MOEE

MOGE Geological Forum 2018 ကျင်းပပြုလုပ်သည့် သတင်း

MOGE Geological Forum 2018 ကျင်းပပြုလုပ်သည့် သတင်း

နေပြည်တော်၊ ၂၀၁၈ ခုနှစ်၊ မတ်လ ( ၁၅ ) ရက်

လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံနှင့်သဘာဝဓာတ်ငွေ့လုပ်ငန်းမှ ကြီးမှူးပြီး ကုန်းတွင်းနှင့် ကမ်းလွန်လုပ်ကွက်များ၌ ရေနံနှင့်သဘာဝဓာတ်ငွေ့ရှာဖွေထုတ်လုပ်ရေးလုပ်ငန်းများ ကို အကျိုးတူ ပူးပေါင်းဆောင်ရွက်လျက်ရှိသော Total E & P , PETRONAS , PTTEP ကုမ္ပဏီ များနှင့်ပူးပေါင်း၍ MOGE Geological Forum 2018 အခမ်းအနားကို ၂၀၁၈ ခုနှစ်၊ မတ်လ ၁၅ ရက်နေ့ နံနက်ပိုင်းတွင် မင်္ဂလာသီရိ ဟိုတယ်၊ နေပြည်တော်၌ ကျင်းပပြုလုပ်ခဲ့ပါသည်။

အဆိုပါ အခမ်းအနားသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုတိယဝန်ကြီး ဒေါက်တာထွန်းနိုင်၊ ဌာနဆိုင်ရာ အကြီးအကဲများ ၊ ပြည်တွင်းပြည်ပမှ ရေနံဘူမိဗေဒဆိုင်ရာပညာရှင်များ၊ ရေနံအင်ဂျင်နီယာများ၊ ဆက်စပ်ကဏ္ဍများမှ ပညာရှင်များ၊ ပြည်ပရေနံ ကုမ္ပဏီများမှ ပုဂ္ဂိုလ်များနှင့် တက္ကသိုလ်/ ကောလိပ်များမှ ပညာရှင်များ ဖိတ်ကြား ထားသူများ တက်ရောက်ကြပါသည်။

ယင်း အခမ်းအနားတွင် ပြည်ထောင်စုဝန်ကြီးက အဖွင့်အမှာစကားပြောကြားရာ၌ မြန်မာ့ ရေနံနှင့်သဘာဝဓာတ်ငွေ့လုပ်ငန်းက ဦးဆောင်ကျင်းပသည့် ဤ Forum မှာ မြန်မာနိုင်ငံ ရေနံဘူမိ ဗေဒကဏ္ဍတွင် “ New Concepts , New Technologies , New Discoveries” Themes ဖြင့် ဆွေးနွေးတင်ပြကြမှာ ဖြစ်ကြောင်း၊ အဓိက ဆွေးနွေးမည့် ခေါင်းစဉ်များမှာ General and Regional Framework Geology ၊ Hydrocarbon Assessment of Myanmar Onshore & Offshore Basins များဖြစ်ကြောင်း၊ ရေနံရှာဖွေရေးလုပ်ငန်းမှာ Geosciences ဘာသာရပ်က အဓိက အခန်းကဏ္ဍတွင် ပါဝင်နေကြောင်း၊ ယင်း Forum မှ ဘူမိဗေဒဆိုင်ရာ နည်းပညာများ ၊ အသိပညာများ ပြန့်ပွားရေးကို မျှဝေသွားနိုင်မည်ဖြစ်ကြောင်း၊ သုတေသနလုပ်ငန်းများကို ပညာရှင် များနှင့်ချိတ်ဆက်၍ တိုးမြှင့်ဆောင်ရွက်သွားနိုင်မည်ဖြစ်ကြောင်း၊ အပြန်အလှန်ဆွေးနွေးမှုများမှ တစ်ဆင့် မြန်မာ့ရေနံနှင့်သဘာဝဓာတ်ငွေ့လုပ်ငန်းနှင့် ရေနံဘူမိဗေဒ အသိုက်အဝန်းအတွက် အကျိုး ကျေးဇူးများစွာရရှိမည်ဖြစ်ကြောင်း ၊ အစိုးရသစ်အနေဖြင့် ကုန်းတွင်းနှင့် ကမ်းလွန် လုပ်ကွက်များမှ ရေနံနှင့်သဘာဝဓာတ်ငွေ့ ရှာဖွေ၊ တူးဖော်၊ ထုတ်လုပ်ရေးလုပ်ငန်းကို တိုးချဲ့ဆောင်ရွက်ရန် ဦးစားပေးဆောင်ရွက်မည် ဖြစ်ကြောင်း၊ နိုင်ငံ၏စွမ်းအင်ဖူလုံရေးနှင့် ပိုလျှံပါက ဒေသတွင်းနိုင်ငံ များနှင့်မျှဝေသုံးစွဲရန်ဖြစ်ကြောင်း၊ ယင်းဆွေးနွေးပွဲမှ ထွက်ပေါ်လာမည့်ရလဒ်ကောင်းများမှ ရေနံ လုပ်ငန်း၏ လိုအပ်ချက်များ ၊ အကျိုးတူ ပူးပေါင်းဆောင်ရွက်လျက်ရှိသော ပြည်တွင်းပြည်ပ ရေနံ ကုမ္ပဏီများ၏ လိုအပ်ချက်၊ မျှော်လင့်ချက်များကို ဖြည့်ဆည်းပေးနိုင်မည်ဖြစ်ကြောင်း မှတ်ချက် ပြုပြောကြားခဲ့ပါသည်။

အဆိုပါ Forum အား (၁၅-၃-၂၀၁၈)ရက်နှင့် (၁၆-၃-၂၀၁၈)ရက် နေ့လည်ပိုင်းအထိ ကျင်းပပြုလုပ်သွားမည်ဖြစ်ပြီး PANEL Discussion မှ ဆွေးနွေးပွဲ၏ ရလာဒ်များကို စုစည်း သုံးသပ်အဖြေထုတ်သွားရန် စီစဉ်ထားကြောင်း သတင်းရရှိပါသည်။

Post under by : ဝန်ကြီးရုံး
15-Mar-2018

« PREV NEXT »

The Republic of the union of myanmar

Ministry Of Electricity And Energy

Total visitors

MOGE Geological Forum 2018 ကျင်းပပြုလုပ်သည့် သတင်း

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors