The Republic of the union of myanmar
Ministry Of Electricity And Energy
ဦးအောင်သိုက် ( ဆိပ်ဖြူမဲဆန္ဒနယ်)
ဆိပ်ဖြူလျှပ်စစ်ဓာတ်အားခွဲရုံမှ လက်ဆယ်ကျေးရွာထိ၊ ပင်းတလဲကျေးရွာနှင့် ဆူးလေကုန်း ကျေးရွာထိမီးတိုင်၊ မီးကြိုးများသွယ်တန်းပြီးဖြစ်ပါ၍ မီးတိုင်၊ မီးကြိုးနှင့်နီးသော ကျေးရွာများအား လျှပ်စစ်မီးပေးနိုင်ခြင်း ရှိ/မရှိနှင့်စပ်လျဉ်းသည့် မေးခွန်း
၇-၆-၂၀၁၆ ခုနှစ် ဒုတိယအကြိမ် ပထမပုံမှန်အစည်းအဝေး (၄၀)ရက်မြောက်နေ့တွင် မိမိလျှပ်စစ်နှင့် စွမ်းအင်ဝန်ကြီးဌာနကို မေးခွန်းသုံးခုမေးမြန်းခဲ့ပါကြောင်း၊ လက်ဆယ်ကျေးရွာထိမီး သွယ်ပေးနိုင်ခြင်းရှိ/မရှိ၊ ပင်းတလဲကျေးရွာထိ မီးသွယ်ပေးနိုင်ခြင်းရှိ/မရှိနှင့် ကျန်ရွာများ မီးသွယ် ပေးနိုင်ခြင်းရှိ/မရှိတို့ကို မေးမြန်းခဲ့သည့်အခါ လျှပ်စစ်စွမ်းအင်ဝန်ကြီးဌာနဝန်ကြီးက ပထမမေးခွန်း နှစ်ခုကို သွယ်တန်းပေးမည်ဟု ကတိပေးခဲ့သည့်အတိုင်း 11 KV လိုင်းများကို မီးကြိုးနှင့် ဓာတ်တိုင်များ သွယ်တန်းပြီးဖြစ်ပါကြောင်း၊
ဆိပ်ဖြူ လျှပ်စစ်ဓာတ်အားလိုင်းဓာတ်အားခွဲရုံမှ လက်ဆယ်အထိ၊ ဆိပ်ဖြူဓာတ်အားခွဲစက်ရုံမှ ပင်းတလဲကျေးရွာအထိ လျှပ်စစ်မီးတိုင်နှင့် လျှပ်စစ်ကြိုးများသွယ်တန်းထားရှိပါကြောင်း၊ ဆိပ်ဖြူ မြို့နယ်တွင် ဓာတ်အားလိုင်း၊ ဓာတ်တိုင်နှင့် မီးကြိုးလိုင်းများ ဆူးလေကုန်းထိ သွယ်တန်းပေးထားပါကြောင်း၊ ပင်းတလဲကျေးရွာနှင့် ဆိပ်ဖြူကြားရှိ ချောင်းမကြီးကျေးရွာက မီးလိုင်းများ ကိုယ်ထူ ကိုယ်ထဆောင်ရွက်ထားပါကြောင်း၊
သွယ်တန်းထားသော 11 KV လျှပ်စစ်ဓာတ်အားလိုင်းသည် ကျေးရွာအသီးသီးသို့ လျှပ်စစ် ဓာတ်အားရောက်ရှိရေးမှာမူ ဆင်းရဲနွမ်းပါးသူများဖြစ်ကြသည့်အားလျော်စွာ အများစုမှာ ကိုယ်ထူ ကိုယ်ထ မဖြည့်စွမ်းနိုင်ကြပါကြောင်း၊ သို့ဖြစ်ပါ၍ ဆိပ်ဖြူလျှပ်စစ်ဓာတ်အားခွဲစက်ရုံမှ လက်ဆယ်ကျေးရွာအထိ၊ ဆိပ်ဖြူဓာတ်အားခွဲစက်ရုံမှ ပင်းတလဲကျေးရွာအထိနှင့် ဆိပ်ဖြူ ဓာတ်အားခွဲစက်ရုံမှ ဆူးလေကုန်းကျေးရွာအထိ ကျေးရွာများအား ကျေးရွာနှင့်နီးစပ်သော ဓာတ်အားလိုင်းများနှင့် 11 KV လိုင်းများနှင့်နီးစပ်သောကျေးရွာများအား လျှပ်စစ်မီး သွယ်တန်း ပေးနိုင်ခြင်းရှိ/မရှိ၊ မပေးနိုင်ပါက အဘယ်ကြောင့်နည်း၊ ပေးနိုင်ပါက မည်သည့်အချိန်၊ မည်သည့် ကာလတွင်ပေးမည်ဖြစ်သနည်း၊ မပေးနိုင်ပါက အဘယ့်ကြောင့်ဆိုသည်ကို သိရှိလိုပါကြောင်း မေးမြန်းပါသည်။
စလင်းမြို့နယ် တညောင်ကျေးရွာအထိ တည်ဆောက်ထားပြီးဖြစ်သည့် ၁၁ ကေဗွီ ဓာတ်အားလိုင်း ဝန်းကျင်ရှိ ဆိပ်ဖြူမြို့နယ်အတွင်းက ရေလည်ကျွန်း၊ ချင်တောင်၊ တောင်ငယ်လုံး၊ သံဇလုံ၊ ကမ္ဘားကြီး၊ ဂွေးပင်ချောင်း၊ ဆူးလေကုန်း၊ ခြောက်အိမ်တန်း၊ ဇီးကပ်၊ မရိုးခုံ၊ ရွာသာအေး၊ ကံသာအေး၊ ရေလည်သောင်၊ ကျီးပင် စသည့်ကျေးရွာ ၁၄ ရွာ လျှပ်စစ်ဓာတ်အားရရှိရန်အတွက် အမျိုးသားလျှပ်စစ်ဓာတ်အားရရှိရေးစီမံကိန်း NEP ၏ ပထမအဆင့်တွင် အကောင်အထည်ဖော် ဆောင်ရွက်ပေးသွားရန် စီစဉ်ထားပြီးဖြစ်ပါကြောင်း၊
ထို့အပြင် ဆိပ်ဖြူ-ပင်းတလဲ ၁၁ ကေဗွီ ဓာတ်အားလိုင်းဝန်းကျင်ရှိ ချောင်းမကြီး (အရှေ့) ကျေးရွာ၊ မယ်ဇလီကွေ့၊ ပင်းတလဲ၊ တူရွင်းမျော စသည့်ကျေးရွာ ၄ ရွာကို လျှပ်စစ်ဓာတ်အားရရှိရန် လိုအပ်သော ၁၁ ကေဗွီ ဓာတ်အားလိုင်း ၂.၇ မိုင်နှင့် ၁၁/ဝ.၄ ကေဗွီ၊ ၂၀၀ ကေဗွီအေ ထရန် စဖော်မာ ၆ လုံးကို ၂၀၁၈-၁၉ ဘဏ္ဍာရေးနှစ်အတွင်းတွင် တိုင်းဒေသကြီးအစိုးရ၏ ရန်ပုံငွေဖြင့် အကောင်အထည်ဖော်ဆောင်ရွက်မည့်ကိစ္စကို ညှိနှိုင်းပေးသွားမည် ဖြစ်ပါကြောင်း၊
ဆိပ်ဖြူဓာတ်အားခွဲရုံမှ လက်ဆယ်ကျေးရွာအထိ ၁၁ ကေဗွီဓာတ်အားလိုင်း ၁၆ မိုင်သည် ၂၀၁၇-၁၈ ဘဏ္ဍာရေးနှစ်အတွင်း တိုင်းဒေသကြီးအစိုးရ၏ရန်ပုံငွေဖြင့် အကောင်အထည်ဖော် ဆောင်ရွက် ထားပြီး ဖြစ်ပါကြောင်း၊ ထိုဓာတ်အားလိုင်း၏ပတ်ဝန်းကျင်ရှိ ကျေးရွာ ၃၀ လျှပ်စစ်ဓာတ်အား ဖြန့်ဖြူးရန်အတွက် ထပ်မံလိုအပ်သော ၁၁ ကေဗွီဓာတ်အားလိုင်းနှင့် ၁၁/ဝ.၄ ထရန်စဖော်မာ များကိုလည်း နှစ်အလိုက် မကွေးတိုင်းဒေသကြီး၏ ဘဏ္ဍာရန်ပုံငွေတွင် ထည့်သွင်းလျာထား ဆောင်ရွက်ပေးရန် တိုင်းဒေသကြီးအစိုးရထံ ဆက်လက်ညှိနှိုင်းဆောင်ရွက်ပေးသွားမည် ဖြစ်ပါကြောင်း ရှင်းလင်းဖြေကြားပါသည်။
လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
လျှပ်စစ်နှင့်စွမ်းအင်
_Page_28.jpg)
_Page_04.jpg)
_Page_05.jpg)
_Page_06.jpg)
_Page_08.jpg)
_Page_02.jpg)
_Page_03.jpg)
_Page_01.jpg)
_Page_09.jpg)
_Page_10.jpg)
_Page_11.jpg)
_Page_12.jpg)
_Page_16.jpg)
_Page_17.jpg)
_Page_18.jpg)
_Page_19.jpg)
_Page_20.jpg)
_Page_21.jpg)
_Page_22.jpg)
_Page_23.jpg)
_Page_24.jpg)
_Page_25.jpg)
_Page_26.jpg)
_Page_27.jpg)