MOEE

မင်းဘူး(စကု) မြို့နယ်တွင် အမှန်တကယ်လိုအပ်နေသော 33/11 KV 5 MVA မုန်တောင်ဓာတ်အား ခွဲရုံအား ၂၀၁၈-၁၉ ဘဏ္ဍာရေးနှစ်တွင် ဦးစားပေးတည်ဆောက်ပေးရန် အစီအစဥ်ရှိ/မရှိနှင့် စပ်လျဥ်း သည့်မေးခွန်း

မကွေးတိုင်းဒေသကြီး၊ မင်းဘူး (စကု) မြို့နယ်သည် ကျေးရွာအုပ်စု ၇၄ အုပ်စုရှိပြီး ကျေးရွာပေါင်း ၁၅၅ ရွာရှိပါကြောင်း၊ အကယ်၍ ၎င်းမုန်တောင်ဓာတ်အားခွဲရုံ တည်ဆောက်ပေး လိုက်မည်ဆိုလျင် အနီး အနားရှိ ကျေးရွာပေါင်း ၁၉ ရွာလည်း မီးလင်းသွားမည် ဖြစ်ပါကြောင်း၊ ယခုလိုမီးလင်း ပေးလိုက်သည့် ဓာတ်အားခွဲရုံ တည်ဆောက်ပေးပြီး ဒေသခံပြည်သူများ လှပ်စစ်မီးလင်းခွင့် ရရှိမည်ဆိုပါက သဘာဝပတ်ဝန်းကျင် သစ်တောပြုန်းတီးမှုကိုလည်း ထိန်းသိမ်းကာကွယ် ပြီးဖြစ်မည် ဖြစ်ပါကြောင်း၊ မိမိတို့မုန်တောင်ကျေးရွာစာ ကျေးရွာကြီးဖြစ်ပြီး တိုက်နယ်ဆေးရုံ၊ နယ်မြေရဲစခန်း၊ အထက်တန်း ကျောင်း များအားလုံးလည်း တည်ရှိပြီးဖြစ်သဖြင့် ဒေသခံပြည်သူများ စီးပွားရေးဖွံ့ဖြိုး တိုးတက်ရန် အတွက် လမ်းပန်းဆက်သွယ်ရေးနှင့် အခြားလိုအပ်ချက်များကိုလည်း ပြည်သူ့အစိုးရကနေပြီး တတ်နိုင် သရွေ့ကြိုးပမ်းဆောင်ရွက် ပေးလျက်ရှိပါကြောင်း၊ အမှန်တကယ် လိုအပ်နေသော မုန်တောင်ဓာတ်အား ခွဲရုံနှင့် ပတ်သက်ပြီး တိုင်းဒေသကြီးအစိုးရအဖွဲ့နှင့် သွားရောက်ပြီး တွေ့ဆုံညှိနှိုင်းသည့်အခါ တိုင်း ဒေသကြီးအစိုးရအဖွဲ့၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ လှပ်စစ်နှင့် စွမ်းအင်ဝန်ကြီးဌာနမှ ဝန်ကြီးကနေပြီး 66KV, 33 KV တို့သည် ပြည်ထောင်စုဘတ်ဂျက်က လျာထားပြီး ဆောင်ရွက်ရခြင်း ဖြစ်သည်ဟု ပြောပါကြောင်း၊ ထိုကိစ္စနှင့်ပတ်သက်ပြီး အမှန်တကယ် လိုအပ်သည့်အတွက် ၂၀၁၈-၁၉ ဘတ်ဂျက်တွင် လျာထားတင်ပြနိုင်ရေးအတွက် ကြိုးစားပြီး တင်ပြပေးသွားမည်ဟု ဆွေးနွေးခွင့်ရရှိခဲ့ပါကြောင်း၊ ထို့ကြောင့် ယခု ၂၀၁၈-၁၉ ခုနှစ်တွင် ပါမည်ထင်ပြီး နဝမပုံမှန်အစည်းအဝေးတက်ရောက်သည့်အခါ ဘတ်ဂျက်စာအုပ်တွင် မုန်တောင်ဓာတ်အားခွဲရုံ ပါမလာသည်ကို စိတ်မကောင်းစွာ တွေ့ရှိရသည့်အတွက် ဒေသခံပြည်သူများ အမှန်တကယ် လိုအပ်နေသော 33/11KV 5MVA မုန်တောင်ဓာတ်အားခွဲရုံအား မည်သည့်ဘဏ္ဍာရေးနှစ်တွင် ရရှိနိုင်ရေးအတွက် ဦးစားပေးတည်ဆောက် ပေးသွားမည်ကို သိရှိလိုပါကြောင်း မေးမြန်းပါသည်။

