့် သစ်တောဧရိယာ ကင်းလွတ်မှုရှိ/မရှိစသည့် စီမံကိန်းဖြစ်မြောက်နိုင်စွမ်း လေ့လာဆန်းစစ်မှုအစီရင်ခံစာများကိုလည်း တိုင်းထွာ ပြုစုလျက်ရှိပါကြောင်း၊ ရာသီဥတုအနေအထား၊ မြေအနေအထားစသည့်အချက်အလက်များကိုလည်း စူးစမ်းတိုင်းထွာလျက်ရှိပါကြောင်း၊ စီမံကိန်းကို ဆက်လက်ဆောင်ရွက်ရာတွင် နည်းပညာပိုင်းဆိုင်ရာ ကိစ္စရပ်များ၊ စီမံကိန်းဆောင်ရွက်ရန်လိုအပ်သည့် လျာထားရမည့် မြေနေရာကိစ္စရပ်များ၊ လုပ်ငန်းသဘော သဘာဝအရ ဆက်စပ်နေသည့် ဌာနဆိုင်ရာအသီးသီးနှင့် ဆွေးနွေးညှိနှိုင်းမှုများ၊ သဘာဝပတ်ဝန်းကျင် ထိခိုက်နိုင်ချေနှင့်ပတ်သက်သည့် ကနဦးလေ့လာ ဆန်းစစ်မှုအစီရင်ခံစာများကို အချိန်ယူပြီး ဆောင်ရွက်လျက်ရှိပါကြောင်း၊ စီမံကိန်း ကို Feasibility Study Report များ ထွက်လာပြီးသည့်နောက်ပိုင်းတွင် စီမံကိန်းကို ဆက်လက် အကောင်အထည်ဖော်ခဲ့မည်ဆိုပါက ပြည်တွင်းပြည်ပ မည်သည့်ရင်းနှီးမှုပ်နှံမှု ဆောင်ရွက်သည့် ကုမ္ပဏီများကိုမဆို အဓိကလိုအပ်သည့် စီမံကိန်းဆိုင်ရာစာချုပ်များဖြစ်သည့် ဓာတ်အားဝယ်ယူရေး စာချုပ်၊ မြေငှားစာချုပ်၊ စီမံကိန်းလုပ်ကိုင်ခွင့်ပြုသည့် သဘောတူစာချုပ်နှင့် အစိုးရ၏ အာမခံချက် (Government Guarantee)စသည့် အချက်အလက်များကို ဆွေးနွေးညှိနှိုင်းဆောင်ရွက်ဆဲ ဖြစ်ပါကြောင်း ပြန်လည်ဖြေကြားပါသည်။

လျှပ်စစ်နှင့်စွမ်းအင်ဝန်ကြီးဌာန၊ဒုတိယဝန်ကြီးဒေါက်တာထွန်းနိုင်

လျှပ်စစ်နှင့်စွမ်းအင်

https://www.pyithuhluttaw.gov.mm/question-3930

07-Aug-2019

« PREV NEXT »

The Republic of the union of myanmar

Ministry Of Electricity And Energy

Total visitors

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors