MOEE

လဲချားမြို့နယ်၊ အမှတ်(၄)ရပ်ကွက်အတွင်းရှိ လျှပ်စစ်ဓာတ်အားခွဲရုံတည်ဆောက်ရန် သိမ်း ဆည်းခဲ့သော မြေ ၂.၅ ဧကအား မြို့နယ်လူမှုဖွံ့ဖြိုးရေးကိစ္စရပ်များတွင် အသုံးပြုနိုင်ရေး အတွက် ပြန်လည်စွန့်လွှတ်ပေးရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း

ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ လဲချားမြို့နယ်၊ အမှတ်(၄) ရပ်ကွက်အတွင်းရှိ လျှပ်စစ်စွမ်းအင်ဝန်ကြီးဌာနမှ (၆၆) ကေဗွီအေ လျှပ်စစ်ဓာတ်အားခွဲရုံ(၁) ရုံ တည်ဆောက်ရန် အတွက် ဧရိယာအကျယ်အဝန်း (၂.၅၀) ဧက ရှိသော မြေကွက်အား သိမ်းယူခဲ့သော်လည်း ၎င်းနေရာတွင် ဓာတ်အားခွဲရုံကို မတည်ဆောက်ဖြစ်ဘဲ လက်ရှိ တည်ဆောက်ထားသော ဧရိယာ အကျယ် (၅.၅၀) ဧက မြေကွက်ပေါ်တွင် ပြောင်းရွှေ့တည်ဆောက်ခဲ့ပါကြောင်း၊ မူလမြေကွက် အား ဓာတ်အားခွဲရုံအဖြစ် ဌာနမှအသုံးပြုခြင်းမရှိပါက ပြန်လည်စွန့်လွှတ်ပေးမည်ဟု ပြည်သူ လူထုအား ကတိပေးခဲ့သော်လည်း ယနေ့တိုင် ပြန်လည်စွန့်လွှတ်ခြင်း မရှိသေးကြောင်း၊ လဲချား မြို့လျှပ်စစ်ဌာနအနေဖြင့် ယခုလျှပ်စစ်ဓာတ်အားခွဲရုံနေရာ ၅.၅၀ ဧက၊ လျှပ်စစ်ဝန်ထမ်း အိမ်ရာ ၃.၈၂ ဧက၊ မြို့နယ်လျှပ်စစ်အင်ဂျင်နီယာရုံး ၀.၉၅ ဧက၊ ယခုလျှပ်စစ် ဓာတ်အားခွဲရုံ မတည်ဆောက်ဖြစ်သောမြေနေရာ ၂.၅၀ ဧက စုစုပေါင်းမြေဧက ၁၂.၇၇ ဧကကို ရရှိထားပါ ကြောင်း၊ ယခု လက်ရှိမြို့နယ်အားကစားကွင်းမှာ အားကစားရုံတည်ဆောက်ရန် မြေနေရာလုံလောက်ခြင်းမရှိသည့်အတွက် ဖော်ပြပါမြေကွက်အား ပြန်လည်စွန့်လွှတ်ပေးပါက လဲချား မြို့နယ် လူငယ်များအတွက် များစွာအကျိုးရှိမည်ဖြစ်ပါကြောင်း၊ထို့ကြောင့် လဲချားမြို့နယ် အမှတ်(၄)ရပ်ကွက် အတွင်းရှိ လျှပ်စစ်စွမ်းအင်ဝန်ကြီးဌာနမှ လျှပ်စစ်ဓာတ်အားခွဲရုံ တည်ဆောက်ရန်အတွက် ယခင်က သိမ်းဆည်းခဲ့သော ဧရိယာ ၂.၅၀ ဧကရှိ မြေနေရာအား မြို့နယ်လူငယ်ဖွံ့ဖြိုးရေးကိစ္စရပ်များတွင် အသုံးပြုနိုင်ရန်အတွက် ပြန်လည်စွန့်လွှတ်ပေးနိုင်ခြင်း ရှိ/မရှိကို သိလိုပါကြောင်း မေးမြန်းပါသည်။

