MOEE

လျှပ်စစ်စွမ်းအားစီမံရေးဦးစီးဌာန၏ ဖွဲ့စည်းပုံ

လျှပ်စစ်စွမ်းအားစီမံရေးဦးစီးဌာန၏ လုပ်ငန်းတာ၀န်များ

လျှပ်စစ်စွမ်းအားစီမံရေးဦးစီးဌာနသည် အောက်ဖော်ပြပါ လုပ်ငန်းတာ၀န်များကို ဆောင်ရွက် ရမည်။

(က) ပဏာမစူးစမ်းလေ့လာခြင်း၊ ဖြစ်မြောက်နိုင်စွမ်း ရှိ/မရှိ တွက်ချက် သုံးသပ်ခြင်းများ ပြုလုပ်ရာတွင် ဦးဆောင်ပါ၀င်ခြင်း။

( ခ ) ရေအားနှင့်ပြည်လည်ပြည့်ဖြိုးမြဲစွမ်းအင်စီမံကိန်းများ၏ ရေတို၊ ရေရှည်အစီအမံများ ရေးဆွဲရာတွင် ပါ၀င်ညှိနှိုင်းခြင်း။

( ဂ ) လျှပ်စစ်ဓာတ်အားပေးစက်ရုံ စီမံကိန်းအသစ်များနှင့်စပ်လျဉ်း၍ အသေးစိတ်လေ့လာ ခြင်း။

(ဃ) နှစ်စဉ်ဓာတ်အားထုတ်လုပ်မှုပမာဏ လျာထားချက်ပြည့်မီအောင် ထုတ်လုပ်နိုင်ရေး အတွက်စီမံခြင်း။

( င ) တိုးတက်ထုတ်လုပ်ရန်လိုအပ်လာသည့် ဓာတ်အားပမာဏအရ ဓာတ်အားပေးစက်ရုံ တိုးချဲ့တည်ဆောက်ရန် လိုအပ်ချက်များကို တွက်ချက်အကြံပြုတင်ပြခြင်း။

( စ ) တစ်နိုင်ငံလုံး ဓာတ်အားရရှိရေးအတွက် ဓာတ်အားထုတ်လုပ်မှု၊ သယ်ပို့ဖြန့်ဖြူးမှု စနစ် များတိုးချဲ့ရေးစီမံချက်များ ပေါင်းစပ်၍ ပင်မစီမံချက်ရေးဆွဲခြင်း။

(ဆ) စာချုပ်စာတမ်းများအား ဥပဒေလုပ်ထုံးလုပ်နည်းများနှင့် ကိုက်ညီရန်စီစစ်ခြင်း။

( ဇ ) စီမံကိန်းတစ်ခုချင်းအလိုက် ငွေကြေးအခြေအနေတွက်ချက်၍ သုံးစွဲမှုစိစစ် အကဲဖြတ် ခြင်း။

( စျ ) ဓာတ်အားခနှုန်းထားသတ်မှတ်ရေးစိစစ်လေ့လာခြင်း၊ သတ်မှတ်နိုင်ရေးတင်ပြခြင်း။

(ည) ချေးငွေနှင့် ထောက်ပံ့ငွေဆိုင်ရာကိစ္စရပ်များ စိစစ်သုံးသပ်ခြင်း။

( ဋ ) ဆက်စပ်ဆောင်ရွက်မည့်နိုင်ငံနှင့် နှစ်နိုင်ငံလျှပ်စစ်ကဏ္ဍ ပူးပေါင်းဆောင်ရွက်ရေး ဆိုင်ရာ ကိစ္စရပ်များ။

( ဌ ) နည်းပညာဖလှယ်ခြင်း၊ နည်းပညာပူးပေါင်းဆောင်ရွက်ခြင်းဆိုင်ရာကိစ္စရပ်များ။

( ဍ ) နှစ်နိုင်ငံဓာတ်အားထုတ်လုပ်၊ သယ်ပို့၊ ဖြန့်ဖြူးရေးကိစ္စရပ်များ။

( ဎ ) ဓာတ်အားကွန်ယက်ချိတ်ဆက်ရေးနှင့် ဓာတ်အားရောင်းဝယ်ရေးဆိုင်ရာကိစ္စရပ်များ။

(ဏ) ဒေသတွင်း အဖွဲ့အစည်းများနှင့် လျှပ်စစ်ဓာတ်အားဖွံ့ဖြိုးမှု ပူးပေါင်းဆောင်ရွက်ရေး ဆိုင်ရာကိစ္စရပ် များ။

(တ) HAPUA အဖွဲ့နှင့် ဓာတ်အားကွန်ယက်စနစ် ချိတ်ဆက်ခြင်းဆိုင်ရာကိစ္စရပ်များ။

(ထ) BIMSTEC အဖွဲ့ဝင်နိုင်ငံများ/ မဲခေါင်ဒေသတွင်းနိုင်ငံများနှင့် လျှပ်စစ်ဓာတ်အား ကုန်သွယ်‌ရေး ဆိုင်ရာ ကိစ္စရပ်များ

( ဒ ) ADB ၊ WB ၊ IFC ၊ JICA ၊ JEPIC စသည့် နိုင်ငံတကာအဖွဲ့အစည်းများနှင့် ဆက် သွယ် ဆောင်ရွက်မှု။

( ဓ ) ဝန်ကြီးဌာန ဝန်ထမ်းများ စီမံ၊ ဘဏ္ဍာ၊ အင်ဂျင်နီယာပိုင်း ကျွမ်းကျင်ဝန်ထမ်းပိုင်း တွင် စွမ်းဆောင်ရည် မြင့်မားရေးအတွက် လိုအပ်နေသော သင်တန်းအစီအစဉ်နှင့် သင်တန်းကျောင်းများ ထူထောင်ရေး စီမံချက်ရေးဆွဲခြင်း။

လျှပ်စစ်စွမ်းအားစီမံရေးဦးစီးဌာန၏ ဌာနခွဲများအလိုက် လုပ်ငန်းတာဝန်များ

လူအင်အားစီမံရေးဌာနခွဲ
- ဝန်ထမ်းရေးရာကိစ္စရပ်များ
- အထွေထွေစီမံခန့်ခွဲရေး
- လူ့စွမ်းအားအရင်းအမြစ်ဖွံ့ဖြိုးရေးအတွက် သင်တန်းများစီစဉ်ခြင်း၊

စီးပွားရေးစီမံရေးဌာနခွဲ
- ပြည်တွင်း/ပြည်ပပုဂ္ဂလိကများမှ ဆောင်ရွက်မည့် စီမံကိန်းများ၏ရင်းနှီးမြှုပ်နှံမှု ဆိုင်ရာအဆိုပြုချက်များ၏ စီးပွားရေးတွက်ခြေကိုက်မှု စိစစ်ခြင်း၊
- လျှပ်စစ်ကဏ္ဍ၏ စာရင်းအင်းများ ပြုစုတွက်ချက်ခြင်း၊

လျှပ်စစ်ဓာတ်အားဖွံ့ဖြိုးမှုစီမံရေးဌာနခွဲ
- နိုင်ငံတကာအဖွဲ့အစည်းများ၊ ဒေသဆိုင်ရာအဖွဲ့အစည်းများနှင့် နှစ်နိုင်ငံအစိုးရချင်း ပူးပေါင်းဆာင်ရွက်ရေးကိစ္စရပ်များ၊
- နိုင်ငံခြားချေးငွေ အဆိုပြုချက်များ၊
- Master Plan များရေးဆွဲခြင်း၊
- လျှပ်စစ်ဥပဒေ၊ နည်းဥပဒေ၊ လုပ်ထုံးလုပ်နည်း၊ Grid Code များပြဌာန်းနိုင်ရေး ကိစ္စရပ်များ

အပူစွမ်းအင်စီမံရေးဌာနခွဲ
- သဘာဝဓာတ်ငွေ့၊ ကျောက်မီးသွေး စသည့် အပူစွမ်းအင်သုံး ဓာတ်အားထုတ်လုပ် မှုစီမံကိန်းများကို ပြည်တွင်း/ပြည်ပ ပုဂ္ဂလိက ရင်းနှီးမြှုပ်နှံမှုဖြင့် ဆောင်ရွက်ရာတွင် ဖြစ်မြောက်နိုင်စွမ်းလေ့လာမှု အစီရင်ခံစာများအား စိစစ်ခြင်း၊
- MOU၊ MOA၊ JVA၊ BOT၊ PPA စသည့် Project Agreement များချုပ်ဆိုနိုင်ရေး ကိစ္စရပ်များ

ရေအားနှင့်ပြန်လည် ပြည့်ဖြိုးမြဲစွမ်းအင်စီမံရေးဌာနခွဲ
- ရေအားနှင့်လေစွမ်းအင်၊ နေစွမ်းအင် စသည့် Renewable စွမ်းအင်သုံး ဓာတ်အား ထုတ်လုပ်မှု စီမံကိန်းများကို ပြည်တွင်း/ပြည်ပ ပုဂ္ဂလိက ရင်းနှီးမြှုပ်နှံမှုဖြင့် ဆောင်ရွက် ရာတွင် ဖြစ်မြောက်နိုင်စွမ်းလေ့လာမှု အစီရင်ခံစာများ အား စိစစ်ခြင်း၊
- MOU၊ MOA၊ JVA၊ BOT၊ PPA စသည့် Project Agreement များချုပ်ဆိုနိုင်ရေးကိစ္စရပ်များ

The Republic of the union of myanmar

Ministry Of Electricity And Energy

Total visitors

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors