၂၀၁၉ ခုနှစ် နွေရာသီကာလဖြစ်သော မတ်လ၊ ဧပြီလနှင့် မေလတို့တွင် မြန်မာနိုင်ငံ၌ လျှပ်စစ်သုံးစွဲမှုမဂ္ဂါဝပ် (MW) မည်မျှရှိမည်ကို လျှပ်စစ်နှင့်စွမ်းအင်ဝန်ကြီးဌာနအနေဖြင့် ခန့်မှန်း တွက်ချက်ထားမှုအခြေအနေနှင့် လျှပ်စစ်ပြတ်တောက်မှုရှိစေရန် မည်ကဲ့သို့စီစဉ်ဆောင်ရွက်ထားသည် တို့ကို သိရှိလိုခြင်းနှင့် စပ်လျဉ်းသည့်မေးခွန်း

၂၀၁၉ ခုနှစ် နွေရာသီကာလဖြစ်သော မတ်လ၊ ဧပြီလနှင့် မေလတို့တွင် မြန်မာနိုင်ငံ၌ လျှပ်စစ်သုံးစွဲမှုမဂ္ဂါဝပ် (MW) မည်မျှရှိမည်ကို လျှပ်စစ်နှင့်စွမ်းအင်ဝန်ကြီးဌာနအနေဖြင့် ခန့်မှန်း တွက်ချက်ထားမှုအခြေအနေနှင့် လျှပ်စစ်ပြတ်တောက်မှုရှိစေရန် မည်ကဲ့သို့စီစဉ်ဆောင်ရွက်ထားသည် တို့ကို သိရှိလိုခြင်းနှင့် စပ်လျဉ်းသည့်မေးခွန်း    

ဦးနေမျိုးထက်( ကျောက်တံတားမဲဆန္ဒနယ်)

ယနေ့နှင့် အနီးဆုံးရက်ဖြစ်သော ၂၅-၄-၂၀၁၉ ရက်နေ့က လျှပ်စစ်ဝန်ကြီးဌာန Website ကတင်ပြထားသော လျှပ်စစ်အမြင့်ဆုံးထုတ်လုပ်မှု ၃၄၃၈.၁ မဂ္ဂါဝပ်ထုတ်ခဲ့ပါကြောင်း၊ ပြီးခဲ့သည့်နှစ် ဧပြီလ ၂၅ ရက်နေ့က ၃၃၄၉ မဂ္ဂါဝပ်အထိ ထုတ်နိုင်ပါကြောင်း၊ ၂၀၁၉ ခုနှစ်တွင် အနည်းငယ်ပိုပြီးသာ ထုတ်သည်ကို တွေ့ရပါကြောင်း၊ WESC က ဧပြီလ ၁၁၊ ၁၂ ရက်တွင် System Breakdown ကြောင့် ရန်ကုန်မြို့တစ်မြို့လုံး တစ်ချို့မြို့နယ်များတွင် မီးပျက်ခဲ့ပါကြောင်း ကြေညာချက်ထုတ်ထားပါကြောင်း၊ WESC က Distribution ကြောင့် ချို့ယွင်း၍ဖြစ်သည့် ရန်ကုန်တိုင်းဒေသကြီး၏မြို့နယ်များတွင် ဧပြီလ ၁၁ ရက်နေ့‌ နောက်ပိုင်းကစပြီး နေ့တိုင်းနီးပါး မီးပြတ်တောက်နေရသည့်အခြေအနေကို ထုတ်ပြန်ထားခြင်း ဖြစ်ပါကြောင်း၊ ၁၁ ရက်နေ့က System Breakdown ဖြစ်ပါကြောင်း၊ ၂၄ ရက်နေ့တွင်လည်း မဟာဓာတ်အားလိုင်းက System Breakdown ဖြစ်ပါကြောင်း၊ ဧပြီလထဲတွင် System Breakdown ကြောင့် သုံးကြိမ်ဖြစ်ပေါ်ပါကြောင်း၊ ရန်ကုန်မြို့အတွင်းရှိမြို့နယ်များ Distribution ၏အရေးပေါ် လုပ်ငန်းများကြောင့် မီးပျက်ခြင်းဖြစ်ပါကြောင်း၊ ယခုလ ၁၁၊ ၁၂ ရက်နေ့တွင် System Breakdown ကြောင့် တစ်တိုင်းလုံးနီးပါးမီးပျက်ပါကြောင်း၊ ၂၀ ရက်နေ့တွင် Distribution ၏ ပြဿနာများကြောင့် ကမာရွတ်မြို့နယ်၊ ကြည်‌့မြင်တိုင်မြို့နယ်၊ စမ်းချောင်းမြို့နယ်၊ ဗဟန်းမြို့နယ်တွင် ပျက်ပါကြောင်း၊ ၂၃ ရက်နေ့တွင်လည်း ပျက်ပါကြောင်း၊ ၂၂ ရက်နေ့တွင်လည်း ရွှေပြည်သာ၊ ဝါးတစ်ရာစက်မှုဇုန် Distribution Problem ကြောင့်ပျက်ပါကြောင်း၊ ၂၄ ရက်နေ့တွင်လည်း System Breakdown ဖြတ်ပါကြောင်း၊ နေ့တိုင်းနီးပါးမီးပျက်ပါကြောင်း၊ နယ်များတွင်လည်း ယခုဓာတ်အားထုတ်လုပ်မှု လျော့နည်းသည့်အတွက် Load ရှပ်များဖြစ်ပြီး အလှည်‌့ကျမီးပေး သည့်စနစ်များ ဖြစ်ပေါ်နေပါကြောင်း၊ ထို့ကြောင့် လျှပ်စစ်ဝန်ကြီးဌာနအနေဖြင့် ယခုနှစ်နွေရာသီတွင် လျှပ်စစ်သုံးစွဲမှုမည်မျှရှိမည်ကို မည်ကဲ့သို့တွက်ချက်ထားပြီး ထုတ်လုပ်မှုကိုမည်ကဲ့သို့လုပ်ဆောင်ခဲ့သနည်း၊ ကျန်ရှိနေသော နွေရာသီ ကာလတွင် မီးမပျက်ရေးအတွက် မည်သို့ဆောင်ရွက်မည်ကို သိရှိလိုပါကြောင်း မေးမြန်းပါသည်။

ဝန်ကြီးဌာနအနေဖြင့် မြန်မာနိုင်ငံဓာတ်အားစနစ်အတွင်းဖြစ်ပေါ်လာမည့် ဓာတ်အားလိုအပ်ချက်များကို ကာလတို၊ ကာလရှည် ခန့်မှန်းတွက်ချက်ပြီး ရေတို/ရေရှည်စီမံချက်များဖြင့် ထုတ်လုပ်နိုင်ရန် ကြိုးပမ်း ဆောင်ရွက်လျက်ရှိပါကြောင်း၊

၂၀၁၉ ခုနှစ် နွေရာသီကာလဓာတ်အားစနစ်အတွင်း လအလိုက်အမြင့်ဆုံးဖြစ်ပေါ်လာနိုင်သော ဓာတ်အား လိုအပ်ချက်များကို ခန့်မှန်းတွက်ချက်ခဲ့ရာ ဇန်နဝါရီလအတွင်းတွင် ၃၄၈၀ မဂ္ဂါဝပ်၊ ဖေဖော်ဝါရီလအတွင်း တွင် ၃၅၇၇ မဂ္ဂါဝပ်၊ မတ်လအတွင်းတွင် ၃၈၀၇ မဂ္ဂါဝပ်၊ ဧပြီလအတွင်းတွင် ၃၉၁၇ မဂ္ဂါဝပ်နှင့် မေလအတွင်းတွင် ၃၈၇၈ မဂ္ဂါဝပ် အသီးသီးဖြစ်ပေါ်နိုင်ကြောင်း ခန့်မှန်းတွက်ချက်ခဲ့ပါကြောင်း၊ လက်တွေ့ အမှန်တကယ်ဓာတ်အားသုံးစွဲမှုသည် ပြီးခဲ့သည့် ဇန်နဝါရီလတွင် ၃၃၀၄ မဂ္ဂါဝပ်၊ ဖေဖော်ဝါရီလတွင်  ၃၄၉၇ မဂ္ဂါဝပ်နှင့် မတ်လတွင် ၃၆၅၄ မဂ္ဂါဝပ်၊ ဧပြီလတွင် အမြင့်ဆုံး ၃၆၀၉ မဂ္ဂါဝပ်တို့ ရောက်ရှိခဲ့ပါကြောင်း၊ ဝန်ကြီးဌာနအနေဖြင့် ၂၀၁၈ ခုနှစ် ဒီဇင်ဘာလနှင့် ၂၀၁၉ ခုနှစ် ဇန်နဝါရီလများတွင် အပူစွမ်းအင်သုံးဓာတ်အားပေးစက်များ၊ ကျောက်မီးသွေးသုံးဓာတ်အားပေးစက်ရုံနှင့် Run off River Type ရေအားလျှပ်စစ် ဓာတ်အားပေးစက်ရုံများကို (Base Load Generation) အဖြစ်ပြောင်းလဲပြီး ဓာတ်အား ထုတ်လုပ်မောင်းနှင်စေခဲ့ပါကြောင်း၊ တမံများနှင့်ရေစုပြီးမှ လျှပ်စစ်ထုတ်ရသော ရေအားလျှပ်စစ် ဓာတ်အားပေးစက်ရုံများကို Peak Load Generation Type အဖြစ်ပြောင်းလဲပြီး ဓာတ်အားစနစ်၏ လိုအပ်ချက်အတိုင်း ဖြည်‌့ဆည်းမောင်းနှင်ပေးခဲ့ပါကြောင်း၊ ထိုသို့ဆောင်ရွက်ခြင်းအားဖြင့် တမံများ တွင် ရေများကို ပိုမိုသိုလှောင်ထားနိုင်ရန်ကြိုးစားပြီး  နွေရာသီကာလဓာတ်အားလိုအပ်ချက် ရောက်ရှိချိန်တွင် ရေအားလျှပ်စစ်စက်ရုံများက လျှပ်စစ်ဓာတ်အားပိုမိုထုတ်လုပ်ပေးနိုင်ရန် ကြိုးပမ်း စီမံဆောင်ရွက်ခဲ့ပါကြောင်း၊

ထို့အပြင် သဘာဝဓာတ်ငွေ့သုံးဓာတ်အားပေးစက်ရုံများက လျှပ်စစ်ဓာတ်အားပိုမိုထုတ်လုပ်နိုင်ရန် ဆောင်ရွက်ခဲ့သည့်အခါ မြင်းခြံတွင် ဆန်းကော့ ၂၂၅ မဂ္ဂါဝပ်ဓာတ်အားပေးစက်ရုံအပြင် ယခု ၂၀၁၉ ခု နှစ်ဆန်းပိုင်းအတွင်း သထုံတွင် Combine Circle Power Plant  ၁၁၈ မဂ္ဂါဝပ်၊ ကျောက်ဆည်တွင် Gas Engine သုံး ၁၄၅ မဂ္ဂါဝပ်နှင့် မြင်းခြံတွင်လည်း Gas Engine သုံး ၉၀ မဂ္ဂါဝပ် စုစုပေါင်း ၃၅၃ မဂ္ဂါဝပ် စက်ရုံအသစ်များတည်ဆောက်ပြီး ဓာတ်အားထုတ်ပေးခဲ့ပါကြောင်း၊ ယခု နွေရာသီကာလ အတွင်း ၁၄-၃-၂၀၁၉ ရက်နေ့တွင် Peak Load အမြင့်ဆုံး ၃၆၅၄ မဂ္ဂါဝပ်ရောက်ရှိခဲ့ပါကြောင်း၊ သဘာဝဓာတ်ငွေ့သုံး ကျောက်မီးသွေးသုံးဓာတ်အားပေးစက်ရုံများ၏ ၂၄ နာရီ Base Load ဖြင့် မောင်းနှင်ထုတ်လုပ်ပြီး ရေအားလျှပ်စစ်ဓာတ်အားပေးစက်ရုံများက Peak Load Machine ဖြင့် တစ်နေ့တာ မောင်းနှင်ဓာတ်အား ထုတ်လုပ်ပါကြောင်း၊

Peak Power များဖြစ်သော မနက်ပိုင်း ၈ နာရီမှ ၁၁ နာရီကြားကာလအတွင်းတွင်သာ ၃၂၀၀ မဂ္ဂါဝပ်ကိုကျော်လွန်ပြီး ညနေပိုင်း ၁၆ နာရီမှ ၂၁ နာရီကြားကာလတွင်သာ ၃၂၀၀ မဂ္ဂါဝပ်ကိုကျော်ပြီး ဓာတ်အားပေးရပါကြောင်း၊ အမြင့်ဆုံးဓာတ်အားထုတ်လုပ်မှု ၃၆၅၄ မဂ္ဂါဝပ်ကိုရောက်ရှိခဲ့သော်လည်း တစ်နေ့တာ ဓာတ်အားထုတ်လုပ်ရသည့် လျှပ်စစ်စွမ်းအင်ပမာဏသည့် ၆၇၀၀၀ ကျော်သာ ထိုနေ့က ထုတ်လုပ်ပေးခဲ့ရပါကြောင်း၊ ၂၂-၄-၂၀၁၉ ရက်နေ့၏ သဘာဝဓာတ်ငွေ့သုံးနှင့် ကျောက်မီးသွေးသုံး ဓာတ်အားပေးစက်ရုံများ၏ ဓာတ်အားထုတ်လုပ်မှုသည် တစ်နေ့တာကာလပတ်လုံး ၂၄ နာရီတွင် ၁၆၀၀ မဂ္ဂါဝပ်ပတ်လည် Constantly ထုတ်ပေးခဲ့ပါကြောင်း၊ ၂၀၀ မဂ္ဂါဝပ်ကျော် ၂၄ နာရီပတ်လုံး တောက်လျှောက်တိုးမြှင့်ထုတ်လုပ်ပေးခဲ့ပါကြောင်း၊

တစ်နိုင်ငံလုံးတစ်နေ့တာဓာတ်အားထုတ်လုပ်မှု Peak Load သည် ၃၅၁၆ မဂ္ဂါဝပ်သာရောက်ရှိ ခဲ့သော်လည်း မနက် ၆ နာရီမှစ၍ ည ၂၂ နာရီအထိ Day Peak သည် တစ်လျှောက်လုံး ၃၂၀၀ မဂ္ဂါဝပ်ကျော် တောက်လျှောက်ပြောင်းလဲသွားပါကြောင်း၊ တစ်နည်းအားဖြင့် မတ်လနှင့်ဧပြီလတွင် တစ်နေ့တာတစ်လျှောက်လုံးတွင် ၃၂၀၀ မဂ္ဂါဝပ်ကျော်ကို တောက်လျှောက်မောင်းနှင် ထုတ်ရပါကြောင်း၊ ထို့ကြောင့် တစ်နေ့တာလျှပ်စစ်ဓာတ်အားထုတ်လုပ်မှုစွမ်းအင်ပမာဏ ၇၃၇၀၀ ကျော်ဖြစ်ပေါ်ခဲ့ကြောင်း ထုတ်လုပ်ခဲ့ပါကြောင်း၊ တစ်နည်းအားဖြင့် Peak Load ကိုကျသွားသော်လည်း တစ်နေ့တာ လျှပ်စစ်ဓာတ်အားထုတ်လုပ်ပေးရသည့်ပမာဏသည် ယခင်လထက် များစွာကွာခြား သွားပါကြောင်း၊ ၂၀၁၅ ခုနှစ်မှ ၂၀၁၉ ခုနှစ်အထိ နှစ်အလိုက် ဇန်နဝါရီလ၊ ဖေဖော်ဝါရီလ၊ မတ်လ၊ ဧပြီလများတွင် လအလိုက် အမြင့်ဆုံးဓာတ်အားထုတ်လုပ်ပေးခဲ့ရသည့်ပမာဏများမှာ ၂၀၁၅ ခုနှစ် ဇန်နဝါရီလတွင် Peak Load သည် ၂၁၀၀ ခန့်သာရှိသော်လည်း ယခု ၂၀၁၉ ခုနှစ်တွင် Peak Load သည် ၃၃၀၀ မဂ္ဂါဝပ် မြင့်မားစွာတိုးတက်သွားပါကြောင်း၊ ဖေဖော်ဝါရီလ၊ မတ်လ၊ ဧပြီလများတွင်လည်း အလားတူ တွေ့ရှိရမည် ဖြစ်ပါကြောင်း၊ လက်ရှိလျှပ်စစ်ကဏ္ဍတွင် အမှန်တကယ်ထုတ်လုပ် ပေးနိုင်သောအနေအထား မည်သို့‌ပြောင်းလဲသွားသည်ကို တင်ပြထားခြင်းဖြစ်ပါကြောင်း၊ သို့ရာတွင် လွှတ်တော်ကိုယ်စားလှယ်တော်ကြီး၏ မေးခွန်းတွင်ပါရှိသွားသကဲ့သို့ ယခုဧပြီလတွင်တစ်နိုင်ငံလုံး၏ လျှပ်စစ်ဓာတ်အားလိုအပ်ချက်ကို ပြည့်မီအောင် လိုအပ်ချက်ရှိနေခဲ့ပါကြောင်း၊ ထိုအချက်များကိုလည်း ဆက်လက်တင်ပြသွားမည် ဖြစ်ပါကြောင်း၊ ပြီးခဲ့သည့် ၂၀၁၉ ခုနှစ် မတ်လအတွင်း တစ်ရက်တာအမြင့်ဆုံး ရေအားလျှပ်စစ်ထုတ်လုပ်မှု ၂၂၁၂ မဂ္ဂါဝပ်အထိ ထုတ်လုပ်နိုင်ခဲ့ပါကြောင်း၊ လေးနှစ်တာ မတ်လများကို နှိုင်းယှဉ်တင်ပြရပါက ၂၀၁၆ ခုနှစ်တွင် ၁၈၃၃ မှ ၂၀၁၇ ခုနှစ်တွင် ၁၉၅၀ ဖြစ်သည့်အတွက်ကြောင့် တစ်နှစ်တာ ရေအားလျှပ်စစ်က ၁၁၇ တိုးတက်သွားပါကြောင်း၊ ၂၀၁၇ ခုနှစ်ထက် ၂၀၁၈ ခုနှစ်တွင် ၁၃၄ မဂ္ဂါဝပ်တိုးတက်ပြီး ၂၀၁၈ ခုနှစ်ထက် ၂၀၁၉ ခုနှစ်တွင် ၁၂၈ မဂ္ဂါဝပ်တိုးတက်ပြီး ထုတ်လုပ်ခဲ့ပါကြောင်း၊

ထိုကဲ့သို့တိုးတက်ပြီး ထုတ်လုပ်ခဲ့သည်ဟုတင်ပြရာတွင် လွှတ်တော်တွင် ယခင်ကလည်း မိမိတင်ပြခဲ့ဖူး ပါကြောင်း၊ မည်သည်‌့ရေအားလျှပ်စစ်ဓာတ်အားပေးစက်ရုံအသစ်မျှ ပြီးစီးခြင်းမရှိပါကြောင်း၊ သို့ရာတွင် လက်ရှိရှိပြီးသား ရေအားလျှပ်စစ်ဓာတ်အားပေးစက်ရုံများထဲမှ တစ်နှစ်ထက်တစ်နှစ် သုံးနှစ် ဆက်တိုက် ၁၁၇ မဂ္ဂါဝပ်၊ ၁၃၄ မဂ္ဂါဝပ်၊ ၁၂၈ မဂ္ဂါဝပ်တိုးတက်အောင် ထုတ်လုပ်ခဲ့ သည့်အတွက်ကြောင့် ဝန်ကြီးဌာနအနေဖြင့် သုံးနှစ်တာကာလအတွင်းရှိပြီးသား ရေအားလျှပ်စစ် စက်ရုံများထဲမှ နောက်ထပ် ၃၇၉ မဂ္ဂါဝပ်တိုးတက်အောင် ထုတ်လုပ်ပေးခဲ့ပါကြောင်း၊ အပူစွမ်းအင်သုံး စက်များအနေဖြင့် မတ်လအတွင်း အမြင့်ဆုံး ၁၅၈၁ ထိထုတ်ပြီး သုံးနှစ်တာတွင် ၆၄၇ မဂ္ဂါဝပ် တိုးတက်ပြီး ထုတ်ပေးခဲ့ပါကြောင်း၊ System ကြီး တစ်ခုလုံးအနေဖြင့် သုံးနှစ်တာတွင် ၉၈၁ မဂ္ဂါဝပ် တိုးတက်ပြီး ထုတ်လုပ်ပေးခဲ့ပါကြောင်း၊ ဧပြီလအတွင်းတွင် ရေအားလျှပ်စစ်စက်ရုံများ၏ တစ်ရက်တာအမြင့်ဆုံး ဓာတ်အားထုတ်လုပ်နိုင်မှုသည် ၁၉၁၉ ခုနှစ် ဧပြီလတွင် ၁၉၇၁ မဂ္ဂါဝပ်သာ ထုတ်လုပ်ပေးနိုင်ပါကြောင်း၊

ယခင်နှစ်ထက် ၁၅၆ မဂ္ဂါဝပ်ထုတ်လုပ်နိုင်မှုစွမ်းအား လျော့ကျသွားပါကြောင်း၊ ပြီးခဲ့သည့် မတ်လတွင် ၂၀၀၂ မဂ္ဂါဝပ်နှင့် ယှဉ်လိုက်ပါက တစ်လအတွင်း ၁၉၇၁ သာ ထုတ်လုပ်နိုင်ခဲ့သည့်အတွက်ကြောင့် ရေအားများ၏ထုတ်လုပ်နိုင်မှုသည် ၂၄၁ မဂ္ဂါဝပ်လျော့ကျသွားရခြင်း ဖြစ်ပါကြောင်း၊ ဖြစ်ပေါ်ရခြင်း အဓိကအကြောင်းအရင်းများကို ပြန်လည်တင်ပြရပါက ဆည်ရေများကို များများစားစား ပိုပြီးစုသည့်အခါ ပြည်သူများ၏လိုအပ်ချက်ကြောင့် ဆည်ရေများအမြင့်ကိုချပေးရန် ပြီးခဲ့သည့် မိုးနှောင်းကာလတွင် မိမိတို့ကို တောင်းဆိုခြင်းများဖြစ်ပေါ်ခဲ့သည့်အတွက်ကြောင့် လိုက်လျောခဲ့ရခြင်း များစွာရှိပါကြောင်း၊ အလားတူ နွေစပါးဧကများကိုသတ်မှတ်ဧကများကို တိုးချဲ့ဆောင်ရွက်ပြီး ပျိုးထောင်ရေများကိုလိုအပ်၍ ဆည်ရေများကို ပျိုးထောင်ရေသွင်းနိုင်ရန်အတွက် ရေထုတ်ပေးပါ ဆိုသည့်အတွက် ရေများထုတ်ပေးခဲ့ရပါကြောင်း၊ အလားတူ အောင်ရေသွင်းရန်အတွက် ရေများချပေးပါဆိုသည့်အခါ ဆည်ရေများကိုထပ်မံထုတ်ပေးခဲ့ရ ပါကြောင်း၊ ထိုစဉ်ကာလများတွင် လယ်သမားများ၏လိုအပ်ချက်ကို ဖြည့်ဆည်းပေးရမယ်ဆိုသော်ငြားလည်း ရေများကိုချပေးခဲ့ပါက နွေရာသီကာလတွင် တစ်တိုင်းပြည်လုံးရှိပြည်သူများ၏ လျှပ်စစ်ဓာတ်အား လိုအပ်ချက်ကို ဖြည့်ဆည်း နိုင်ရန် အခက်အခဲမြောက်များစွာဖြစ်ပါကြောင်း၊

သို့ရာတွင် အားလုံးကိုလိုက်လျောခဲ့ရသည့်အတွက် ယခုကဲ့သို့ရေအားလျှပ်စစ်ဓာတ်အားပေး စက်ရုံများ၏ ထုတ်လုပ်နိုင်မှုသည် ၁၉၇၁ မဂ္ဂါဝပ်ထိ လျော့နည်းကျဆင်းသွားခဲ့ရပါကြောင်း၊ အပူစွမ်းအင်သုံး ရေအားလျှပ်စစ်ဓာတ်အားပေးစက်ရုံများက ဧပြီလတွင် ၁၇၀၈ မဂ္ဂါဝပ်ထိ ထုတ်လုပ်နိုင်ခဲ့သည့်အတွက်ကြောင့် ပြီးခဲ့သည့်လထက်ပိုမိုထုတ်လုပ်နိုင်ခဲ့ပြီး စုစုပေါင်း သုံးနှစ်တာကာလတွင် ၇၅၁ မဂ္ဂါဝပ် ထုတ်လုပ်ခဲ့ပါကြောင်း၊ ဧပြီလအတွင်း တစ်နိုင်ငံလုံး၏ ထုတ်လုပ်မှုသည် သုံးနှစ်တာကာလကိုနှိုင်းယှဉ်ပါက ၈၆၆ မဂ္ဂါဝပ်ထိတိုးပြီး ထုတ်လုပ်ခဲ့သော်လည်း လိုအပ်ချက်ကို ပြည့်မီခြင်းမရှိခဲ့ပါကြောင်း၊ နှစ်စဉ်လအလိုက် ရေအားလျှပ်စစ်စက်ရုံများက ရေအားလျှပ်စစ်စွမ်းအားထုတ်ခဲ့သည့် မဂ္ဂါဝပ်နာရီများကို နှိုင်းယှဉ်တင်ပြရပါက မတ်လအတွင်း ရေအားလျှပ်စစ်ကို များစွာထုတ်ပေးခဲ့ရပါကြောင်း၊ ဆည်ရေများ အမြင့်များစွာကျဆင်းသွားသည့်အခါ ဧပြီလတွင်ထုတ်လုပ်နိုင်မှုသည် မတ်လလောက်မပြည့်မီတော့သည့် အနေအထားကို ရောက်ရှိခဲ့ ပါကြောင်း၊

၂၀၁၉ ခုနှစ် ဇန်နဝါရီလ၊ ဖေဖော်ဝါရီလ၊ မတ်လ၊ ဧပြီလများတွင် ညာဘက်အပြာရောင် Graph သည် အပူစွမ်းအင်သုံး ဓာတ်အားပေးစက်ရုံများ၏ ဓာတ်အားထုတ်လုပ်မှုသည် ကျန်သောနှစ်များထက် များစွာသိသိသာသာ မြင့်မားထုတ်လုပ်ပေးခဲ့သည်ကို တင်ပြတွေ့ရှိရခြင်း ဖြစ်ပါတယ်။ တင်ပြပါ Graph က နှစ်အလိုက် ရေအား၊ အပူစွမ်းအင်သုံးလျှပ်စစ် စုစုပေါင်း ဓာတ်အားထုတ်လုပ်မှုများ ဖြစ်ပါကြောင်း၊ တင်ပြပါ အခြေအနေအရ မတ်လတွင် စုစုပေါင်းထုတ်လုပ်မှုနှင့် ဧပြီလတွင် စုစုပေါင်းထုတ်လုပ်မှုသည် များစွာမကွာခြားသော်လည်း တစ်နေ့တာ Graph ကို တင်ပြခဲ့သည့်အတိုင်း တစ်နေ့တာ၏ လျှပ်စစ်သုံးစွဲမှု စွမ်းအင်ပမာဏများ များစွာလိုအပ်လာသည့်အခါ ဖြည့်ဆည်းပေးနိုင်ရန် လိုအပ်ချက်များ ဖြစ်ပေါ်လာခဲ့ရခြင်း ဖြစ်ပါကြောင်း၊ ယခု ဧပြီလအတွင်း တစ်ရက်တာ အများဆုံး စွမ်းအင်ထုတ်လုပ်မှုကို တင်ပြထားခြင်း ဖြစ်ပါကြောင်း၊ ၂၀၁၆ ခုနှစ်တုန်းက မဂ္ဂါဝပ် hour ၅၅၀၀၀ နီးပါး ထုတ်လုပ်ပေးခဲ့ရပြီး ၂၀၁၇ ခုနှစ်တွင် ၅၉၀၀၀ ကျော် ထုတ်လုပ်ခဲ့ရပြီး ၂၀၁၈ ခုနှစ်တွင် ၆၈၀၀၀ ကျော်ဖြင့် ၂၀၁၉ ခုနှစ်တွင် ၇၃၀၀၀၊ ၇၄၀၀၀ နီးပါး ထုတ်လုပ်ပေးခဲ့သော်လည်း လျှပ်စစ်လိုအပ် ချက်များ ဖြစ်ပေါ်နေဆဲ ဖြစ်ပါကြောင်း၊ နှစ်စဉ် တစ်လလုံးစုစုပေါင်း လျှပ်စစ်ဓာတ်အား ထုတ်လုပ်မှု ယခု ၂၀၁၉ ခုနှစ် ဧပြီတွင် မဂ္ဂါဝပ် hour နှစ်သန်းကျော် ထုတ်လုပ်ပေးနိုင်ခဲ့သော်ငြားလည်း တိုင်းပြည်၏ လျှပ်စစ်ဓာတ်အား လိုအပ်ချက်သည် ယခုထက်ပိုမိုမြင့်မားနေသည့် အတွက်ကြောင့် မည်မျှပင် တိုးထုတ်နေသော်လည်း လိုအပ်ချက်ကို ပြည့်မီခြင်းမရှိပါကြောင်း၊

ယခုလွှတ်တော် ကိုယ်စားလှယ်ကြီး၏ မေးခွန်းထဲတွင် System Breakdown အကြောင်း အကြောင်းများ ပါရှိပါကြောင်း၊ အမှန်တကယ် System Breakdown လွှတ်တော်ကိုယ်စားလှယ်ကြီး သုံးစွဲသွားသည်မှာ သုံးကြိမ်ပါခဲ့ခြင်း ဖြစ်သော်လည်း စစ်မှန်သည့် System Breakdown က တစ်ကြိမ်ဖြစ်ပါကြောင်း၊ ကျန်တာရောပြီး သုံးစွဲသည့်အတွက်ကြောင့် ဖြစ်ပါကြောင်း၊ System Breakdown များ မည်သည့်အတွက်ကြောင့် ဖြစ်ရသနည်း ဆိုသည်ကို ရှင်းပြလိုပါကြောင်း၊ ၄-၃-၂၀၁၉ ရက်နေ့တွင် ၂၃၀ ကေဗွီလိုင်း မာန်စံ-ရွှေဆာရံလိုင်း တိုင်နံပါတ် ၇၈ နှင့် ၇၉ ကြား လက်နက်ကြီး ကျည်များထိမှန်ပြီး ၂၃၀ ကေဗွီလိုင်းကြိုးကြီး ပျက်ကျသွားခဲ့ပါကြောင်း၊ ထိုအခါ လျှပ်စစ်ရွှေလီ ဓာတ်အားပေးစက်ရုံ၏ မဂ္ဂါဝပ် ၄၀၀ ဓာတ်အားစနစ်ထဲက ထုတ်လုပ်နိုင်မှု လျော့ကျသလို ကျန်သည့်ဓာတ်အားပေး စက်ရုံများကလည်း ရပ်တန့်သွားခဲ့ခြင်း ဖြစ်ပါကြောင်း၊ အဆိုပါ ဓာတ်အားလိုင်းကို တိုက်ပွဲများကြားထဲတွင် ပြည်သူများလျှပ်စစ်ဓာတ်အား ရရှိနိုင်ရန် ဝန်ထမ်းများ ပြင်ဆင်နေသည့် မှတ်တမ်းဓာတ်ပုံဖြစ်ပါကြောင်း၊ ၁၅-၃-၂၀၁၉ တွင် ၆၆ ကေဗွီ ပုဏ္ဏားကျွန်း-ကျောက်တော် ဓာတ်အားလိုင်း အလားတူ လက်နက်ကြီး ကျည်ဆံထိမှန်ပြီး လိုင်းကြိုးများ ကွာလွန်းနေသည့် ပုံဖြစ်ပါကြောင်း၊

အဆိုပါ ဓာတ်အားလိုင်းကို ပြန်လည်ပြုပြင်နေသည့် မှတ်တမ်းဓာတ်ပုံ ဖြစ်ပါကြောင်း၊ ၁၉-၃-၂၀၁၉ တွင် ၂၃၀ ကေဗွီ မြင်းခြံ-သပြေဝ ဓာတ်အားလိုင်း၏ တိုင်နံပါတ် ၇၀ နှင့် ၇၁ ကြား တောမီးလောင်ပြီး အဆိုပါမီးများ၏ မီးခိုးများသည် လိုင်းကြိုးကိုဟပ်သည့်အတွက်ကြောင့် ဓာတ်အားလိုင်း Traffic ဖြစ်ပြီး ဓာတ်အားပေးစက်များ System ထဲကနေထွက်သွားသည့်အခါ ပြည်သူများမီးပျက်သည့် ပြဿနာများ ကြုံတွေ့ရခြင်း ဖြစ်ပါကြောင်း၊ ၉-၄-၂၀၁၉ ရက်နေ့တွင် ၂၃၀ ကေဗွီ သာစည်-သပြေဝလိုင်း တိုင်နံပါတ် ၂၅ နှင့် ၂၆ ကြား အောက်တွင်လည်း အလားတူတောမီးလောင်သည့် အတွက်ကြောင့် ဓာတ်အားလိုင်း အပြစ်ဖြစ်ပေါ်ပြီး ယာယီအပြစ်ဖြစ်ပေါ်၍ ဓာတ်အားများ ပျက်တောက်ခဲ့သည့် ဖြစ်စဉ်များ ဖြစ်ပေါ်ခဲ့ပါကြောင်း၊ ၁၁-၄-၂၀၁၉ ရက်နေ့တွင် ၂၃၀ ကေဗွီ သပြေဝ-တောင်တွင်းကြီး ဓာတ်အားလိုင်း တိုင်နံပါတ် ၁၀၇ တွင်ရှိသည့် ကြွေသီးတွင် Flack Over ဖြစ်ပေါ်ခဲ့ပြီး အပြစ်ဖြစ်ပေါ် ခဲ့ပါကြောင်း၊ ပြည်သူများလျှပ်စစ်ဓာတ်အား ပြန်ရရှိရန်အတွက် မိမိတို့ ဝန်ထမ်းများက မီးသုံးစွဲမှု အနည်းဆုံးအချိန်ဖြစ်သည့် ညသန်းခေါင်တွင် တက်ရောက်ပြုပြင်နေသည့် မှတ်တမ်းဓာတ်ပုံ ဖြစ်ပါကြောင်း၊ ၁၂-၄-၂၀၁၉ ရက်နေ့ တွင် ၂၃၀ ကေဗွီလိုင်း သပြေဝ-တောင်တွင်းကြီး ဓာတ်အားလိုင်း၏ တိုင်အမှတ် ၁၂၄ ကြွေသီးတွဲပေါ်  ဆောင်းခိုငှက်များ၏ ငှက်ချေးများကို စစ်ဆေးတွေ့ရှိခဲ့သည့် အနေအထားဖြစ်ပါကြောင်း၊ အဆိုပါ အနေအထားများကို ပြန်လည်ပြုပြင်သည့်အခါ ဓာတ်အားသုံးစွဲမှု အနည်းဆုံးအချိန် ပြည်သူများထိခိုက်မှု အနည်းဆုံးဖြစ်အောင် ညသန်းခေါင်ကြီးကျမှ ဝန်ထမ်းများက တက်ရောက်ပြီး ဆေးကြောသုတ်သင် နေသည့်အချိန် ဖြစ်ပါကြောင်း၊ ၁၈-၄-၂၀၁၉ ရက်နေ့တွင် ၆၆ ကေဗွီ ပုဏ္ဏားကျွန်း-ကျောက်တော် ဓာတ်အားလိုင်း နောက်တစ်ကြိမ် လက်နက်ကြီးထိမှန်ပြီး ကြိုးလွန်းများကွာသည့် မှတ်တမ်းဓာတ်ပုံ ဖြစ်ပါကြောင်း၊ ပြန်လည်ပြုပြင်နေသည့် မှတ်တမ်းဓာတ်ပုံကို တင်ပြထားခြင်း ဖြစ်ပါကြောင်း၊ အဆိုပါ ပုံက ၂၄-၄-၂၀၁၉ ရက်နေ့တွင် ၂၃၀ ကေဗွီ သပြေဝ-တောင်တွင်းကြီး ဓာတ်အားလိုင်း တိုင်နံပါတ် ၁၁ Tent ion Coat တွင် သာမန် Imager နှင့် အပူချိန်ကို သွားတိုင်းသည့်အခါ Over heat ဖြစ်နေသည့် အချိန်ဖြစ်ပါကြောင်း၊ ပြည်သူများ လျှပ်စစ်ဓာတ်အား အများကြီးသုံးသည့်အခါ Over Load  ဖြစ်နေသည့် အနေအထားဖြစ်ပါကြောင်း၊

အဆိုပါ Connection ကိုလည်း ပြန်လည်ပြုပြင်ရေးလုပ်ငန်းကို ညသန်းခေါင်တွင် ပြည်သူများ မီးသုံးစွဲမှု အနည်းဆုံးအချိန်မှာမှ မိမိတို့ဝန်ထမ်းများ အလုပ်လုပ်ပြီး ဆောင်ရွက်နေရခြင်းကို တင်ပြထားခြင်း ဖြစ်ပါကြောင်း၊ ၂၅-၄-၂၀၁၉ ရက်နေ့ကလည်း System Breakdown ဟု ထည့်ပြီးပြောလိုက်သည့် အထဲတွင် ပါသွားသည့်အချက် ဖြစ်ပါကြောင်း၊ တကယ်တမ်းက System Breakdown မဖြစ်ပါကြောင်း၊ ၂၃၀ ကေဗွီ သပြေဝ-သာယာကုန်း-ကမာနက်  တိုင်အမှတ် ၂၅၄ တွင် လေဖြင့် လွင့်ပါလာသည့် ပလတ်စတစ်စ ရစ်ပတ်ပြီး လိုင်းအပြစ်ဖြစ်ပေါ်မှု ဖြစ်ပွားခဲ့ပါကြောင်း၊ ထို့ကြောင့် လောပိတကနေလာသည့် ဓာတ်အားများ ပြတ်တောက်သွားခဲ့ပြီး ရန်ကုန်မြို့တွင် မီးများ ပြတ်တောက်ခဲ့ရခြင်း ဖြစ်ပါကြောင်း၊ အဆိုပါ ပလတ်စတစ်စကို နေ့အချိန်တွင် စစ်ဆေးတွေ့ရှိနိုင် သော်လည်း ထပ်ပိတ်ပြီးပြင်နေလျှင် ပိုကြာမည် ဖြစ်သည့်အတွက်ကြောင့် နောက်တစ်ကြိမ် အလို အလျောက် ဓာတ်အားပြတ်တောက်သွားမှု ဖြစ်နိုင်ခြေ Risk ကို ခံစားပြီး ညအချိန်ကျမှ ပလတ်စတစ်စကို တတ်ပြီးရှင်းလင်းနေသည့်ပုံကို တင်ပြထားခြင်းဖြစ်ပါကြောင်း၊ ၂၆-၄-၂၀၁၉ ရက်နေ့တွင် ၂၃၀ ကေဗွီ မြင်းခြံ-သပြေဝ ဓာတ်အားလိုင်းအောက်တွင် မီးရှို့ပြီး တောကောင် လိုက်သည့် သူများကြောင့် တောမီးလောင်ပြီး ဓာတ်အားလိုင်းအပြစ် ဖြစ်ပေါ်ခဲ့ခြင်း ဖြစ်ပါကြောင်း၊

ထိုအချိန်တွင် ၎င်းဓာတ်အားလိုင်းများ၏ ကိစ္စများကိုလိုက်ပြီး ပြုပြင်နေရသော ဝန်ထမ်းတစ်ယောက်၏ ရေးသားထားသည့် အချက်ကို တင်ပြထားခြင်း ဖြစ်ပါကြောင်း၊ ယခုလိုမီးများ ပြတ်တောက် သွားမည့်ကိစ္စကို ၎င်းတို့ကြောက်ပြီး မီးများလိုက်ငြှိမ်းနေရသလို အမှောင်ထဲတွင် မြွေအန္တရာယ်များ၊ ကြောက်လန့်စွာဖြင့် Aliment က ဝန်ထမ်းများသည် လုပ်ကိုင်ဆောင်ရွက်ပေးနေခြင်း ဖြစ်ပါကြောင်း၊ တင်ပြသွားသ့် အချက်များအရ ပြန်လည်ရှင်းလင်းတင်ပြ သုံးသပ်လိုသည်မှာ ပြည်သူများ လျှပ်စစ်ဓာတ်အား ရရှိနိုင်ရန်အတွက် မိမိတို့ လျှပ်စစ်နှင့်စွမ်းအင်ဝန်ကြီးဌာနက အတတ်နိုင်ဆုံး၊ အကောင်းဆုံး အခြေအနေများ ရရှိအောင် အထူးကြိုးပမ်း စီစဉ်ဆောင်ရွက် ပေးလျက်ရှိပါကြောင်း၊ သို့သော်ငြားလည်း ဆည်ရေများ ကျဆင်းသွားပြီးသည့် အခြေအနေကို ရောက်ရှိလာပြီဖြစ်သည့် အတွက်ကြောင့် ယခုနွေရာသီကာလတွင် မျှတခွဲဝေသုံးစွဲသည့် အစီအစဉ်ဖြင့် ပြည်သူများကို လျှပ်စစ်ပေးလျက်ရှိပါကြောင်း၊ လျှပ်စစ်ဓာတ်အားပြတ်တောက်မှု အနည်းဆုံးဖြစ်အောင် မိမိတို့ ဝန်ကြီးဌာနအနေဖြင့် အစဉ်တစိုက် ကြိုးပမ်းဆောင်ရွက်လျက် ရှိပါကြောင်း ရှင်းလင်းဖြေကြားပါသည်။

ဦးနေမျိုးထက် (ကျောက်တံတားမဲဆန္ဒနယ်) က ဆက်စပ်မေးခွန်း မေးမြန်းပါသည်။

မိမိတို့ အိမ်နီးနားချင်း လာအို၊ ကမ္ဘောဒီးယား၊ ထိုင်းနိုင်ငံများတွင်လည်း မိမိတို့ကဲ့သို့ ယခုလို ပြဿနာများ ကြုံတွေ့နေရသော်လည်း မီးပြတ်တောက်မှုသည် မိမိတို့ထက် နည်းပါကြောင်း၊ ဝန်ကြီးတင်ပြသွားသည့်အထဲတွင် ရေအားလျှပ်စစ်ကြောင့် ဓာတ်အားမထုတ်လုပ် နိုင်ဘူးဆိုခြင်းက တစ်ချက်၊ ဓာတ်အားထုတ်လုပ်မှု နောက်တစ်ချက်က Transitation ၏ တောမီးလောင်ခြင်းက တစ်ကြောင်း၊ နောက် Destitution ကြောင့်ပြတ်ခြင်းများလည်း  အများကြီးတွေ့ရပါကြောင်း၊ ထို့ကြောင့် ယခုနွေရာသီဆိုတာ နှစ်တိုင်းနှစ်တိုင်း ပြဿနာများ ကြုံတွေ့နေရခြင်းဖြစ်ပါကြောင်း၊ အခုလက်ရှိခေတ်ကာလတွင် မီးအားရှိမှ စီးပွားရေးလည်တိုးတက်မည် လူမှုဘဝလည်း ဖူလုံမည်ဖြစ်သည့်အတွက် ပြည်သူများသည် မီးပြတ်တောက်မှုကို မလိုလားခြင်းကြောင့် ပြည်သူများဆန္ဒ၊ ပြည်သူများ၏ မီးမှန်မှုကိုရရှိအောင် မီးဌာနအနေဖြင့် ၂၀၂၀ နွေရာသီတွင်လည်း ဓာတ်အားထုတ်လုပ်မှုများကို တိုးမြှင်‌့ပြီး ရေအားဖြင့်မရလျှင် အခြားနည်းဖြင့် တစ်နှစ်အတွင်းအရန် ပမာဏအထိရအောင် မည်ကဲ့သို့ပြုလုပ်ပေးမည်နည်း၊  ယခုကဲ့သို့ လိုင်းပြဿနာများကိုလည်း မဖြစ်အောင်၊ မည်ကဲ့သို့ကာကွယ်လုပ်ပေးမည်နည်းဆိုသည့် အစီအစဉ်များကို သိရှိလိုပါသဖြင့် ထပ်ဆင်‌့မေးခွန်း မေးမြန်းပါသည်။

လျှပ်စစ်နှင်‌့စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

အခြားနိုင်ငံများတွင် လျှပ်စစ်ဓာတ်အား မပြတ်တောက်ဘူးဆိုတာ မဟုတ်ပါကြောင်း၊ စက်ကာပူနိုင်ငံတွင် လျှပ်စစ်ဓာတ်အား ပြတ်တောက်သွားသည့်အချိန်မှာ မိမိတို့ကဲ့သို့ နာရီပိုင်း အတွင်းပြန်မရဘဲ ရက်ရှည်ကြာပါကြောင်း၊ အမေရိကန်နိုင်ငံတွင် ဓာတ်အားပြတ်တောက်သွားသည့် အချိန် နှစ်ပတ်ကြာပါကြောင်း၊ မိမိတို့နိုင်ငံတွင် လျှပ်စစ်ဓာတ်အားပြတ်တောက်မှု ဖြစ်ပေါ်သည့်အချိန်တွင် မည့်သည့်ရက်မဆို တစ်ရက်အတွင်း နာရီပိုင်းနှင်‌့နှစ်နာ၊ သုံးနာရီအတွင်း ပြန်ရသည့်ကိစ္စကို မိမိတို့ကြိုးပမ်းဆောင်ရွက်နိုင်ပါကြောင်း၊ အခြားနိုင်ငံများတွင် လျှပ်စစ်ဓာတ်အား ပြတ်တောက်မှု နည်းသည်ဆိုသည့်အချိန်တွင် အခြားနိုင်ငံများ၏ လျှပ်စစ်ဓာတ်အားကဏ္ဍတွင် ဘတ်ဂျက်သုံးစွဲခွင်‌့ ရရှိသည့်ပမာဏနှင်‌့ မြန်မာနိုင်ငံ၏ လျှပ်စစ်ဓာတ်အားကဏ္ဍတွင် ဘတ်ဂျက်သုံးစွဲခွင့် ရရှိမှုပမာဏကိုပါ နှိုင်းယှဉ်တင်ပြစေလိုပါကြောင်း၊ လျှပ်စစ်ဓာတ်အား ပြတ်တောက်ရန် မဖြစ်ဖို့မည်ကဲ့သို့စီမံဆောင်ရွက်မည်နည်းဆိုလျှင် လျှပ်စစ်နှင်‌့စွမ်းအင်ဝန်ကြီးဌာနက နှစ်စဉ်တင်ပြတောင်းခံသည့် ဘတ်ဂျက်ပမာဏများ အားလုံးကို ခွင့်ပြုပေးရန်လည်း  လိုအပ်သည်ဆိုသည်ကိုလည်း တင်ပြလိုပါကြောင်း၊ လျှပ်စစ်ဓာတ်အား ထုတ်လုပ်ခြင်း ကဏ္ဍသည် ယခု ရေတွင်းတူး အခုရေကြည်သောက်၍မရသည့် ကိစ္စရပ်မျိုးဖြစ်ပါကြောင်း၊ ရေအားလျှပ်စစ် ဓာတ်အားပေးစက်ရုံများကို တည်ဆောက်မည်ဆိုလျှင် စီမံကိန်းချပြီး ဆောင်ရွက်ခြင်းနှင့်  ခုနစ်နှစ်၊ ရှစ်နှစ်ကြာအောင် ဆောင်ရွက်ရခြင်း ဖြစ်ပါကြောင်း၊ အဆိုပါ ခုနစ်နှစ်၊ ရှစ်နှစ်ကြာအောင် ဆောင်ရွက်သည့် အချိန်တွင် တစ်နှစ်တာ ထိုကာလသတ်မှတ် လုပ်ငန်းများကို ဆောင်ရွက်ရန်အတွက် လိုအပ်သည့် ဘတ်ဂျက်ကို ခွင့်မပြုသည်နှင့် တစ်ပြိုင်နက် ထိုစီမံကိန်း၏ ပြီးစီးရမည့်ကာလမှာ နောက်ထပ်တစ်နှစ်ကို နောက်ကိုအလိုအလျောက် ရွေ့သွားခြင်းဖြစ်ပါကြောင်း၊ စီမံကိန်းကာလ ရှစ်နှစ်ကာလအတွင်း တစ်နှစ်တာ ခြေချော်လက်ချော်တင်မကဘူး နှစ်နှစ်၊ သုံးနှစ်၊ လေးနှစ်ဆက်တိုက်များ ဖြစ်ပေါ်သွားမည်ဆိုလျှင် ဝန်ကြီးဌာန၏ ဓာတ်အားလိုအပ်ချက်ကို ဖြည့်ဆည်းမည့် စီမံကိန်များ အောင်မြင်ပြီးစီးမှု ပျက်ပြယ်သွားမည် ဖြစ်ပါကြောင်း၊ ထိုအခါ ဝန်ကြီးဌာနက ဆောင်ရွက်ပေးနိုင်မှု မရှိခြင်းလားဆိုသည့် ပြည်သူများဘက်က မေးခွန်းများကို ယခုကဲ့သို့ မေးမြန်းလာမည် ဖြစ်ပါကြောင်း၊ ထို့်ကြောင့် ဝန်ကြီးဌာန၏ Plan များအားလုံး အောင်မြင်ရန်ဆိုသည်မှာ ဝန်ကြီးဌာန၏ လိုအပ်ချက်အားလုံး ရရှိမည်ဆိုလျှင် ထိုကဲ့သို့ ဆောင်ရွက်ပေးနိုင်မှုကိုလည်း တစ်နှစ်တာတည်း ဆောင်ရွက်နိုင်၍ မရဘဲ မြန်မာနိုင်ငံ၏ လက်ရှိလျှပ်စစ် အခြေအနေအရ ငါးနှစ်၊ ၁၀ နှစ်ဆက်တိုက် ကြိုးပမ်းဆောင်ရွက်သွားမှ ပြေလည်မည် ဖြစ်ပါကြောင်း ရှင်းလင်း ဖြေကြားပါသည်။

လျှပ်စစ်နှင့် စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့်စွမ်းအင်

Source:  https://www.pyithuhluttaw.gov.mm/question-3751