MOEE

တင်ဒါစိစစ်ရွေးချယ်မှုစည်းမျဉ်းများ

တင်ဒါစိစစ်ရွေးချယ်မှုစည်းမျဉ်းများ

သတ်မှတ်ထားသည့် တင်ဒါပိတ်ရက်၊ အချိန်ထက် နောက်ကျပေးသွင်းလာသည့် တင်ဒါများကို လုံးဝ လက်ခံစဉ်းစားမည်မဟုတ်ပါ။
တင်ဒါပိတ်ရက်တွင် သတ်မှတ်ထားသည့်အချိန်၌ မပါမဖြစ်ပါဝင်ရမည့် စာရွက်စာတမ်း အထောက် အထားများပါရှိမှုအား တစ်ချိန်တည်း တင်ဒါစိစစ်ကြီးကြပ်ရေးကော်မတီနှင့် တင်ဒါတင်သွင်း သူများ၏ ရှေ့မှောက်တွင် ဖွင့်/ဖောက်စစ်ဆေး၍ တင်ပြကြေငြာသွားမည်ဖြစ်သည်။(မပါမဖြစ် ပါဝင်ရမည့်အချက်များ ပါဝင်မှုမရှိသော တင်ဒါတင်သွင်းမှုများအား ပယ်ဖျက်သွားမည်ဖြစ်ပါသည်။)
သတ်မှတ်ထားသော Bid Security or Bid Bond ပေးသွင်းသည့် Latter of Guarantee အား တင်ပြနိုင်ခြင်းမရှိသည့် တင်သွင်းမှုများအား လက်ခံစဉ်းစားမည်မဟုတ်ပါ။
ဈေးနှုန်းတွက်ချက်မှုမှားယွင်းခြင်း၊ မူလတင်ဒါတွင်ပါဝင်သည့် လုပ်ငန်းပမာဏအား လျော့၍ တွက်ချက်ခြင်း၊ ထည့်သွင်းတွက်ချက်မထားရှိမှုများကို စိစစ်တွေ့ရှိရပါက ၎င်းတင်သွင်းသည့် တင်ဒါအား ပယ်ဖျက်သွားမည်ဖြစ်ပါသည်။
တင်ဒါပေးသွင်းသူသည် မိမိတင်ဒါအောင်မြင်မှုအတွက် အစိုးရအရာရှိများထံမှလည်းကောင်း၊ သြဇာတိက္ကမရှိသော ပုဂ္ဂိုလ်များထံမှလည်းကောင်း အကူအညီရယူရန်ကြိုးစားလျှင် တင်ဒါအား ပယ်ဖျက်သွားမည်။
တင်ဒါခေါ်ယူရေးကော်မတီသည် သတ်မှတ်ထားသည့် စည်းကမ်းချက်များနှင့် မကိုက်ညီ၍သော် လည်းကောင်း၊ နိုင်ငံတော်နှင့် ဌာနမှသတ်မှတ်ပြဌာန်းထားသော စည်းကမ်း၊ ဥပဒေများ၊ ညွှန်ကြား ချက်များနှင့် ကိုက်ညီမှုမရှိ၍သော်လည်းကောင်း၊ ရရှိသော တင်ဒါတစ်ခုကိုဖြစ်စေ၊ အားလုံးကို ဖြစ်စေ၊ အကြောင်းတစ်စုံတစ်ရာဖော်ပြခြင်းမပြုဘဲ ပယ်ဖျက်ပိုင်ခွင့်ရှိကြောင်းကို တင်ဒါသွင်းသူများ သိရှိထားရမည်။
တင်ဒါစိစစ်အတည်ပြုရေးကော်မတီသည် တင်ဒါတင်သွင်းသူများမှ ပေးသွင်းလာသည့် Detail Technical Specification များနှင့် ကုမ္ပဏီနှင့်သက်ဆိုင်သည့် စာရွက်စာတမ်း အထောက်အထား များအား စစ်ဆေးရန် အောင်/ရှုံး သတ်မှတ်သွားမည်ဖြစ်သည်။
တင်ဒါစိစစ်ရွေးချယ်အတည်ပြုရေးကော်မတီမှ စိစစ်သုံးသပ်၍ အတည်ပြုပြီးသော တင်ဒါအောင်မြင် သူနှင့် မအောင်မြင်သူများအား စာဖြင့်အကြောင်းကြားခြင်းသော်လည်းကောင်း၊ ကုမ္ပဏီအားလုံး အားခေါ်ယူ၍ ရှင်းလင်းတင်ပြခြင်းသော်လည်းကောင်း ပြုလုပ်၍သွားမည် ဖြစ်ပါသည်။
စာဖြင့်အကြောင်းကြားခြင်းပြုလုပ်ခဲ့ပါက တင်ဒါမအောင်မြင်သူများအနေဖြင့် မကျေနပ်မှု၊ သိရှိ စုံစမ်းလိုမှုများရှိပါက တင်ဒါအောင်မြင်/ကျရှုံးကြောင်း အကြောင်းကြားသည့်ရက်မှ (၁၅)ရက် အတွင်း တင်ဒါစိစစ်ရွေးချယ်ရေးကော်မတီသို့ တရားဝင်စာဖြင့်ရေးသား၍ စုံစမ်းနိုင်ပြီး ကော်မတီမှ လည်း တရားဝင်စာဖြင့် ဖြေရှင်းအကြောင်းပြန်ကြားသွားမည်ဖြစ်ပြီး (၁၅)ရက်ထက်ကျော်လွန်မှ ရောက်ရှိလာသည့်စာများအား အကြောင်းပြန်ကြားသွားမည်မဟုတ်ပါ။
Detail Technical Specification များနှင့် ကုမ္ပဏီနှင့်သက်ဆိုင်သည့် အချက်အလက်များကို ဦးစွာ စိစစ်သုံးသပ်ပြီး တင်ဒါစိစစ်ရွေးချယ်ရေးကော်မတီမှ ဆုံးဖြတ်အတည်ပြုပြီးနောက် အောင်မြင်သည့်ကုမ္ပဏီများအား ဈေးနှုန်းဖွင့်ဖော်ခြင်း အခမ်းအနားသို့ ဖိတ်ကြားသွားမည်။ မအောင်မြင်သူများအား ဖိတ်ကြားခြင်းနှင့် ဈေးနှုန်းလွှာများအား ဖွင့်ဖောက်ခြင်းပြုလုပ်သွားမည် မဟုတ်ပါ။
စာရွက်စာတမ်းပြည့်စုံမှု၊ ကုမ္ပဏီ၏အတွေ့အကြုံ၊ ထုတ်လုပ်သူ၏ခွင့်ပြုချက်၊ တင်ဒါအာမခံကြေး ပေးသွင်းထားမှု၊ ပေးသွင်းမည့်ပစ္စည်းအရည်အသွေး၊ ဈေးနှုန်းသင့်တင့်မှုအပေါ်မူတည်၍ တင်ဒါ အောင်/ရှုံးအား သတ်မှတ်သွားမည်ဖြစ်ပါသည်။ (မှတ်ချက်။ အခြေအနေ၊ အချိန်အခါ၊ ပစ္စည်း ဝယ်ယူမှု၊ လုပ်ငန်းအပ်နှံမှုတို့အပေါ်လိုက်၍ တင်ဒါစည်းကမ်းချက်များ ပြင်ဆင်ဖြည့်စွက် နိုင်ပါသည်။)

The Republic of the union of myanmar

Ministry Of Electricity And Energy

Total visitors

တင်ဒါစိစစ်ရွေးချယ်မှုစည်းမျဉ်းများ

နောက်ဆုံးရ တင်ဒါသတင်းများ

အများပြည်သူသို့ ပန်ကြားလွှာ

ဗွီဒီယိုမှတ်တမ်းများ

ဓါတ်ပုံမှတ်တမ်းများ

Electricity And Energy

Total visitors