မကွေးတိုင်းဒေသကြီး၊ မင်းဘူးခရိုင်၊ မင်းဘူး (စကု) မြို့နယ် မုန်တောင်ကျေးရွာ ဝန်းကျင်တွင်ရှိသည့် ကျေးရွာများကို လှပ်စစ်ဓာတ်အားဖြန့်ဖြူး ပေးနိုင်ရန်အလို့ငှာ မန်းသဘာဝဓာတ်ငွေ့သုံး ဓာတ်အားပေး စက်ရုံမှ မုန်တောင်ကျေးရွာအထိကို 33 KV ဓာတ်အားလိုင်း ၁၃ မိုင်နှင့် မုန်တောင်ကျေးရွာတွင် 33/11KV 5 MVA ဓာတ်အားခွဲရုံအသစ်တစ်ရုံကို ဦးစွာစတင်တည်ဆောက်နိုင်ရန် လိုအပ်ခြင်း ဖြစ်ပါကြောင်း၊ အဆိုပါ 33/11KV 5 MVA ဓာတ်အားခွဲရုံ တည်ဆောက်ပြီးစီးသည့်အခါ ကျေးရွာ အသီးသီးထံ 11 KV ဓာတ်လိုင်းများနှင့် 11/0.4KV Transformer များ ဆက်လက်တပ်ဆင် တည်ဆောက်ပြီးမှ ကျေးရွာများ လှပ်စစ်ဓာတ်အားရရှိနိုင်ရန် စီစဉ်ဆောင်ရွက်ပြီး အဆင့်ဆင့် တည်ဆောက် ပေးသွားမည်ဖြစ်ပါကြောင်း၊ လက်ရှိအခြေအနေတွင် တိုင်းဒေသကြီး/ပြည်နယ်ဒေသ အသီးသီးတွင်ရှိသည့် ကျေးရွာများ လှပ်စစ်ဓာတ်အားရရှိရေး အတွက်ကို လှပ်စစ်နှင့်စွမ်းအင်ဝန်ကြီး ဌာနက အစီအစဉ်များ ချမှတ်ပြီး နှစ်အလိုက်နှစ်အလိုက် စီစဉ်ဆောင်ရွက် လျက်ရှိပါကြောင်း၊ နှစ် အလိုက် စီစဉ်ဆောင်ရွက်ရမည့် လုပ်ငန်းများအတွက် ခွဲဝေရရှိနိုင်သော ဘတ်ဂျက်များနှင့် ချင့်ချိန်ပြီး တိုင်းတာဆောင်ရွက်ရသည့်အတွက်ကြောင့် မေးခွန်းတွင် ပါရှိသည့် မုန်တောင်ကျေးရွာအုပ်စုများ လှပ်စစ်ဓာတ်အားရရှိရေးအတွက် ဦးစွာ ဆောင်ရွက်ရမည့် 33 KV ဓာတ်အားလိုင်းနှင့် 33/11 KV ဓာတ်အားခွဲရုံများ တည်ဆောက်ရန် ဘတ်ဂျက်ရန်ပုံငွေကို ၂၀၁၈-၁၉ ဘဏ္ဍာရေးနှစ်အတွင်း လျာထား နိုင်ခဲ့ခြင်း မရှိပါကြောင်း၊ ဆက်လက်ဆောင်ရွက်ရန် စီစဉ်ထားသည့် အစီအစဉ်များ၊ NEP Plan အရ ဆောင်ရွက်ရန် အစီအစဉ်များ ယခင်ကဖြေဆိုထားခဲ့သည့် ကတိကဝတ်များကို ဆောင်ရွက်ရန်ရှိသည့် အစီအစဉ်များနှင့် ချင့်ချိန်တိုင်းတာသည့်အခါ ယခုမေးခွန်းပါလုပ်ငန်းအတွက် ဆောင်ရွက်ရမည့် လိုအပ်သော ရန်ပုံငွေကို ၂၀၂၁-၂၂ ဘဏ္ဍာရေးနှစ်တွင် ထည့်သွင်းလျာထား နိုင်မည့်အလား အလာရှိပြီး ဘဏ္ဍာရေးခွင့်ပြုချက်များ ရရှိသည့်အချိန်တွင် အကောင်အထည်ဖော် ဆောင်ရွက်ပေး သွားမည် ဖြစ်ပါကြောင်း ရှင်းလင်းဖြေကြားပါသည်။

Source....httpss://www.pyithuhluttaw.gov.mm/

06-Dec-2018

« PREV NEXT »

The Republic of the union of myanmar

Ministry Of Electricity And Energy

Total visitors

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors