The Republic of the union of myanmar
Ministry Of Electricity And Energy
ဦးနိုင်နိုင်ဝင်း(တမူး မဲဆန္ဒနယ်)
(က)-တမူးမြို့နယ်သို့ မဟာဓာတ်အားလိုင်းသွယ်တန်းပြီး လျှပ်စစ်ဓာတ်အားဖြန့်ဖြူးပေးရန် သက်ဆိုင်ရာ ဝန်ကြီးဌာနက မည်သို့စီမံဆောင်ရွက်ပေးမည်ကိုသိလိုခြင်းနှင့် စပ်လျဉ်းသည့်မေးခွန်း
စစ်ကိုင်းတိုင်းဒေသကြီး၊ တမူးခရိုင်၊ တမူးမြို့နယ်တွင် လူဦးရေ ၁၂၇၀၀၀ ဝန်းကျင်ရှိပြီး မြန်မာနိုင်ငံ၏ အနောက်မြောက် အိန္ဒိယ-မြန်မာနယ်စပ်ဒေသတွင် တည်ရှိပါကြောင်း၊ ၈.၄.၂၀၁၆ ရက်နေ့တွင် အိန္ဒိယနိုင်ငံ၊ မဏိပူရလျှပ်စစ်ဓာတ်အား ဖြန့်ဖြူးရေးကုမ္ပဏီမှ တစ်ယူနစ်လျှင် နှစ်ရာကျပ်နှုန်းဖြင့် လျှပ်စစ် ဓာတ်အားဝယ်ယူအသုံးပြုနေပါကြောင်း၊ လတ်တလောတွင် တမူးမြို့နေပြည်သူများအတွက် လျှပ်စစ်မီး လိုအပ်ချက် ပြည့်စုံသော်လည်း ရေရှည်တွင် လျှပ်စစ်မီးသုံးစွဲမှုများလာသည်နှင့်အမျှ ကုန်ကျစရိတ် များပြားနိုင်ပါကြောင်း၊ ကျေးရွာများကို သွယ်တန်းပါကလည်း ဓာတ်အားခကြီးမြင့်သည့်အတွက် ကျေးရွာ နေ ပြည်သူများအတွက် သုံးစွဲရန်ခက်ခဲမည်ဖြစ်ပါကြောင်း၊ ၂၀၁၈-၁၉ ခုနှစ် ပြည်ထောင်စု၏ ဘဏ္ဍာငွေ အသုံးစရိတ်မှ လျှပ်စစ်နှင့်စွမ်းအင်ဝန်ကြီးဌာနအတွက် ၂၂.၂၄ ရာခိုင်နှုန်း အသုံးပြုမည်ဖြစ်သော်လည်း တမူးမြို့နယ်အတွက် မဟာဓာတ်အားလိုင်းသွယ်တန်းရန် ၂၀၁၈-၁၉ ခုနှစ်တွင် ရန်ပုံငွေလျာထားသည်ကို မတွေ့ရှိရပါကြောင်း၊ ၂၁-၉-၂၀၁၆ ရက်နေ့ အမျိုးသားလွှတ်တော်တွင် တမူးမဲဆန္ဒနယ် လွှတ်တော် ကိုယ်စားလှယ်မှ တမူးမြို့နယ်အတွက် ဓာတ်အားဖြန့်ဖြူးပေးနိုင်ရေး မေးမြန်းရာ ၂၀၁၇-၁၈ ဘဏ္ဍာရေး နှစ်တွင် ရန်ပုံငွေရရှိရေး ထည့်သွင်းလျာထားပြီး ရန်ပုံငွေရရှိမှုအပေါ်မူတည်၍ လုပ်ငန်းများကို ဆက်လက် အကောင်အထည်ဖော် ဆောင်ရွက်သွားမည်ဟု ဖြေကြားထားသော်လည်း ယနေ့အထိ ဓာတ်အားလိုင်း မသွယ်တန်းနိုင်သေးပါကြောင်း၊ ၃၀-၈-၂၀၁၇ ရက်နေ့ ပြည်သူ့လွှတ်တော်အစည်းအဝေးတွင် ဖောင်းပြင် မဲဆန္ဒနယ် ကိုယ်စားလှယ်၏ ၂၄ နာရီ လျှပ်စစ်ဓာတ်အားရရှိရေး မေးခွန်းနှင့်ပတ်သက်ပြီး ကလေး-တမူး-မြို့သစ်-ဖောင်းပြင်သို့ လျှပ်စစ် ဓာတ်အားသွယ်တန်းရာ ၂၀၁၉-၂၀ ခုနှစ်တွင် ကလေး-တမူးဓာတ်အား လိုင်း မိုင် ၉၀ နှင့် ၂၃၀ ကေဗွီဓာတ်အားခွဲရုံ တည်ဆောက်ခြင်းကို ရန်ပုံငွေတောင်းခံပြီး ၂၀၂၁-၂၂ ခုနှစ်တွင် တည်ဆောက် ပြီးစီးရန် ရည်မှန်းဆောင်ရွက်သွားမည်ဖြစ်ကြောင်း ဖြေကြားထားပါကြောင်း၊
သို့ဖြစ်ပါ၍ စစ်ကိုင်းတိုင်းဒေသကြီး၊ တမူးမြို့နယ်သို့ မဟာဓာတ်အားလိုင်းသွယ်တန်းပြီး လျှပ်စစ်ဓာတ်အား ဖြန့်ဖြူးပေးရန် သက်ဆိုင်ရာဝန်ကြီးဌာနက မည်သို့စီမံဆောင်ရွက်ပေးမည်ကို သိရှိလိုသောကြောင့် မေးခွန်း မေးမြန်းခဲ့သည်။
စစ်ကိုင်းတိုင်းဒေသကြီးအတွင်းတွင် လျှပ်စစ်ဓာတ်အားတိုးတက်ဖြန့်ဖြူးနိုင်ရန်အတွက် ၂၃၀ ကေဗွီ ဂန့်ဂေါ-ကလေး ဓာတ်အားလိုင်းကို တည်ဆောက်ပြီးဖြစ်သည့်အတွက် ကလေးမြို့အထိ မဟာဓာတ်အား လိုင်းစနစ်မှ ၈-၂-၂၀၁၆ ရက်နေ့တွင် လျှပ်စစ်ဓာတ်အား ပို့လွှတ်ဖြန့်ဖြူးထားပါကြောင်း၊ တမူးခရိုင်၊ တမူးမြို့နယ်အထိ ဓာတ်အားပေးနိုင်ရန် လျှပ်စစ်ဓာတ်အားရောက်ရှိနေပြီးဖြစ်သည့်အတွက် ကလေးမြို့မှ တမူးမြို့အထိ ၂၃၀ ကေဗွီဓာတ်အားလိုင်း မိုင် ၉၀ တည်ဆောက်ပြီး တမူးမြို့တွင် ၂၃၀ ကေဗွီဓာတ်အားခွဲ ရုံစီမံကိန်းကို ဆောင်ရွက်ပေးရမည်ဖြစ်မည်ဖြစ်ပါကြောင်း၊ အဆိုပါစီမံကိန်းသည် ဝန်ကြီးဌာန၏ Master Plan တွင် ပါရှိသော စီမံကိန်းတစ်ခုဖြစ်ပါကြောင်း၊ ထိုစီမံကိန်းအတွက် ၂၀၁၇-၁၈ ဘဏ္ဍာရေးနှစ်မှစပြီး နှစ်စဉ်ဘတ်ဂျက်ရန်ပုံငွေတွင် ထည့်သွင်းလျာထားခဲ့သော်လည်း ရန်ပုံငွေကန့်သတ်မှုအရ တည်ဆောက် ဆောင်ရွက်နေဆဲ စီမံကိန်းလုပ်ငန်းများအတွက်သာ ဘတ်ဂျက်ကို မျှတသုံးစွဲနေရပြီး စီမံကိန်းအသစ်များ အတွက် ဘတ်ဂျက်ခွဲဝေရရှိခြင်းမရှိသည့်အတွက် ကလေး-တမူးဓာတ်အားလိုင်းနှင့် ဓာတ်အားခွဲရုံ စီမံကိန်း ကို မစတင်နိုင်သေးခြင်းဖြစ်ပါကြောင်း၊ အဆိုပါ ၂၃၀ ကေဗွီ ကလေး-တမူး ဓာတ်အားလိုင်း မိုင် ၉၀ နှင့် ၂၃၀ ကေဗွီ တမူးဓာတ်အားခွဲရုံစီမံကိန်းကို ဆောင်ရွက်နိုင်ရန်အတွက် ရန်ပုံငွေအားဖြင့် ၁၀၇ ဘီလီယံ ကျပ်၊ နိုင်ငံခြားငွေတန်ဖိုးအားဖြင့် အမေရိကန်ဒေါ်လာ ၆၆.၆ သန်း လိုအပ်ပါကြောင်း၊ အဆိုပါစီမံကိန်းကို Myanmar Sustainable Development Plan တွင် ထည့်သွင်းလျာထားပြီး အိန္ဒိယနိုင်ငံချေးငွေ အမေရိကန်ဒေါ်လာ သန်း ၁၃၀ မှ ရယူဆောင်ရွက်ခွင့်ပြုရန်အတွက် စီမံကိန်းနှင့်ဘဏ္ဍာရေးဝန်ကြီးဌာနထံ အဆိုပြုတင်ပြထားဆဲဖြစ်ပါကြောင်း ပြန်လည်ဖြေကြားခဲ့သည်။
လျှစ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်
လျှပ်စစ်နှင့်စွမ်းအင်
_Page_28.jpg)
_Page_04.jpg)
_Page_05.jpg)
_Page_06.jpg)
_Page_08.jpg)
_Page_02.jpg)
_Page_03.jpg)
_Page_01.jpg)
_Page_09.jpg)
_Page_10.jpg)
_Page_11.jpg)
_Page_12.jpg)
_Page_16.jpg)
_Page_17.jpg)
_Page_18.jpg)
_Page_19.jpg)
_Page_20.jpg)
_Page_21.jpg)
_Page_22.jpg)
_Page_23.jpg)
_Page_24.jpg)
_Page_25.jpg)
_Page_26.jpg)
_Page_27.jpg)