မြန်မာနိုင်ငံအတွင်း၌ လျှပ်စစ်ဓာတ်ကြိုးဖြတ်တောက်ပြီး မြေပြင်သို့ပြုတ်ကျမှုများကြောင့် ဓာတ်လိုင်း သေဆုံးမှုများဖြစ်ပေါ်လျက်ရှိရာ ဓာတ်လိုက်မှုကို ကာကွယ်မှုပေးနိုင်သော SAC လျှပ်ကာ ဓာတ်ကြိုများ လွဲလှယ်မှုကို မည်ကဲ့သို့အစီအမံချပြီး‌ေ ဆာင်ရွက်နေသည်ကို သိလိုခြင်းနှင်‌့စပ်လျဉ်းသည့် မေးခွန်း

ဦးနေမျိုးထက်( ကျောက်တံတားမဲဆန္ဒနယ်)

 မြန်မာနိုင်ငံအတွင်း၌ လျှပ်စစ်ဓာတ်ကြိုးဖြတ်တောက်ပြီး မြေပြင်သို့ပြုတ်ကျမှုများကြောင့် ဓာတ်လိုင်း သေဆုံးမှုများဖြစ်ပေါ်လျက်ရှိရာ ဓာတ်လိုက်မှုကို ကာကွယ်မှုပေးနိုင်သော SAC လျှပ်ကာ ဓာတ်ကြိုများ လွဲလှယ်မှုကို မည်ကဲ့သို့အစီအမံချပြီး‌ေ ဆာင်ရွက်နေသည်ကို သိလိုခြင်းနှင်‌့စပ်လျဉ်းသည့် မေးခွန်း

ရန်ကုန်မြို့တွင် လွန်ခဲ့သည့် မိုးရာသီတွင် ၈ တန်းကျောင်းသား အပြစ်မဲ့ကျောင်းသားတစ်ဦး ဓာတ်လိုက် သေဆုံးခဲ့ပါကြောင်း၊ မသေသင့်သည့် ကလေးငယ်များ၊ ပြည်သူလူထုများ အသက်ဆုံးရှုံးခဲ့ပါ ကြောင်း၊ မိမိတို့နိုင်ငံ၏ လျှပ်စစ်လုပ်သားများ အကာအကွယ်မရှိဘဲ အသက်စွန့်စားပြီး လုပ်ရသည့်အတွက် အန္တရာယ်ကြီးစွာရင်ဆိုင်နေရပြီး ထိခိုက်သေကြေမှုများရှိခဲ့ပါကြောင်း၊ ခေတ်နှင့်အညီ တိုးတက်ပြောင်းလဲ လာတာနှင်‌့အညီ လျှပ်စစ်သွယ်တန်းမှုများသည်လည်း နိုင်ငံတကာတွင် လူများမထိခိုက်စေရန်၊ အသက် အန္တရာယ် ကင်းလွတ်မှုစေရန် ပြုပြင်ပြောင်းလဲ တပ်ဆင်‌သုံးစွဲနေပါကြောင်း၊ မိမိတို့ အိမ်နီးနားချင်းနိုင်ငံတွင် SAC ကြိုးများနှင့် စနစ်တကျ သွယ်တန်းထားပါကြောင်း၊ High Voltage, Lower Voltage ကိုလည်း စနစ်တကျ အထက်အောက် သွယ်တန်းထားသည့် စနစ်ဖြစ်ပါကြောင်း၊ သို့ဖြစ်ပါ၍ လျှပ်စစ်ဝန်ကြီးဌာန အနေနှင့် အသက်မဲ့သေဆုံးမှုများ ဖြစ်ပေါ်နေသည့်အတွက် ပြည်သူများနှင့် လျှပ်စစ်ဝန်ထမ်းများ ဓာတ်လိုက်သေဆုံးမှု၊ ဓာတ်ကြိုးပြတ်ကျသည့်အခါ သက်သာသည့် SAC ကြိုးများကို မည်သည့် System Method နှင့် သွယ်တန်းပြီး ဆောင်ရွက်နေသည်ကို သိရှိလိုသောကြောင့် မေးခွန်းမေးမြန်းခဲ့သည်။

