ပြည်ထောင်စုသမ္မမြန်မာနိုင်ငံတော်

လျှပ်စစ်နှင့်စွမ်းအင်ဝန်ကြီးဌာန

ကုန်းပိုင်းနှင့်ကမ်းလွန်လစ်လပ်လုပ်ကွက်များတွင်   ရေနံနှင့်သဘာဝဓာတ်ငွေ့ရှာဖွေ၊  တူးဖော်၊ ထုတ်လုပ်ခြင်း လုပ်ငန်းများကို နိုင်ငံခြားရေနံကုမ္ပဏီများနှင့် ရင်းနှီးမြှုပ်နှံပူးပေါင်း ပါဝင် ဆောင်ရွက်ရန်အတွက် စိတ်ဝင်စားသည့်   မြန်မာနိုင်ငံသားပိုင်ကုမ္ပဏီများအား မှတ်ပုံတင်နိုင်ရန် အသိပေးကြေညာခြင်း

၁။     ပြည်ထောင်စုသမ္မတမြန်မာနိုင်ငံတော်အစိုးရ၊ လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ ရေနံနှင့်သဘာဝဓာတ်ငွေ့လုပ်ငန်းသည် ကုန်းပိုင်းနှင့်ကမ်းလွန် လစ်လပ်လုပ်ကွက်များတွင် ရေနံနှင့်သဘာဝဓာတ်ငွေ့ရှာဖွေ၊ တူးဖော်၊ ထုတ်လုပ်ခြင်းလုပ်ငန်းများကို ထုတ်လုပ်မှုအပေါ် ခွဲဝေခံစားရေးစာချုပ်ဖြင့်လည်းကောင်း၊ ရေနံတိုးတက်ထုတ်ယူရရှိရေးစာချုပ်ဖြင့်လည်းကောင်း နိုင်ငံခြားရေနံကုမ္ပဏီများနှင့် အကျိုးတူပူးပေါင်းဆောင်ရွက်ရန် အပြည်ပြည်ဆိုင်ရာ တင်ဒါ ခေါ်ယူ ဆောင်ရွက်မည်ဖြစ် ပါသည်။

၂။     ယင်းသို့ဆောင်ရွက်ရာတွင် နိုင်ငံခြားရေနံကုမ္ပဏီများနှင့်အတူ မြန်မာနိုင်ငံသားပိုင် ကုမ္ပဏီများကိုလည်း ရင်းနှီးမြှုပ်နှံ ပူးပေါင်းပါဝင်ဆောင်ရွက်စေခြင်းဖြင့် ရေနံနှင့်သဘာဝ ဓာတ်ငွေ့ ရှာဖွေ၊ တူးဖော်၊ ထုတ်လုပ်ခြင်း နည်းပညာရပ်များကို လည်းကောင်း၊ နိုင်ငံတကာ ရေနံလုပ်ငန်းအတွေ့အကြုံများကိုလည်းကောင်း၊ ရင်းနှီးမြှုပ်နှံမှုမှ အကျိုးအမြတ် ရရှိစေရေး ကိုလည်းကောင်း ရည်ရွယ်ချက်ထားရှိကာ ရင်းနှီးမြှုပ်နှံ ပူးပေါင်းဆောင်ရွက်စေမည်ဖြစ် ပါသည်။

၃။     နိုင်ငံခြားရေနံကုမ္ပဏီများနှင့်အတူ အစုရှယ်ယာထည့်ဝင် ရင်းနှီးမြှုပ်နှံ ပူးပေါင်းပါဝင် ဆောင်ရွက်ရန် စိတ်ဝင်စားသည့် မြန်မာနိုင်ငံသားပိုင်ကုမ္ပဏီများအနေဖြင့် လျှပ်စစ်နှင့်စွမ်းအင် ဝန်ကြီးဌာနတွင် မှတ်ပုံတင်ထားရှိရန် လိုအပ်ပါသည်။

၄။     သို့ဖြစ်ပါ၍၊ ရေနံနှင့်သဘာဝဓာတ်ငွေ့လုပ်ငန်းနှင့်စပ်လျဉ်း၍ အတွေ့အကြုံရှိသည့်မြန်မာနိုင်ငံသားပိုင်ကုမ္ပဏီများသည် လျှပ်စစ်နှင့်စွမ်းအင်ဝန်ကြီးဌာန၊ ရေနံနှင့်သဘာဝဓာတ်ငွေ့ စီမံရေးဦးစီးဌာနသို့ အချက်အလက်များ ပြည့်စုံစွာဖြင့် လူကိုယ်တိုင် အောက်ပါလိပ်စာသို့ ဆက်သွယ်၍ စာရင်းပေးသွင်း မှတ်ပုံတင်ထားရှိနိုင်ပါကြောင်း အသိပေးကြေညာပါသည်။ မြန်မာနိုင်ငံသားပိုင်ကုမ္ပဏီများအား မှတ်ပုံတင်နိုင်ရန်ပူးတွဲပါ လျှောက်လွှာပုံစံဖြင့် လျှောက်ထား နိုင်ပါသည်။

ညွှန်ကြားရေးမှူးချုပ်

ရေနံနှင့်သဘာဝဓာတ်ငွေ့စီမံရေးဦးစီးဌာန

လျှပ်စစ်နှင့်စွမ်းအင်ဝန်ကြီးဌာန

ရုံးအမှတ် (၆)၊ နေပြည်တော်။

ဖုန်းနံပါတ်-၀၆၇ ၄၁၁၀၄၆ ၊ ၀၆၇ ၄၁၁၃၂၅ ၊ ဖက်စ်အမှတ်-၀၆၇ ၄၁၁၂၁၃

             ပူးတွဲ

သို့

          ညွှန်ကြားရေးမှူးချုပ်

          ရေနံနှင့်သဘာဝဓာတ်ငွေ့စီမံရေးဦးစီးဌာန

          လျှပ်စစ်နှင့်စွမ်းအင်ဝန်ကြီးဌာန

                                                                                                       စာအမှတ်၊

                                                                                                       ရက်စွဲ    ၊    ၂၀      ခုနှစ်၊                 လ၊        ရက်

 အကြောင်းအရာ။      နိုင်ငံခြားရေနံကုမွဏီများနှင့် ပူးပေါင်းဆောင်ရွက်နိုင်ရေးအတွက် မှတ်ပုံတင်ခွင့်ပြုပါရန်လျှောက်ထားခြင်း                   

            ကျွန်တော်/ကျွန်မ ၏ မြန်မာနိုင်ငံသားပိုင်ကုမ္ပဏီသည် ကုန်းပိုင်း/ကမ်းလွန် ရေနံနှင့် သဘာဝဓာတ်ငွေ့လုပ်ကွက်များတွင် ရှာဖွေတူးဖော်ထုတ်လုပ်ခြင်းလုပ်ငန်းများကို နိုင်ငံခြား ရေနံကုမ္ပဏီများနှင့် အကျိုးတူပူးပေါင်းဆောင်ရွက်နိုင်ရေးအတွက် မှတ်ပုံတင်ခွင့်ပြုပါရန် အောက်ပါအချက်အလက်များကို ဖော်ပြ၍ လျှောက်ထားအပ်ပါသည်-

၁။      လုပ်ငန်းဆောင်ရွက်လိုသူ၏

          (က)    အမည် --------------------------------------------------------------------------

          (ခ)     နိုင်ငံသားစိစစ်ရေးကဒ်အမှတ်--------------------------------------------------

          (ဂ)     မြန်မာနိုင်ငံသားပိုင်ကုမ္ပဏီအမည်     --------------------------------------------

          (ဃ)    ကုမ္ပဏီမှတ်ပုံတင်အမှတ်--------------------------------------------------------

           (င)     နေရပ်လိပ်စာ/မှတ်ပုံတင်ထားသည့်ကုမ္ပဏီလိပ်စာ------------------------------------------------------------------------  

              -----------------------------------------------------------------------------------------------------------------------------------

          (စ)     တယ်လီဖုန်း/ဖက်စ်/အီးမေးလ်လိပ်စာ-------------------------------------------------------------------------------------

          (ဆ)    ပင်မလုပ်ငန်းအမျိုးအစား(အသေးစိတ်ဖော်ပြပေးရန်)-----------------------------------------------------------------

                  ------------------------------------------------------------------------------------------------------------------------

မှတ်ချက်။      အောက်ပါအချက်များကို ပူးတွဲတင်ပြရန်-

                  (၁)     ကုမ္ပဏီမှတ်ပုံတင်အထောက်အထားမိတ္တူ

                  (၂)     နိုင်ငံသားစိစစ်ရေးကဒ်မိတ္တူ

                  (၃)     ကုမ္ပဏီဖွဲ့စည်းပုံ

                  (၄)     သင်းဖွဲ့မှတ်တမ်း၊ သင်းဖွဲ့စည်းမျဉ်း၊ Form VI၊ Form E၊ Form XXVI

                  (၅)     Board of Directors Resolution

                  (၆)     Latest Financial Statement

                  (၇)     Bank Statement (လွန်ခဲ့သည့် ၃ နှစ်ကာလမှ စ၍ဖော်ပြပေးရန်)

                  (၈)     အခွန်ပေးဆောင်မှုမှတ်တမ်းနှင့် အခွန်ကင်းရှင်းကြောင်း ထောက်ခံချက်
​​         

၂။      ကုမ္ပဏီ၏ Profile နှင့် သက်ဆိုင်သော အချက်အလက်များ -

         (က)    ရေနံနှင့်သဘာဝဓာတ်ငွေ့ရှာဖွေ၊ တူးဖော်၊ ထုတ်လုပ်မှုနှင့်ပတ်သက်သည့် နည်းပညာဆိုင်ရာ ပြည့်စုံမှု၊ လူ့စွမ်းအားအရင်းအမြစ်နှင့်

                   စက်ယန္တယား ၊ ပစ္စည်း ကိရိယာတည်ရှိမှု

          (ခ)    Health, Safety and Environment ဆိုင်ရာဆောင်ရွက်မှု၊

          (ဂ)    ကုမ္ပဏီ Track Record(ရေနံနှင့်သဘာဝဓာတ်ငွေ့ ရှာဖွေ၊ တူးဖော်၊ ထုတ်လုပ်ရေး လုပ်ငန်း အတွေ့အကြုံ ရှိမှု နှင့်  လက်ရှိ

                  ဆောင်ရွက်နေမှု)

                                                                                                                        လျှောက်ထားသူလက်မှတ်

                                                                                                                   အမည်--------------------------------    

                                                                                                                  ရာထူး-----------------------------------

                                                                                                                 ဌာန/ကုမ္ပဏီတံဆိပ်-------------------

ကတိဝန်ခံချက်

          အထက်ဖော်ပြပါလျှောက်ထားသူမှ ပေးအပ်သည့် အချက်အလက်များအားလုံးသည် မှန်ကန်မှုရှိပါကြောင်းအာမခံပါသည်။

          လျှပ်စစ်နှင့်စွမ်းအင်ဝန်ကြီးဌာနမှ ချမှတ်သည့် စည်းမျဉ်းစည်းကမ်းများကိုလည်း လိုက်နာမည်ဖြစ်ကြောင်း ဝန်ခံကတိပြုအပ်ပါသည်။

            လျှောက်ထားသူလက်မှတ်

အမည်-----------------------------

                                                                             ရာထူး------------------------------

                                                                             ဌာန/ကုမ္ပဏီတံဆိပ်----------------