The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2362K+

ပဲခူးတိုင်းဒေသကြီး၊ တောင်ငူမြို့နယ်၊ ဟင်းငုတ်ပင် ၂၃၀ ကေဗွီ ပင်မဓာတ်အားခွဲရုံမှ ကရင်ပြည်နယ်၊ သံတောင်မြို့၊ သံတောင်ကြီးမြို့၊ ဘောဂလိမြို့၊ လိပ်သိုမြို့များသို့ ၃၃/၁၁ ကေဗွီဓာတ်အားလိုင်း သီးခြားသွယ်တန်းပေးနိုင်ရန် အစီအစဉ် ရှိ/မရှိ နှင့်စပ်လျဉ်းသည့် မေးခွန်း

ဦးစောဗစ်တာခလိုက်(သံတောင်ကြီး မဲဆန္ဒနယ်)

            ပဲခူးတိုင်းဒေသကြီး၊ တောင်ငူမြို့နယ်၊ ဟင်းငုတ်ပင် ၂၃၀ ကေဗွီ ပင်မဓာတ်အားခွဲ စက်ရုံမှ ကရင်ပြည်နယ်၊ သံတောင်မြို့၊ သံတောင်ကြီးမြို့၊ ဘောဂလိမြို့၊ လိပ်သိုမြို့များသို့ ၃၃/၁၁ ကေဗွီဓာတ်အားလိုင်း သီးခြားသွယ်တန်းပေးနိုင်ရန် အစီအစဉ်ရှိ/မရှိ ဒေသခံပြည်သူများ ကိုယ်စား မေးမြန်းရခြင်းဖြစ်ကြောင်း၊ မေးခွန်းမေးမြန်းရသည့် အကြောင်းအရင်းသည် ဓာတ်အား ဖြတ်တောက်မှုနည်းပါးစေရန်၊ နောက်ဓာတ်အား ဖြန့်ဖြူးမှုလွယ်ကူစေရန် လက်ရှိဓာတ်အား လိုင်းမှ ဟင်းငုတ်ပင် ၂၃၀ ကေဗွီ ပင်မဓာတ်အားခွဲရုံမှတစ်ဆင့် ရခိုင်စု ၃၃/၁၁ ကေဗွီ ဓာတ်အားခွဲ စက်ရုံသို့လည်းကောင်း၊ ၎င်းမှတစ်ဆင့် နဂါးမောက် ၃၃/၁၁ ကေဗွီဓာတ်အားခွဲရုံသို့လည်းကောင်း၊ တစ်လိုင်းမှာလိပ်သိုသို့  ၃၃/၁၁ ကေဗွီ ဓာတ်အားလိုင်း၊ နောက်သံတောင်ဓာတ်အားခွဲ စက်ရုံမှ တစ်ဆင့် သံတောင်ကြီး ၃၃/၁၁ ကေဗွီ ဓာတ်အားခွဲစက်ရုံ၊ နောက်တစ်လိုင်းသည် ဘောဂလိ ၃၃/၁၁ ကေဗွီ ဓာတ်အားခွဲစက်ရုံဖြစ်ရေး အဆင့်ဆင့်သွယ်တန်းပြီး ဓာတ်အားဖြန့်ဖြူးလျက် ရှိပါကြောင်း၊ ဟင်းငုတ်ပင် ပင်မဓာတ်အားခွဲရုံမှ တစ်ဆင့်ဓာတ်အားဖြန့်ဖြူးမည့် အကွာအဝေး သည် မိုင် ၉၀ ရှိကြောင်း ဓာတ်အားဖြတ်တောက်မှုဖြစ်ပါက  ရခိုင်စု ဓာတ်အားခွဲစက်ရုံတွင် ဓာတ်အားဖြတ်တောက်မှု ပြုလုပ်ရသည့်အတွက်‌ကြောင့် ဓာတ်အားဖြန့်ဖြူးဆောင်ရွက်ရာတွင် အခက်အခဲများစွာနှင့် ကြုံတွေ့ရခြင်း ဖြစ်ကြောင်း၊ ထို့ကြောင့် သံတောင်မြို့နယ်အတွက် JICA ODA ချေးငွေဖြင့် အသစ်တည်ဆောက်မည့် Regional Infrastructure Instrument Project အဆိုပြုတင်ပြထားသည့် ၃၃/၁၁ ကေဗွီ ၁၀ ကေဗွီအေ သံတောင်မြို့ခွဲရုံသို့ သွယ်တန်း ဆောင်ရွက် ပေးသည့် သံတောင်ကြီးမြို့နယ်အတွက် ဓာတ်အားဖြန့်ဖြူးရာတွင် လွယ်ကူပြီး ဓာတ်အား ဖြတ်တောက်မှု သည်လည်း နည်းပါးသွားမည် ဖြစ်ကြောင်း၊ ထိုနည်းတူ သံတောင်မြို့နယ်အတွင်း ဓာတ်အားဖြန့်ဖြူးမှုအတွက် များစွာအကျိုးဖြစ်ထွန်းမည် ဖြစ်သည့်အတွက်ကြောင့် ဓာတ်အား ဖြတ်တောက်မှုလည်း နည်းပါးသွားမည် ဖြစ်ကြောင်း၊ဟင်းငုတ်ပင်၊ ရခိုင်စု၊ သံတောင်၊ သံတောင် ကြီး၊ လိပ်သို၊ ဘောဂလိ ၃၃/၁၁ ကေဗွီ ဓာတ်အားခွဲစက်ရုံများ၏ လမ်းအူကြောင်းပြ မြေပုံကိုလည်း ပူးတွဲတင်ပြထားကြောင်း။ ထို့ကြောင့် ပဲခူးတိုင်းဒေသကြီး၊ တောင်ငူမြို့နယ်၊ ဟင်းငုတ်ပင်  ၂၃၀ ကေဗွီ ပင်မဓာတ်အားခွဲစက်ရုံမှ သံတောင်ကြီးမြို့နယ်သို့ ၃၃/၁၁ ကေဗွီ ဓာတ်အားလိုင်း သီးခြားသွယ်တန်းပေးနိုင်ရန် အစီအစဉ် ရှိ/မရှိ။ ရှိပါက မည်သည့် ဘဏ္ဍာရေး နှစ်တွင် ဆောင်ရွက်ပေးမည်ဖြစ်ကြောင်း သိလိုပါကြောင်း မေးမြန်းပါသည်။

        လွှတ်တော်ကိုယ်စားလှယ်ကြီး၏ မေးမြန်းချက်ပါ သံတောင်ကြီးမြို့သို့ တောင်ငူမြို့တွင် တည်ရှိသည့် ၃၃ ကေဗွီ ရခိုင်စုဓာတ်အားခွဲရုံထံမှ ၃၃ ကေဗွီဓာတ်အားလိုင်း  (၂၄) မိုင်ဖြင့် ဓာတ်အားဖြန့်ဖြူးပေးလျက် ရှိကြောင်း အဆိုပါ ဓာတ်အားလိုင်းပေါ်မှ Tap Off ပြုလုပ်ပြီး သံတောင်မြို့၊ ဘောဂလိမြို့နှင့် လိပ်သိုမြို့များက  လျှပ်စစ်ဓာတ်အား ရယူအသုံးပြုလျက် ရှိကြောင်း၊ Tap Off ပြုလုပ်ပြီး ဓာတ်အားရယူထားသည့် ဓာတ်အားလိုင်းတစ်ခုခုတွင် ဓာတ်အားလိုင်းအပြစ် ဖြစ်ပွားလာပါက အခြားဓာတ်အားလိုင်းများနှင့် ပင်မဓာတ်အားလိုင်းများပါ ဓာတ်အားပြတ်တောက်မှုဖြစ်ပေါ်ခဲ့သည့် ဖြစ်စဉ်များရှိကြောင်း၊ ထိုကဲ့သို့ ဖြစ်ပွားမှုများ လျော့နည်းကျဆင်းသွားရေး အတွက်  Tap Off ထုတ်ယူသည့် နေရာများတွင် Auto Recloser များနှင့် Sectionalizer များကို ဖြည့်စွက် တပ်ဆင်ပြီး ဆောင်ရွက်ပြီး ဖြစ်ကြောင်း၊လက်ရှိတွင် သံတောင်မြို့သည် ၃၃/၁၁ ကေဗွီ ၁.၂၅ အမ်ဗွီအေ ဓာတ်အားခွဲရုံမှ ဓာတ်အားဖြန့်ဖြူးပေးထား သည့်အတွက် ဓာတ်အားစနစ် ပိုမိုကောင်းမွန်စေရေးနှင့် ဓာတ်အားတိုးတက်ဖြန်ဖြူး ပေးနိုင်ရန် အတွက် သံတောင်မြို့တွင် ဥသျှစ်ကုန်းကျေးရွာ၌ ၃၃/၁၁ ကေဗွီ ၁၀ အမ်ဗွီအေ ဓာတ်အား ခွဲရုံတစ်ရုံ တည်ဆောက်ပြီး ၎င်းဓာတ်အားခွဲရုံကို ရခိုင်စု-သံတောင်ကြီးလမ်းမှ Tap Off ထုတ်ပြီး ဓာတ်အားပေးခြင်း မဟုတ်ကြောင်းနှင့်  ၂၃၀ ကေဗွီ ဟင်းငုတ်ပင် ပင်မဓာတ်အားခွဲရုံမှ ၃၃ ကေဗွီလိုင်းတို က်ရိုက်ဖြင့် ဟင်းငုတ်ပင်-သံတောင် (ဥသျှစ်ကုန်း)ဓာတ်အားလိုင်း (၂၄.၅) မိုင် သီးခြား တည်ဆောက်ပြီး ဓာတ်အာပေးရန်  စီစဉ်လျာထားပြီး ဖြစ်ကြောင်း၊ အဆိုပါဓာတ်အား လိုင်းကို JICA ODA ချေးငွေ (Phase-3) ဖြင့် ဆောင်ရွက်ရမည့် လုပ်ငန်းများတွင် ထည့်သွင်းလျာထားပြီး ဖြစ်ပါ၍  ၂၀၂၁-၂၂ ဘဏ္ဍာရေးနှစ်တွင် စတင်ပြီး စီမံကိန်းလုပ်ငန်းများ စတင်ဆောင်ရွက်ရန်  စီမံလျာထားပြီး ဖြစ်ပါကြောင်း ရှင်းလင်းဖြေကြားပါသည်။

ဒုတိယဝန်ကြီး၊ဒေါက်တာထွန်းနိုင်

လျှပ်စစ်နှင့်စွမ်းအင်

https://www.pyithuhluttaw.gov.mm/question-4060

 

06-Dec-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2362K+
© by MOEE. Powered by Next Hop Co.,Ltd.