လျှပ်စစ်နှင့်စွမ်းအင် ဝန်ကြီးဌာနအနေနှင့် ၂၀၁၅-၁၆ ဘဏ္ဍာရေးနှစ်တွင် အသစ်တိုးချဲ့ပြီး ထပ်မံ တည်ဆောက်သည့် ၄၀၀ ဗို့ဓာတ်အားလိုင်းများသည် လျှပ်ကာမပါသော Bare Conductor ကြိုးများကို သုံးစွဲခြင်းမပြုတော့ဘဲ လျှပ်စစ်အန္တရာယ်ကင်းရှင်းရန်နှင့် ဓာတ်လိုက်မှုအန္တရာယ် လျော့ကျစေရန် လျှပ်ကာ ပါသည့် Insulated Cable များဖြင့် နှစ်စဉ်ဘဏ္ဍာငွေလျာထားပြီး အကောင်အထည်ဖော် ဆောင်ရွက်ပေးပါ ကြောင်း၊ မူလက ၂၀၁၅-၁၆ ဘဏ္ဍာရေးနှစ်မတိုင်ခင် ယခင်နှစ်ပေါင်း ၅၀၊ ၆၀ အတွင်းတည်ဆောက်ခဲ့ သည့် ၄၀၀ ဗို့ဓာတ်အားလိုင်းကြိုးများသည် လျှပ်ကာကြိုးမပါသော ဓာတ်ကြိုးများဖြစ်ပါကြောင်း၊ ထို့ကြောင့် တိုင်းဒေသကြီးနှင့်ပြည်နယ်များအတွင်း 11 KV ဓာတ်အားလိုင်း စုစုပေါင်း ၁၆၁၄.၅၆ မိုင်ကို ယခုအခါ လျှပ်ကာပါသည့် Space Area Cable (SAC) ကြိုးများဖြင့်လည်းကောင်း၊  ၄၀၀ ဗို့ဓာတ်အား လိုင်းများတွင် လျှပ်ကာပါသည့် Area Bundle Conductor ပါသည့် ABC Cable များ ၇၇၃၉.၆၀၉ မိုင်ကိုလည်းကောင်း အစားထိုးလဲလှယ်ပြီး ဖြစ်ပါကြောင်း၊

ယခင်လျှပ်စစ်ဓာတ်အားလိုင်းများသည် လျှပ်ကာမပါသည့်အတွက် လျှပ်ကာပါသည့်ကြိုးများနှင့် Agratech လုပ်ရန် ကြိုးစားသည့်အခါ နှစ်စဉ်ဘဏ္ဍာ‌ငွေရရှိမှုအပေါ်မူတည်ပြီး မိမိတို့ ချင့်ချိန်ဆောင်ရွက်ကာ တက်နိုင်သမျှ ဦးစားပေးအစီအစဉ်နှင့် ဆောင်ရွက်လျက်ရှိပါကြောင်း၊ တိုင်းဒေသကြီးနှင့် ပြည်နယ် ၁၆ ခု တွင် ၂၀၁၈-၁၉ ဘဏ္ဍာရေးနှစ်မှစပြီး       11 KV ဓာတ်အားလိုင်း ၃၈၉.၁၃၇ မိုင်နှင့် SAC Cable များဖြင့် လည်းကောင်း၊ ၄၀၀ ဗို့ ဓာတ်အားလိုင်း ၃၄၁.၀၁၂ မိုင်ကို ABC Cable များဖြင့်လည်းကောင်း လဲလှယ်ရန် ယခုဘဏ္ဍာရေးနှစ်တွင် လျာထားဆောင်ရွက်သွားမည်ဖြစ်ပါကြောင်း၊ မန္တလေးတိုင်းဒေသကြီး အတွင်းရှိ လျှပ်စစ်ဓာတ်အားဖြန့်ဖြူးရေးလုပ်ငန်းတွင် 11 KV ဓာတ်အားလိုင်း ၁၄.၂၃၇ မိုင်ကို SAC Cable များဖြင့် လည်းကောင်း၊ ၄၀၀ ဗို့ ဓာတ်အားလိုင်း ၂၉.၉၁၉ မိုင်ကို ABC Cable များဖြင့်လည်းကောင်း ၂၀၁၈-၁၉ ဘဏ္ဍာရေးနှစ်အတွင်း လဲလှယ်ဆောင်ရွက်သွားရန် လျာထားဆောင်ရွက်လျက်ရှိပါကြောင်း၊ ဝန်ကြီးဌာန၏ ကြီးကြပ်ကွပ်ကဲမှုနှင့် ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ရန်ကုန်တိုင်းဒေသကြီးအတွင်း ပြည်သူများ လျှပ်စစ်အန္တရာယ်မဖြစ်စေရေးအတွက် လူသွားလူလာများပြား သည့် ဈေးများ၊ ကျောင်းများ၊ ဆေးရုံများ၊ ဘူတာများ၊ ကားဂိတ်များ စသည့် အရပ်ဒေသများတွင် နှစ်ကာလကြာရှည်စွာ တည်ဆောက် ထားခဲ့သည့် 11 KV သို့မဟုတ် 6.6 KV လျှပ်ကာ မပါသည့် ACSR ဓာတ်ကြိုးများကို လျှပ်ကာပါသော Space Area Cable (SAC) များနှင့်လဲလှယ်ခြင်း၊ ၄၀၀ ဗို့ရိုးရိုးကြေးကြိုးများအစား Insulator ပါသည့် ABC Cable များဖြင့် လဲလှယ်ခြင်း၊ ရှုပ်ထွေး Service များ ရှင်းလင်းခြင်းလုပ်ငန်းများကို အစဉ်တစိုက် ကြိုးပမ်း ဆောင်ရွက်လျက်ရှိပါကြောင်း၊ အရှေ့ပိုင်းခရိုင် အတွင်းတွင် လျှပ်ကာမပါသည့် ACSR ကြိုးများအစား လျှပ်ကာပါသည့် SAC Cable ၃၄.၂၂၄ မိုင် ‌ပြောင်းလဲတည်ဆောက်ခြင်း၊ ၄၀၀ ဗို့ HTBC ကြေးကြိုးများ နေရာတွင် လျှပ်ကာပါသော APC Cable ၄၀.၈၉ မိုင်လဲလှယ်ခြင်းလုပ်ငန်းများ ဆောင်ရွက်ခဲ့ပြီး ဖြစ်ပါကြောင်း၊

အနောက်ပိုင်းခရိုင်တွင် SAC Cable နှင့်‌ပြောင်းလဲခြင်း ၂၆.၂၆ မိုင်၊ ၄၀၀ ဗို့ ABC Cable ကြိုးများဖြင့် ၂၁.၄ မိုင်‌ ပြောင်းလဲဆောင်ရွက်ခဲ့ပြီးဖြစ်ပါကြောင်း၊ တောင်ပိုင်းခရိုင်တွင် SAC Cable ကြိုးများဖြင့် ပြောင်းလဲ တည်ဆောက်ခြင်းကို ၁၃.၃၅ မိုင်၊ ၄၀၀ ဗို့ ABC Cable များ‌ပြောင်းလဲတည်ဆောက်ခြင်းကို ၄၉.၅၄ မိုင် ဆောင်ရွက်ခဲ့ပြီးဖြစ်ပါကြောင်း၊ မြောက်ပိုင်းခရိုင်တွင် SAC Cable ကြိုးများ‌ပြောင်းလဲ တည်ဆောက်ခြင်းကို ၅၁.၃၂ မိုင် ABC ကြိုးများပြောင်းလဲတည်ဆောက်ခြင်းကို ၇၈.၂၅၅ မိုင် တည်ဆောက်ခဲ့ပြီးဖြစ်ပါကြောင်း၊ မိမိတို့ အစားထိုးလဲလှယ်နိုင်ခြင်းမရှိသေးသည့် နေရာများတွင် လျှပ်စစ် အန္တရာယ်မဖြစ်ပွားရေးအတွက် လက်ရှိဓာတ်အားပေးထားသည့် လျှပ်ကာမပါသည့် ၄၀၀ ဗို့ဓာတ်အား လိုင်းနေရာများတွင် လျှပ်ထိန်းကြိုး များ၊ ပုခက်ကြိုးများတပ်ဆင်ခြင်း၊ ဓာတ်အားလိုင်း ကြိုးချင်းထိန်း Linking Rope များတပ်ဆင်ခြင်း၊ မြေဓာတ်ချကြိုးများတပ်ဆင်ခြင်းများကိုလည်း မြို့နယ်များအလိုက် ဆောင်ရွက်ထားရှိပါကြောင်း၊ ထို့အပြင် ရန်ကုန်တိုင်းဒေသကြီးအတွင်း လျှပ်စစ်အန္တရာယ်ကင်းရှင်း ရေးအတွက် ဟောင်းနွမ်းဆွေးမြည်‌့နေသည့် ၄၀၀ ဗို့ ဓာတ်အားလိုင်းကြိုးနေရာများတွင် ABC Cable များဖြင့် ထပ်မံလဲလှယ်နိုင်ရန်အတွက် ပထမဦးစား ပေးအဆင့်အဖြစ် မိုင် ၅၀၀ ခန့်ဆောင်ရွက်နိုင်ရန် လိုအပ်သည့်ပစ္စည်းများ ဝယ်ယူနိုင်ရေးအတွက် တင်ဒါခေါ်ယူထားပြီး ပစ္စည်းများရောက်ရှိလျှင် ၂၀၁၈-၁၉ ဘဏ္ဍာရေးနှစ်အတွင်း အမြန်လဲလှယ်နိုင်ရန် စီမံဆောင်ရွက်သွားမည်ဖြစ်ပါကြောင်း၊ ဝန်ကြီးဌာနအနေဖြင့် လျှပ်စစ်အန္တရာယ်ကင်းရှင်းရေးအတွက် ဓာတ်လိုက်မှုအန္တရာယ်လျော့ကျရေးအတွက် Insulated Cable များဖြင့် အစားထိုးလဲလှယ်ခြင်းလုပ်ငန်း များနှင့် အသစ်တည်ဆောက်ခြင်းလုပ်ငန်းများကို ဘဏ္ဍာရန်ပုံငွေရရှိမှုအပေါ် မူတည်ပြီး ကြိုးပမ်းဆောင် ရွက်လျက်ရှိပါကြောင်း ပြန်လည်ဖြေကြားခဲ့သည်။

လျှပ်စစ်နှင်‌့စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့်စွမ်းအင်

httpss://www.pyithuhluttaw.gov.mm/question-3457