MOEE

လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင် ပဲခူးတိုင်းဒေသကြီး၊ ဖြူးမြို့နယ်ရှိ ဖြူးချောင်းရေအားလျှပ်စစ်ဓာတ်အားပေးစက်ရုံသို့ သွားရောက်ကြည့်ရှုစစ်ဆေး

၂၀၁၉ ခုနှစ် စက်တင်ဘာလ ၂၉ ရက်

လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်သည် ဌာနဆိုင်ရာတာဝန်ရှိသူများ လိုက်ပါလျက် ၂၀၁၉ ခုနှစ် စက်တင်ဘာလ ၂၉ ရက်နေ့ နံနက်ပိုင်းတွင် ပဲခူးတိုင်းဒေသကြီး၊ ဖြူးမြို့နယ်၊ ဖြူးမြို့၏ အနောက်တောင်ဘက် (၇) မိုင်ခန့်အကွာ ဖြူးချောင်းပေါ်တွင် တည်ဆောက်ထားသည့် ဖြူးချောင်းရေအား လျှပ်စစ်ဓာတ်အားပေးစက်ရုံသို့ သွားရောက်ကြည့်ရှုစစ်ဆေးခဲ့ပါသည်။

ရှေးဦးစွာ ဒုတိယဝန်ကြီးသည် ဓာတ်အားပေးစက်ရုံရှိ ချို့ယွင်းသွားသော စက်အမှတ်(၁)၏ ပြုပြင်ဆောင်ရွက်လျက်ရှိသည့် အခြေအနေအား ကြည့်ရှုစစ်ဆေးရာ ဓာတ်အားပေးစက်ရုံမှူးနှင့် တာဝန်ရှိသူများက ချို့ယွင်းသွားသော ဓာတ်အားပေးစက်၏ အစိတ်အပိုင်းများနှင့် လဲလှယ်ဆောင်ရွက်နေမှု အခြေအနေများအား ရှင်းလင်းတင်ပြ ကြပါသည်။ ရှင်းလင်းတင်ပြမှုအပေါ် ဒုတိယဝန်ကြီးက ဓာတ်အားပေးစက်များ ကြံ့ခိုင် ကောင်းမွန်စေရေး စဉ်ဆက်မပြတ် စစ်ဆေးဆောင်ရွက်သွားရန်၊ လျှပ်စစ်အန္တရာယ် ကင်းရှင်းရေးနှင့် ဓာတ်အားပြည့်ပြည့်ဝဝ ထုတ်လုပ်နိုင်ရေး အလေးထားဆောင်ရွက် ကြရန်၊ စက်ရုံရေရှည်တည်တံ့ခိုင်မြဲရေးအတွက် အားလုံးဝိုင်းဝန်းကြိုးပမ်းဆောင်ရွက် သွားကြရန်၊ ချို့ယွင်းမှု ဖြစ်ပေါ်ခဲ့သော ဓာတ်အားပေးစက်စိတ်အပိုင်းများအား လဲလှယ်ဆောင်ရွက်ရာ၌ သတ်မှတ် စံချိန်စံညွှန်းများနှင့်အညီ စနစ်တကျ လဲလှယ် ဆောင်ရွက်သွားကြရန်နှင့်လုပ်ငန်းခွင်အန္တရာယ်ကင်းရှင်းရေးအတွက် အထူးအလေးထား ဆောင်ရွက် သွားကြရန် မှာကြားခဲ့ပါသည်။

ဖြူးချောင်းရေအားလျှပ်စစ်ဓာတ်အားပေးစက်ရုံသည် ဖြူးချောင်းပေါ်တွင် တည်ဆောက်ထားပြီး ၂၀ မဂ္ဂါဝပ် ထွက်ရှိသော ဖရန်စစ်တာဘိုင်အမျိုးအစား ၂ လုံးဖြင့် စုစုပေါင်းတပ်ဆင်အင်အား ၄၀ မဂ္ဂါဝပ်ရှိသော ဓာတ်အားပေးစက်ရုံ ဖြစ်ပါသည်။ ၂၀၁၉ ခုနှစ် သြဂုတ်လ ၂၃ ရက်နေ့တွင် ဓာတ်အားပေးစက်အမှတ် ၁ ၏ Stator Winding ချို့ယွင်းမှု ဖြစ်ပေါ်ခဲ့ပြီး စက်အမှတ် ၁ အား ရပ်တန့်ခဲ့ရပါသည်။ ချို့ယွင်းသွားသော စက်ပစ္စည်းအစိတ်အပိုင်းများအား ဌာနမှ ကျွမ်းကျင်ဝန်ထမ်းများ စုပေါင်း၍ စနစ်တကျ လဲလှယ်တပ်ဆင်နိုင်ရေး စီစဉ်ဆောင်ရွက်လျက်ရှိပြီး ဓာတ်အားပေးစက် အမြန်ပြန်လည် မောင်းနှင်နိုင်ရေး ကြိုးစားဆောင်ရွက်လျက်ရှိပါသည်။ လက်ရှိအချိန်တွင် ဓာတ်အားပေး စက်အမှတ် ၂ မှ နိုင်ငံတော်ဓာတ်အားစနစ်နှင့် ချိတ်ဆက်၍ လျှပ်စစ်ဓာတ်အား ၂၀ မဂ္ဂါဝပ် ဝန်အားပြည့် မောင်းနှင်ဓာတ်အားထုတ်လုပ်လျက် ရှိပါသည်။

Post under by : ဝန်ကြီးရုံး
29-Sep-2019

« PREV NEXT »

The Republic of the union of myanmar

Ministry Of Electricity And Energy

Total visitors

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors