The Republic of the union of myanmar

Ministry Of Electricity And Energy

Breaking News :
    (၁၅-၁-၂၀၂၀) ရက်နေ့ လျှပ်စစ်ဓာတ်အားထုတ်လုပ်မှု အမြင့်ဆုံးမှာ (၃၃၅၁) မဂ္ဂါဝပ်ဖြစ်ပြီး တစ်ရက်စုစုပေါင်းထုတ်လုပ်ခဲ့သည့် ယူနစ်မှာ (၆၂၂၂၆.၁) မဂ္ဂါဝပ်နာရီဖြစ်ပါသည်။         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ         ၁၆.၁.၂၀၂၀ ရက်နေ့ ၊ မြန်မာ့ရေနံဓာတုဗေဒလုပ်ငန်းလက်အောက်ရှိ စက်ရုံများ၏ ထုတ်ကုန်ပစ္စည်းများ၏ နေ့စဉ်ရောင်းဈေးနှုန်းများ    
တိုင်ကြားစာ
အကြံပြုစာ
MOEE နှင့်သက်ဆိုင်သည့် နည်းပညာစာအုပ်များ
ဆောင်းပါးများ
ဓါတ်အားခနှုန်းထားများ တွက်ချက်ရန်
ဓါတ်အားလိုင်းပြမြေပုံ
android apk
www.moee.gov.mm

Total visitors

2363K+

လယ်ဝေးမြို့နယ်၊ ဗောဓိကုန်းကျေးရွာတွင် 33/11 KV 5-MVA ဓာတ်အားခွဲရုံတစ်ရုံတည်ဆောက် ပေးရန်အစီအစဉ်ရှိ/မရှိနှင့်စပ်လျဉ်းသည့်မေးခွန်း

လယ်ဝေးမြို့နယ်၊ ဗောဓိကုန်းကျေးရွာတွင် 33/11 KV 5-MVA ဓာတ်အားခွဲရုံတစ်ရုံတည်ဆောက် ပေးရန်အစီအစဉ်ရှိ/မရှိနှင့်စပ်လျဉ်းသည့်မေးခွန်း

 

ဦးမျိုးဇော်ဦး (လယ်ဝေးမဲဆန္ဒနယ်)

 ကျေးလက်နေပြည်သူများ၏ လူမှုစီးပွားဘဝများတိုးတက် မြင့်မားလာစေရန် ပညာရေး၊ ကျန်းမာရေး၊ လမ်းပန်းဆက်သွယ်ရေးအပါအဝင် လျှပ်စစ်မီးလင်းရေးသည် အလွန်အရေးပါသည့် အခန်းကဏ္ဍတွင် ပါဝင်နေပါကြောင်း၊ လယ်ဝေးမြို့နယ်သည် ကျေးရွာပေါင်း ၂၆၁ ရွာ၊ ရပ်ကွက်ကြီး ခုနစ်ရပ်ကွက်နှင့် လူဦးရေသုံးသိန်းနီးပါး နေထိုင်သည့် မြို့ဖြစ်ပါကြောင်း၊ နေပြည်တော်ကောင်စီ ရှစ်မြို့နယ်ထဲတွင် ဧရိယာအကျယ်ဆုံး၊ လူဦး‌ရေအများဆုံးနှင့် ဖွံ့ဖြိုးတိုးတက်မှု နောက်ကျသည့်မြိုလည်း ဖြစ်ပါကြောင်း၊ စစ်တောင်းမြစ်၏ အရှေ့ဘက်ကမ်းရှိ အစစအရာရာဖွံ့ဖြိုးမှု နိမ့်ကျနေရသည့်ကျေးရွာများ လျှပ်စစ်မီးရရှိရန် ဗောဓိကုန်းကျေးရွာတွင် 33/11 KV 5-MVA ဓာတ်အားခွဲရုံတစ်ရုံ တည်ဆောက်ပေးရန် လိုအပ်နေပါကြောင်း၊ သစ်ကြိမ်းကျေးရွာအုပ်စုတွင် ကျေးရွာပေါင်း ၁၁ ရွာ ပေါက်မြိုင်ကျေးရွာတွင် ကျေးရွာပေါင်း ခုနစ်ရွာ၊ ဇလီငှက်ကြီးတောင်အုပ်စုတွင် ကျေးရွာပေါင်း ငါးရွာ၊ ပင်တောင်ကျေးရွာအုပ်စုတွင် ကျေးရွာပေါင်းခုနစ်ရွာ၊ အေးချမ်းသာအုပ်စုတွင် ကျေးရွာ ပေါင်းငါးရွာ၊ ပိတောက်ချောင်အုပ်စုတွင် ကျေးရွာတစ်ရွာ ကျေးရွာစုစုပေါင်း ၃၆ ရွာ၊ အိမ်ထောင်စု ပေါင်း ၅၇၈၆ အိမ်ထောင်စုတွင်းတွင် မှီတင်းနေထိုင်ကြသော ဒေသခံပြည်သူများသည် လျှပ်စစ်မီးသုံးစွဲခွင့် ရရှိရန်အတွက် မျှော်လင့်နေကြသည်မှာ ကြာမြင့်ပြီ ဖြစ်ပါကြောင်း၊ အိမ်ထောင်စုပေါင်း ၅၇၈၆ အိမ်ထောင်စု လျှပ်စစ်မီးရရှိရန် သဲဖြူပင်မဓာတ်အားခွဲရုံမှ ၁၃ မိုင်ခန့် ကွာဝေးသော ဗောဓိကုန်းကျေးရွာတွင် ဓာတ်အားခွဲရုံ တစ်ရုံတည်ဆောက်ရန် လိုအပ်ပါကြောင်း၊ ဓာတ်အားခွဲရုံ တည်ဆောက်ရန်အတွက် မြေနေရာရရှိပြီးလည်း ဖြစ်ပါကြောင်း၊ ဗောဓိကုန်း ကျေးရွာတွင် လျှပ်စစ်ဓာတ်အားခွဲရုံတစ်ရုံ တည်ဆောက်ပေး လိုက်ခြင်းဖြင့် ကျေးရွာပေါင်း ၃၆ ရွာတွင်နေထိုင်ကြသော ကျေးလက်နေပြည်သူများ၏ လူမှုစီးပွားဘဝများသည် အဘက်ဘက်က တိုးတက်မြင့်မားလာမည် ဖြစ်ပါကြောင်း၊ သို့ဖြစ်ပါ၍ လယ်ဝေးမြို့နယ်၊ ဗောဓိကုန်းကျေးရွာတွင်  33/11 KV 5 MVA ဓာတ်အားခွဲရုံ တစ်ရုံတည်ဆောက်ပေးရန် အစီအစဉ် ရှိ/မရှိ သိရှိလိုပါကြောင်းမေးမြန်းပါသည်။

 

ကျေးရွာပေါင်း ၃၆ ရွာ လျှပ်စစ်ဓာတ်အားရရှိနိုင်ရန်အတွက် ဗောဓိကုန်းကျေးရွာတွင် 33/11 KV 5 MVA ဓာတ်အားခွဲရုံ တစ်ရုံတည်ဆောက်ရန်နှင့် အဆိုပါ 33 KV ဓာတ်အားခွဲရုံသို့ သဲဖြူပင်မ ဓာတ်အားခွဲရုံမှ 33 KV လိုင်းတည်ဆောက်ရန် ကိစ္စတို့နှင့်ပတ်သက်ပြီး ယခုလာမည့် ၂၀၁၉-၂၀ ဘဏ္ဍာရေးနှစ်တွင် ပြည်ထောင်စုဘတ်ဂျက် ရန်ပုံငွေတွင် ထည့်သွင်းလျာထား ဆောင်ရွက် ပေးသွားမည် ဖြစ်ပါကြောင်း ရှင်းလင်းဖြေကြားပါသည်။

 

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့်စွမ်းအင်

 

Source: https://www.pyithuhluttaw.gov.mm/question-3837

06-Jun-2019
Share
« PREV NEXT »

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ


Ministry of

Electricity And Energy

  • www.moee.gov.mm
  • Nay Pyi Taw, Myanmar.
  • 0673410487, 0673410483
  • admin@moee.gov.mm
www.moee.gov.mm

Total visitors

2363K+
© by MOEE. Powered by Next Hop Co.,Ltd.