The Republic of the union of myanmar
Ministry Of Electricity And Energy
ဦးဖေသန်း( မြေပုံမဲဆန္ဒနယ်)
-မြေပုံမြို့ပေါ်ရှိ ပြည်သူများ၊ င/မန်းရဲ ကျွန်းတိုက်နယ်ရှိ ကျေးရွာများ၊ မြေပုံမြို့နယ်အတွင်း မဟာ ဓာတ်အားလိုင်း ဖြတ်သန်းသွားရာဒေသရှိ ကျေးရွာများ လျှပ်စစ်မီးသုံးစွဲနိုင်ရန် မည်သို့ စီမံဆောင်ရွက် ပေးမည်ကို သိလိုခြင်းနှင့် စပ်လျဉ်းသည့် မေးခွန်း
မြေပုံမြို့ပေါ် ၉ ရပ်ကွက်တွင် အိမ်ထောင်စုပေါင်း ၂၆၀၀ ကျော်ရှိသည့်အနက် ထက်ဝက်ခန့်ကိုသာ လျှပ်စစ်ဓာတ်အားဖြန့်ဖြူး နိုင်ပါသေးကြောင်း၊ ကျန်နေရာများ လျှပ်စစ်ဓာတ်အားရရှိရေးအတွက် မြို့နယ် လျှပ်စစ်မှူးကို မေးကြည့်သည့်အခါ သဲတန်းရပ်ကွက်နှင့် ကံသာထွက်ရပ်ကွက်အတွက် ၁၁/ဝ.၄ ကေဗွီ အေ ထရန်စဖော်မာနှစ်လုံး တပ်ဆင်နိုင်ရန် လိုအပ်သည်ဟု ပြောပြသည့်အတွက် ၎င်းမြို့ပေါ်တွင် လျှပ်စစ်မီး အလုံအလောက်ရရှိရေးအတွက် ဝန်ကြီးဌာနအနေဖြင့် မည်ကဲ့သို့ ကူညီဆောင်ရွက်နိုင်မည်ကို ပထမဦးစွာ သိရှိလိုပါကြောင်း၊ ဒုတိယအနေဖြင့် မြေပုံမြို့၏ ၁၀ မိုင်ပတ်လည်အတွင်းရှိ င/မန်းရဲကျွန်းတွင် လျှပ်စစ်ဓာတ်အားရရှိရေးအတွက် အဆိုပါဒေသရှိ ကျေးရွာအမြောက်အများက ရွာပေါင်း ၁၀ ကျော်က မျှော်လင့် တောင့်တနေကြပါကြောင်း၊ အဆိုပါဒေသကို လျှပ်စစ်ဓာတ်အားဖြန့်ဖြူးမည်ဆိုပါက ပေ ၁၅၀၀ ခန့်ရှိ ကြပ်စင်မြင့်နှင့် ပေ ၃၅၀ ခန့်ရှိ မဟိုင်းချောင်းတို့ကို ဖြတ်ပြီး သွယ်တန်းရမည်ဖြစ်သည့်အတွက် ၎င်းဒေသလျှပ်စစ်မီးရရှိရေးအတွက် ဝန်ကြီးဌာနကမည်ကဲ့သို့ကူညီဆောင်ရွက်သွားမည်ကို သိရှိလို ပါကြောင်း၊ တတိယမေးခွန်းအနေနှင့် မင်းပြားမြို့၊ မြေပုံမြို့၊ အမ်းမြို့ မဟာဓာတ်အားလိုင်း ဖြတ်သန်းသွားသည့် လိုင်းအောက်ရှိ ကျေးရွာပေါင်း ၃၅ ရွာရှိပြီး ကျေးရွာအများအပြား လျှပ်စစ်မီးမရှိကြသေးပါကြောင်း၊ ၎င်းတို့ကလည်း လျှပ်စစ်ဓာတ်အားလိုင်းကိုကြည့်ပြီး မြင်သာမြင်ရ မကြင်ရဆိုသည့်ဘဝမျိုးနှင့် လျှပ်စစ်မီးရရှိရန် မျှော်လင့်နေကြပါကြောင်း၊ ထိုအခက်အခဲကိုလည်း ဝန်ကြီးဌာနမှ မည်သို့ကူညီဆောင် ရွက်ပေးသွားမည်ကို သိလိုပါကြောင်း မေးမြန်းခဲ့သည်။
မြေပုံမြို့တွင် အိမ်ခြေ ၂၆၀၀ ခန့်ရှိသည့်အနက် အိမ်ခြေတစ်ဝက်ကျော်ကို လက်ရှိဓာတ်အားဖြန့်ဖြူး ပေးထားနိုင်ခဲ့ပြီး မြို့ပေါ်ရှိ လျှပ်စစ်မီးရရှိရန် ကျန်ရှိနေသည့် ရပ်ကွက်များတွင် လျှပ်စစ်ဓာတ်အားရရှိနိုင်ရန် ၄၀၀ ဗို့ဓာတ်အားလိုင်းများကို ပေ ၂၀၆၀ ပေ ကို အခု ၂၀၁၇-၁၈ ဘဏ္ဍာရေးနှစ်အတွင်း ပြည်နယ်အစိုးရ၏ ဖြည့်စွက်ရန်ပုံငွေဖြင့် တည်ဆောက်လျက်ရှိပါကြောင်း၊ သဲတန်းရပ်ကွက်အတွင်း နောက်ထပ် ၁၁/ဝ.၄၊ ၂၀၀ ကေဗွီအေ ထရန်စဖော်မာတစ်လုံး တိုးချဲ့တည်ဆောက်ရန် လိုအပ်လျက်ရှိသည်ကိုလည်း ၂၀၁၇-၁၈ ဘဏ္ဍာရေးနှစ်၏ ပြည်နယ်အစိုးရ၏ ပိုလျှံရန်ပုံငွေဖြင့် တည်ဆောက်ပေးရန် စီစဉ်ဆောင်ရွက်ထားပါကြောင်း၊ ဆက်လက်ပြီး မြေပုံမြို့နယ် င/မန်းရဲကျွန်းတိုက်နယ်ရှိ ကြက်ရေကြီးကျေးရွာ၊ ဝကောက်ကြီးကျေးရွာ၊ ပြင်ချောင်းကျေးရွာ၊ ပြင်ငခူကျောင်းကျေးရွာ၊ ငမန်းရဲကြီးကျေးရွာနှင့် လွန်းလုံးပိုက်ကျေးရွာစသည့် ကျေးရွာခြောက်ရွာများကို လျှပ်စစ်ဓာတ်အားပေးရန် တည်ဆောက်သွားရမည် ဖြစ်ပါကြောင်း၊ ထို့ကြောင့် ပထမဦးစွာ ကျေးရွာခြောက်ရွာကို လျှပ်စစ်ဓာတ်အား ဖြန့်ဖြူးပေးနိုင်ရန်အတွက် ၁၁ ကေဗွီဓာတ်အားလိုင်း ၁၁ မိုင် ခန့်နှင့် ၁၁.၄ ထရန်စဖော်မာရှစ်လုံး၊ ၄၀၀ ဗို့ဓာတ်အားလိုင်းများ ၂၀၁၈-၁၉ ဘဏ္ဍာရေးနှစ် ရခိုင်ပြည်နယ်အစိုးရ၏ ရန်ပုံငွေထဲတွင် ထည့်သွင်းလျာထားပြီး ဆောင်ရွက်ပေးရန် ညှိနှိုင်းဆောင်ရွက် သွားမည် ဖြစ်ပါကြောင်း၊
မြေပုံမြို့နယ်အတွင်း မဟာဓာတ်အားလိုင်း ဖြတ်သန်းသွားရာဒေသ တစ်လျှောက်ရှိ ကျေးရွာများကို လျှပ်စစ်ဓာတ်အား ဖြန့်ဖြူးပေးရန်အတွက် မင်းပြားဓာတ်အားခွဲရုံမှ ကြာအင်းတောင် ဓာတ်အားခွဲရုံကို တည်ဆောက်ရမည် ဖြစ်ပါကြောင်း၊ ၃၃ ကေဗွီ ဓာတ်အားလိုင်း ၂၇.၅ မိုင်တည်ဆောက်ခြင်းနှင့် ကြာအင်းတောင် ကျေးရွာတွင် ၃၃/၁၁၊ ၅ အမ်ဗွီအေ ဓာတ်အားခွဲရုံတစ်ရုံ တည်ဆောက်ခြင်း လုပ်ငန်းများကို ဝန်ကြီးဌာနက ၅ နှစ်စီမံကိန်းတွင် ထည့်သွင်းရေးဆွဲထားခြင်း ဖြစ်သည့်အတွက်ကြောင့် ၂၀၂၁-၂၂ ဘဏ္ဍာရေးနှစ်အတွင်း လျာထားဆောင်ရွက် ပေးသွားမည် ဖြစ်ပါကြောင်း ရှင်းလင်းဖြေကြားပါသည်။
လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
လျှပ်စစ်နှင့်စွမ်းအင်
_Page_28.jpg)
_Page_04.jpg)
_Page_05.jpg)
_Page_06.jpg)
_Page_08.jpg)
_Page_02.jpg)
_Page_03.jpg)
_Page_01.jpg)
_Page_09.jpg)
_Page_10.jpg)
_Page_11.jpg)
_Page_12.jpg)
_Page_16.jpg)
_Page_17.jpg)
_Page_18.jpg)
_Page_19.jpg)
_Page_20.jpg)
_Page_21.jpg)
_Page_22.jpg)
_Page_23.jpg)
_Page_24.jpg)
_Page_25.jpg)
_Page_26.jpg)
_Page_27.jpg)