The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2364K+

ရပ်စောက်မြို့နယ်အတွင်းရှိ 11 KV ဓာတ်အားလိုင်းများမှ (၂)မိုင်အတွင်းရှိသည့် ကျေးရွာများ ကျေးလက်မီးလင်းရေးလုပ်ငန်း ဆောင်ရွက်ပေးရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

ဦးခင်မောင်မြင့်(ရပ်စောက် မဲဆန္ဒနယ်)

ရပ်စောက်မြို့နယ်အတွင်းရှိ 11 KV ဓာတ်အားလိုင်းများမှ (၂)မိုင်အတွင်းရှိသည့် ကျေးရွာများ ကျေးလက်မီးလင်းရေးလုပ်ငန်း ဆောင်ရွက်ပေးရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

 

ရပ်စောက်မြို့နယ်သည် မြို့ပေါ်ရပ်ကွက် ၁၄ ရပ်ကွက်နှင့် ကျေးရွာ ၂၃၀ မြို့နယ်အတွင်း လူဦးရေ တစ်သိန်းငါးသောင်း ဝန်းကျင်နေထိုင်လျက်ရှိပြီး မြို့ပေါ်ရပ်ကွက်များတွင် လူဦးရေတစ်သောင်း ခုနစ်ထောင်ကျော်နှင့် ကျေးရွာများတွင် တစ်သိန်းသုံးသောင်းကျော် နေထိုင်လျက်ရှိပါကြောင်း၊ မိမိတို့ရပ်စောက်မြို့နယ်အတွင်း လျှပ်စစ်ဓာတ်အားမရရှိသေးသော ကျေးရွာများအားလုံး လျှပ်စစ်ဓာတ်အား ဖြန့်ဖြူးပေးနိုင်ရန်အတွက် ဓာတ်ခွဲရုံနှင့်ဓာတ်အားလိုင်းများ နှစ်အလိုက်တိုးချဲ့၍ စီမံချက်၊ လျာထားချက်များထားရှိပြီး ဆောင်ရွက်ပေးရန်လည်း လိုအပ်လျက်ရှိပါကြောင်း၊ ကျေးလက်နေ ပြည်သူများ၏ လူမှုစီးပွားဘဝများ ပိုမိုဖွံ့ဖြိုးတိုးတက်စေရန်နှင့် မြို့ပြနှင့်ကျေးလက် ဖွံ့ဖြိုးတိုးတက်မှုများ တစ်ပြေးညီမျှတစွာ တိုးတက်စေရန်အတွက် ကျေးလက်ဒေသများတွင် မီးလင်းရေးလုပ်ငန်းများ ဆောင်ရွက်ပေးရန် အထူးလိုအပ်လျက် ရှိပါကြောင်း၊ ကျေးရွာများရှိ ပြည်သူများမှလည်း မိမိတို့ကျေးရွာ မီးလင်းရေးလုပ်ငန်းများ ဆောင်ရွက်နိုင်ရန်အတွက် မြို့နယ်လျှပ်စစ်ဓာတ်အား ဖြန့်ဖြူးရေးလုပ်ငန်း၊ မြို့နယ်လျှပ်စစ် အင်ဂျင်နီယာရုံးများနှင့် ဆက်သွယ်တင်ပြပြီး ကျေးရွာမီးလင်းရေးလုပ်ငန်း ကော်မတီများဖွဲ့စည်းခြင်း၊ လိုအပ်သော ဖြည့်စွက်ငွေကြေးများ ကြိုတင်စုဆောင်းခြင်း၊ ဘဏ်သို့အပ်နှံခြင်းများ ဆောင်ရွက်လျက်ရှိပါကြောင်း၊ သို့ဖြစ်ပါ၍ ရပ်စောက်မြို့ ပတ်ဝန်းကျင်ရှိ ကျေးရွာများအတွက် မြို့နယ်လျှပ်စစ် ဓာတ်အားဖြန့်ဖြူးရေးလုပ်ငန်းဌာနမှ ချိတ်ဆက်ဆောင်ရွက်နိုင်သော မြို့နှင့်တစ်ဆက်တစ်စပ်တည်းရှိသော 11 KV ဓာတ်အားလိုင်းမှ ၂ မိုင်အတွင်းရှိ ကျေးရွာများဖြစ်သည့် လှည်းတိုး၊ ဘန်ကွေ၊ ဇလယ်၊ ကွေး၊ အောင်သာ၊ နန်းဟူး၊ ငါးပင်ရွာသစ်၊ ငါးပင်ရွာဟောင်း၊ လယ်မီး၊ ရေဝန်စသည့်ကျေးရွာများ၊ ကောင်းဘို့ ကိုယ့်အားကိုယ်ကိုး 11 KV ဓာတ်အားလိုင်းများမှ ၂ မိုင်အတွင်းရှိ ကျေးရွာများဖြစ်သည့် မန်ကျည်းကုန်း၊ မြေနီကုန်း၊ ကြာအင်း၊ နောင်ဘို၊ မြောင်းတော်၊ နောင်တခေါ၊ ဂနိုင်ကြီး၊ ပိန္နဲကုန်း၊ ကျောက်ဆုံကုန်း၊ တောင်ကွေး၊ လက်ရန်းကြားစသည့် ကျေးရွာများ၊ ကိုယ့်အားကိုယ်ကိုး 11 KV ဓာတ်အားလိုင်းမှ ၂ မိုင်းအတွင်းရှိ ကျေးရွာများဖြစ်သည့် ရတနာပုံအရှေ့ ဆီဆုံ၊ ဗန်းအုံ၊ ဆင်ချော၊ ရွှေဘုံသာ၊ ဘုရားငါးဆူ၊ မြေနီကုန်း၊ သမိုင်းကုန်း၊ မြို့ဦး (၁)၊ မြို့ဦး (၂)၊ မြို့ဇိုးစသည့် ကျေးရွာများ ၂၀၁၈-၁၉ ဘဏ္ဍာရေးနှစ်တွင် မီးလင်းရေးလုပ်ငန်းများ ဆောင်ရွက်ပေးနိုင်မည့် အစီအစဉ်များရှိ/မရှိ သိရှိလိုပါကြောင်း မေးမြန်းပါသည်။

 

ရှမ်းပြည်နယ် (တောင်ပိုင်း)၊ ရပ်စောက်မြို့နယ်အတွင်း  ၃၂ ရွာအနက် ၃၁ ရွာသည် အမျိုးသားလျှပ်စစ်ဓာတ်အား ရရှိရေးစီမံကိန်း NEP ၏ ပထမအဆင့်တွင် အကောင်အထည်ဖော် ဆောင်ရွက်ရန် စီစဉ်လျာထားပြီး ဖြစ်ပါကြောင်း၊ NEP ၏ ပထမအဆင့်တွင် ပါဝင်သည့် ကျေးရွာများ လျှပ်စစ်ဓာတ်အား ရရှိရေးအတွက် လိုအပ်သည့် ၁၁/ဝ.၄ ထရန်စဖော်မာများ၊ ကွန်ကရစ်ကျောက်တိုင်များ၊ Steel Pole များ ဝယ်ယူရေးအတွက်ကို ၂၃-၁၁-၂၀၁၇ ရက်နေ့တွင် ပစ္စည်းဝယ်ယူရေးစာချုပ်များ ချုပ်ဆိုခဲ့ပြီး ဖြစ်ပါကြောင်း၊ ACSR ဓာတ်အားကြိုးများ ဝယ်ယူရေးအတွက်ကို ၈-၂-၂၀၁၈ ရက်နေ့တွင်လည်း ထပ်မံစာချုပ်ချုပ်ဆိုပြီး ဖြစ်ပါကြောင်း၊ ကျန်ရှိသည့် ကြွေသီးနှင့်ဆက်စပ်ပစ္စည်းများ၊ ထရန်စဖော်မာ၏ ဆက်စပ်ပစ္စည်းများနှင့် သံလက်တန်း အစရှိသည့် ကိစ္စရပ်များကိုလည်း ထပ်မံတင်ဒါခေါ်ဆို စိစစ်နေခြင်း ဖြစ်ပါကြောင်း၊  NEP ၏ ပထမအဆင့် အကောင်အထည်ဖော် တည်ဆောက်သည့် မြေပြင်တည်ဆောက်ရေး လုပ်ငန်းများကို ၂၀၁၈ ခုနှစ် စက်တင်ဘာလမှစပြီး အကောင်အထည်ဖော် ဆောင်ရွက်ပေးသွားမည် ဖြစ်ပါကြောင်း၊ အဆိုပါအစီအစဉ်များထဲတွင် ကျန်ရှိနေခဲ့သည့် ၃၂ ရွာအနက်မှ ၃၁ ရွာပါရှိပြီး ကျန်ရှိနေသည့် သမိုင်းကုန်းကျေးရွာ လျှပ်စစ်ဓာတ်အား ရရှိရန်အတွက် လိုအပ်သည့် ၁၁ ကေဗွီဓာတ်အားလိုင်း ၁ မိုင်နှင့် ၁၁/ဝ.၄ ကေဗွီ၊ ၂၀၀ ကေဗွီ ထရန်စဖော်မာ ၁ လုံးကို  ကျေးရွာအတွင်းရှိ ၄၀၀ ဗို့ ဓာတ်အားလိုင်းများ တည်ဆောက်ရမည် ဖြစ်ပါကြောင်း၊  အဆိုပါ တည်ဆောက်ခြင်း လုပ်ငန်းများကို ၂၀၁၈ ခုနှစ်၊  ၆ လ ဘဏ္ဍာရေးနှစ်အတွင်း ရှမ်းပြည်နယ်အစိုးရအဖွဲ့၏ ရန်ပုံငွေဖြင့် အကောင်အထည်ဖော် ဆောင်ရွက်ပေးရန်ကိုလည်း ညှိနှိုင်းစီစဉ်ဆောင်ရွက်ထားရှိပါကြောင်း ရှင်းလင်းဖြေကြားပါသည်။

 

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့်စွမ်းအင်

httpss://www.pyithuhluttaw.gov.mm/mepe?page=8

27-Feb-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2364K+
© by MOEE. Powered by Next Hop Co.,Ltd.