လွိုင်လင်ခရိုင်၊ လဲချားမြို့နယ်၊ အမှတ်(၄) ရပ်ကွက် ၊ ကွင်းအမှတ်(၁၆)၊ မင်္ဂလာကွက် သစ်ကွင်း၊ ဦးပိုင်အမှတ်(၁၈၄) မြေဧရိယာ ၂.၅၀ ဧကအနက်မှ ၀.၅၁၆ ဧကပေါ်တွင် စက်သုံးဆီ အရောင်းဆိုင်နှင့် စားသောက်ကုန်ရောင်းဝယ် ဖြန့်ဖြူးရေးဆိုင် ဖွင့်လှစ်လိုပါသဖြင့် မြေအသုံးချ ခွင့်ပေးပါရန် ဦးစိုင်းဥက္ကာ၊ လဲချားမြို့၊ ရပ်ကွက်(၂)နေသူမှ လျှောက်ထားလာသဖြင့် ရှမ်းပြည်နယ် အစိုးရအဖွဲ့က ၃-၁-၂၀၁၇ ရက်နေ့တွင် ကျင်းပပြုလုပ်သော ရှမ်းပြည်နယ် အစိုးရအဖွဲ့ ပုံမှန် အစည်းအဝေး အမှတ်စဉ်(၁-၁/၂၀၁၇) ဆုံးဖြတ်ချက်အပိုဒ် ၅ (ဇ) အရ စက်သုံးဆီ အရောင်းဆိုင်ဖွင့်လှစ်ရန် လျှောက်ထားလာခြင်းကို ခွင့်မပြုကြောင်း ကာယကံရှင်ထံ အသိပေး အကြောင်းကြားထားသည်ဟု သိရှိရပါကြောင်း၊အဆိုပါ မြေဧရိ ယာ ၂.၅၀ ဧကအား ဌာနက နှစ်(၃၀)ဂရန် လျောက်ထားပြီးဖြစ်ပါကြောင်း၊ ၆၆/၁၁ ကေဗွီ နမ့်စန်-လွိုင်လင်-လဲချား-မိုင်းကိုင် ဓာတ်အားလိုင်းဖြင့် စုစုပေါင်း ၆၈.၈ မိုင် ကွာဝေးသော လွိုင်လင်-လဲချား-မိုင်းကိုင်-မိုင်းနောင်-မိုင်းရှူး-ကျေးသီးမြို့များကို စဉ်ဆက် မပြတ် လျှပ်စစ် ဓာတ်အားပေးလျက်ရှိပြီး အဆိုပါ ဓာတ်အားလိုင်းမှာ ဒေသနေပြည်သူများ အတွက် အရေးကြီးသော ဓာတ်အားလိုင်းဖြစ်သကဲ့သို့ နောင်တွင်လည်း လျှပ်စစ်ဓာတ်အား သုံးစွဲလာသူ များပြားလာမည်ဖြစ်ရာ အဆိုပါ ၆၆/၁၁ ကေဗွီ ဓာတ်အားလိုင်းထိန်းသိမ်းပြုပြင် နိုင်ရန်အတွက် မဟာဓာတ်အားလိုင်းပြုပြင်ထိန်းသိမ်းရေး စခန်းခွဲရုံးတည်ဆောက်ရန် လိုအပ်လျက်ရှိပါကြောင်း၊လက်ရှိ အဆိုပါစခန်းခွဲရုံးကို တည်ဆောက် ပြီးချိန်တွင် ဓာတ်အားလိုင်းပြုပြင် ထိန်းသိမ်း ရန်အတွက် လိုအပ်သော ကျောက်တိုင်၊ ဓာတ်ကြိုး၊ ကြွေသီး၊ အရန်ပစ္စည်းများထားရှိရန် စတိုရုံးများလည်း ဆက်လက်တည်ဆောက်ပြီး ဓာတ်အား လိုင်းထိန်းသိမ်းရေး စခန်းခွဲမှာ တာဝန်ထမ်းဆောင်မည့် ဝန်ထမ်းများအတွက် ဝန်ထမ်းအိမ်ရာ များလည်း ဆက်လက် တည်ဆောက်သွားရမည် ဖြစ်ပါကြောင်း၊ လက်ရှိအခြေအနေတွင် ဌာနအနေဖြင့်ရရှိသည့် ဘတ်ဂျက်ပေါ် မူတည်ပြီး ဦးစားပေးတည်ဆောက်ရသော နေရာများတွင် တည်ဆောက် နေသည့်အတွက် လက်ရှိနေရာတွင် လိုအပ်သည့် မဟာဓာတ်အားလိုင်း ထိန်းသိမ်းရေးစခန်းခွဲရုံးကို တည်ဆောက်နိုင်ခြင်းမရှိသေးသော်လည်း ထိုဒေသနေပြည်သူများ အတွက် လျှပ်စစ်ဓာတ်အားလိုင်းပြုပြင်ထိန်းသိမ်းရန် စခန်းခွဲရုံးများတည်ဆောက်ရန် လိုအပ်ပါ သောကြောင့် အဆိုပါမြေနေရာအား ဝန်ကြီးဌာနက ပြန်လည်စွန့်လွှတ်ပေးနိုင်ခြင်း မရှိပါ ကြောင်း ပြန်လည်ဖြေကြားပါသည်။

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့်စွမ်းအင်

https://www.pyithuhluttaw.gov.mm/question-4044

19-Sep-2019

« PREV NEXT »

The Republic of the union of myanmar

Ministry Of Electricity And Energy

Total visitors

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors